فبقولها عزيزتي ما غلطتي يوم دخلتي موضوعي لانج صدق بتستفيدين وما بتطلعين الا وانتي مستانسه وبتحسين هموم الدنيا طاحت عنج،،
كلنا ناس وكلنا لنا حاجاات ونمر فابتلاءات وفمشاكل وضغوط هالحياة وصدمات من ناس ومواقف تخلينا صدق نتعب ونهتم ونسكن الحزن قلوبنا،،
بس عزيزتي اللي تقرين كلماتي الحين بعطيييج اشااااراتـــ وخطوات اعتبريها شرات الدواء،، وتحتاجينه صدقيني علشان يتحققلج اللي فبالج،،
كلمات وعبارات ارسلها لج من قلبي،، وكلي ثقه انها بتوصل قلبج وبتدخله علطوووول وبتسكنه،، وكلامي مو من هوى،، بالعكس من تجارب ناس حقيقيه،،
حاولت قد ما اقدر اجمعهم فموضوع واحد،، لاني صدق صدق اشوفنا محتاجين له،،،
خواتي: اللي عندها مشكله،، واللي تعاني من زوجها،، واللي تبى تحمل،، واللي تبى تنجح وتتخرج،، واللي تبى الرزق،، واللي تبى ربي يصلح امورها،، واللي تبى ربي يحققلها اللي فبالها واللي تبي الزوج الصالح واللي واللي ،،، الـــــــــــــــــــــــخ
تعالي وياي وانا ابصم لج بتحققين اللي تبينه ،، والطريقه وايد سهله،،، جربي طريقتي وبتلاحظين من اول يوم فرق واااااااضح فحياتج،،،
يالله بنبدأ،،،،
أول شي عزيزتي ابيج تسجدين الحين شكر وحمدلله رب العالمين،، انه رزقج بنعمة الاسلام ورزقج هالبلاء او هالمشكله علشان يشوف صبرج ويصلح لج حالج ولا تنسين اكيد اشتاقلج ملك الملوووك،،،
وابيج تسترخين استرخاااء تام ووتنسين انج من اهل الدنيا،، حديثنا اليوووم غيررر حديث روووح وهمسات قلب وأنين ضمييير يشتكي ،،،
كلنا نذنب ونعصي وكلنا نغلط،، وربي يقووول بما فيه معناه،، لو كانو الناس ما يذنبون،، جان ربي ياب قوووم غيرنا يذنبون فيستغفر لهم،،
والله لهالكلام سلوى للخاطرررر
و لو نعرف شوقه إلينا و إلى عودتنا لذبنا شوقا إليه و لعضضنا أصابعنا حتى يسيل منها الدم ندما على ما فرطنا في جنبه ملك الملوكـــ
أوحى الله لداود
" يا داود لو يعلم المدبرون عنى شوقى لعودتهم ورغبتى فى توبتهم لذابــو شوقا إليه يا داود هذه رغبتى فى المدبرين عنى فكيف محبتى فى المقبلين عليه "
عززيزتي،، تعالي عيشي وياي يوم واحد وجربيه وشوفي شلوون بتغير حياتج،،،
تعااالي وياي هاتي اييييدج لاتخافين اوعدك ما تنزل دموعج لانج اخترتي تقرعين باب السماء باب ملك الملوك رب العالمين تعااااااااااليـــ غناتيــــــ
اختي الغاليه،، جربي وياي ننام من وقت الساعه 11 بليل،، وخلينا ننوي نقوم الليل لا تقولين صعبه،، سهله والله اذا عندج عيال نوميهم من وقت ونامي وياهم،، خلونا شوي بعيد عن السهر والافلام والانترنت،،،
شرايج تظبطين تليفونج وتقومين الساعه 3 ،، لا تقولين وايد من وقت،، احنا نمنااا 3 ساعات ،، ولا تنسين انه احناا اصحااااب حاجاااات نحتاج ربنا فهالووووووقت،،، ربي ينزل فالثلث الاخير في ليل ويقول هل من تائب فاغفر له وهل من سائل فاعطيه وهل من داعي فاستجيب له ،،
احلى شي الليل يشهد بقصص التائبين ودموع المكروبين وفرح المهمومين بفرجهم،، كوني منهم عزززززيزتي،،،
خلينا نصلي قد ما نقدر ونطول فالقيام لحد الساعه 4 وربع ويفظل لو تقرين سورة البقره فقيام الليل مفعووولها عجيب فالبركه والراحه النفسيه ووتبعدد عنج العين والحسد والسحر وكل شيء سبحان الله،،،
وخلو ثلث ساعه ندعي وهنيه احلى ى ى ى شي،، ربي فوووقج علطووول والملائكه حولللج،، حتى اني احيانا والله افتح دريشه واتريا اسمع صياح الديج ويصيح وايد هالوقت لانه يشوف الملائكه وقت السحر وهذا وقت فظيييل لدعاء،، اتذكر وحده من الاخوات تقول،، انها تسوي لنفسها اجواء وهي تصلي قيام الليل تسكر الاضواء وتشغل الابجوره وترتب الغرفه وتخليها اجواء فنتكه علشان تتهيأ عدل للصلاه،، لا تصتصغرون هالشي،، سبحان الله حتى يمكن ملك مار عندج ويرفع دعوتج،، اصلن يكفي انه ربي قريب عليج ويسمع دعائج
ادعي من قلب وابجي فظفظي له اشكيله حالج ،، اتركي الشكوى للناس،، اقرعي باب ملك الملووووكـــ،، لج حاجه والناس صدووج،، تبين تحملين تبين زوج صالح تبين أي شي،، مافي شي مستحيل ويا ملك الملوووك ،، ادعيه باللي تبينه صيحي وحاول تصيحين واظهري افتقارك ،، ربي يسمعج ويفرح بعودتج
صدقيني بيتحقق ثقي فهالشي ربج يقووول انا عند حسن ظن عبدي بي،،يقول الله عز وجل
"إنى لأجدنى أستحى من عبدى يرفع الى يديه يقول يارب يارب فأردهما فتقول الملائكة الى هنا إنه ليس أهلا لتغفر له فأقول ولكنى أهل التقوى وأهل المغفرة أشهدكم إنى قد غفرت لعبدى"
ناجيييييييييييييييي ملك الملوك اللي يغضب اذا ترك سؤاله،،، الزمي الدعاء وكثريه صدقيني يا ما يشهد الثلث الاخير من الليل عن قصص اللي انفرجت محنتهم وتحققلهم اللي فبالهم،،،
المسلم يسأل الله تعالى من فضله، فهو يعلم أن الله تعالى يريب إليه، ويدفع عنه، وان الدعاء يفع مما نزل ومما لم ينزل وان البلاء لينزل ويلقاه الدعاء، ويعتلجان إلى يوم القيامة.
يقول حكيم: ليس بفقيه من كان له عند الله حاجه ولا يقوم الليل"،،
الله خلصتي الدعاء وصحتي وطلعتي كل اللي فخاطرج وانتي متيقنه انه ربج بيستجيب،، طيحي عسجاتدج عجنبج اليمين واستغفري باصابعج عندج نص ساعه تقريبا لين يأذن الفجر
استغفري وااااااايد ربج يقول " والمستغفرين بالاسحار " كثررري وايد صدقيني الاستغفار سبب فتحقيق الآمال،، ويفتح الاقفال شكت امراه اشيخ انها ما تحمل
قالها الزمي قيام الليل والاستغفار في الاسحار،، فوالله ما ما مر الا 15 يوم وهي تشعر بآلام ولما كشفت وجدت نفسها حاممممملـــ سبحانك يالله،، لا ترد من سألك ما اعظمك،،،بنسويلنا نظام بعد كلاة صلاة بنستغفر 200 مره بيكون المجموع كل يوم 1000 استغفار اظافه لاستغفار الاسحار ،، يالله شكثررر روووعه،،، اتحداج ربي ما يفرجها،، يقول الرسول صلى الله عليه وسلم" من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب،،
أذن الفجر ،، الله شعور جميل نردد ورا الاذان ونرد نكرر بعض الادعيه اللي نحتاجه مره 2،، لا بأس نحن محتاجين نلزم الدعاء ونكررره فكل وقت ونصلي الفجر،، ونقرا اذكار الصباح والمساء تعطيك بركه وقوه وتفتح لك زرق،، وبتلقينها فكتاب حصن المسلم تقدرين تشترينه من تسجيلات او مكتبه ،، وفيه ادعيه لكل شي للكرب وللاستخاره ولدخول البيت ولكل شي ايي عبالج،، وهذي صورة الغلاف
واذا قدرتي لا تنامين لحد شروق الشمس واستغلي الوقت بالاستغفار والتسبيح وصلي ركعتين وبيكون لج أجر حجه وعمره تامه تامه ،، يقول الرسول -صلى الله عليه وسلم : (( من صلى الصبح في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة تامة تامة تامة ))
والحين ارهقتي صح،، ألله حطي راسج عالمخده ونامي وشوفي شلون بيكون شعورج براااحه وانتي شكيتي ودعيتي لملك الملوووك وتنطرين ربي بس يقول كن فيكووون،، وشوفي الاحلام شحلاتها اللي بتشوفينها روووعه،،،
وقومي عيشي حياتج طووول اليوم بين صلاه واستغفار واطلعي واستانسي واظحكي وعيشي حياتج ،، ما في وقت للهم وللحزن ولا الظيق،، ربي بيفرج كل شي،،، صلي الظحى وتقربي لله بنوافل ولا تنسين الوتر
حافظي على سورة يس قبل ما تنامين،، لانج اذا قريتيها فليله بنية خالصه لوجه الله اصبحتي مغفوووور لك،، يالله عرظ مغررررررررري روعه،، يكفي انه القرآن يشرح الصدر والبااااااااالـــ
ربي ابتلاناالزمي ركعتين حاجه كل يوم فأي وقت وداومي عليها ربي ما بيخيب ظننننج،،، الزم دعاء ذي النون" لا إله إلا انت سبحانك إني كنت من الظالمين" لا تنسين الرسوول قال من دعاه به وهو في كرب استجيب له،،
لا تنسين صدقه مفعولها سحرررررررررررري ،،، واتصدقي وادعي ربج انج تصدقتي بنية ربي يرضى عليج وتقربي بدعائج له باعمالج الصالحه مثل ما سووره أهل الكهف،، والكل يعرف قصتهم،،
عزيزتي هذا اللي كتبته بين سطوري وهذي خلاصة تجربها عشتها وانتظر ربي يفرج همي وكربي،، وخلاصة ما وصى به الرسول صلى الله وعليه وسلم وتجارب ناس اللي صدق عاشوها وعرفو انه " ومن اعرض عن ذكري فإن له معيشة ضنكا " واشتاق يسمع صوتنا فدعااااااااااء،،اا رجعووو لربنا بكل قوووووه واصرار والزمو دعااااء ثم دعاااء ثم دعااااااء واللي عندها والديها دعائهم مستجااااااب احرصي عهالشي،،، حتى لو تبينهم ما يعرفون دعائك قوليلهم بس قووولو آمييين ،، وعقب ادعي بلي تبينه فداخلك،،
وخلي الأطفال يدعوون لج ،، الاطفال ما عندهم ذنوووب صغااار،، خليهم يدعون لج،،
ربك ما تعرفين دعوه تصادف وقت استجابه وتنرفع وتكون سبب فانفراج محنتج وكربتج،،،
ولازم نصفي قلوبنا صوب كل الناس ونرد الحقوق لاصحابها ونتسامح من اللي غلطنا عليهم وما نغتاب حد،، ترا كل هالاسباب سبب فاستجابة دعاء،، وما نستعجل اهم شي
وربي يفرج همومنا وكروبنا ويحقق لنا اللي فبالنا عاجلا غير آجل لاإله إلا انت سبحانك إني كنت من الظالمين،، واسمحوووولي خواتي طولت عليكم،،،
وكلنا موجودين هنيه فهالموضوووع وبنشجع بعض خواتي،، وبنتواصل بدعاااااء،، بس صدق والله يا خواتي حطي هالمعادله فبالج:
الدعاء+ قيام الليل+ الاستغفار+ الصدقه + حسن الظن بالله = فرج فرج فرج وتحقيق للآمال ورضى ملك الملوووك
وما تتتخيلوووون اهداءات رب العالمين عالصبر عالمصيبه،، الله عظييييم فما بالجج شلوون بيكون جزاءه واهدائه لج،، حتى بتنفرج محنتج وفوووقها اشياء ما توقعينها من رزق وخير وبركه،، وفي ذلك فليتنافس المتنافسووون....
موضوع من تصفحي
ودعواتكم خواتي ربي يفرج كربي ويحققلي اللي فبالي ،،وجعلها الله من اهل الفردوس الاعلى يارب اللي بتنشر الموضوووع ،، اللهم آمين
والحمدالله رب العالمين،،،
اختكم فـــــــــي الله .....
منقوووووووووووووووووووووووووووووول
كلام رائع ويجدد الامل
من النادر انى اقراء مواضيع طزبله لكن هذا شئ ثاني
الله يجزاك خير
ويفرج علينا وعلكم