أختي أنا ولدي الله يحفظه نسى الكلام كان يتكلم بدري ونسا الكلمات بسبب الأناشيد وكثرة الألعاب
ناس نصحوني أزور أقاربي كثير أو أدخله روضة يقولون التخاطب مع الطفل يخليه يتكلم عمر ولدي سنتين ولما كان بعمر سنة وشهر ينطق كلمات كثيرة


اللحين أنا أكلمه حتى لو ما يرد


قبل ألبسه أقول هذي ملابس وأطالع فيه
أو أقوله تبي ماء ؟ بعدين أصب له


أو أقول هيا ننام أنت تنام ؟ وأطالع فيه بعدين أشيله على سريرة


وإذا دق الجرس أطالع فيه وأقول مين ؟ بابا؟ عمو؟ جده ؟ بعدين أقوله هيا نفتح وأمسك يده ونمشي للباب وأخليه يفتح

وأحيانًا وأنا انتظر السيارة أقول اللحين يجي بابا ونروح لبيت عماني وأطالع في وجهه


تغيييير كثير صار يعرف إنه هو المعني بالكلام
وحده نصحتني تقول كلموا الأطفال حتى لو ما استجابو تراهم يخزنون في عقولهم وبالفعل الشيء اللي أكرره عليه مثل تبي حليب ؟ يالله ننام ؟ صار يفهمها ويرد أيه


ولدي كان ممتاز وتكلم بدري لما أشوف فيدويات له قديمة قبل يتعلق في الأنشيد


بعدها صار صااااااامت اتعبني واللحين أوقفت الأناشيد نهائي وصرت أحيانا أخليه يتفرج في أفلام كرتون بطيئة

هذي علامه من علامات التوحد الله يشفي ولدك يارب ويكون عكس مانظن روحي مركز مطمئنة

الله يخلي لكم عيالكم ياارب

لوحة فرح انا بعد والله اقول كلها من طيور الجنه كان وهو صغير يقول بابا ماما دده ننه يعني الرضاعه الحين ولاشي بس ساكت ويتفرج في التلفزيون ونتكلم كثير حوله انا واخوانه وابوه بس مايستجيب ولايطالع لنا ولايبغا الا يتابع لتلفزيون حتى لو فيه عيال من العايله مايلعب مع احد منعزل بس حاليا صرت اكثف عليها الكلام واتابعه فيه شي تغير كان مايحب احد يضمه الحين اذا زهمناه وقلنا حضن حضن يجي يركض ويضم ان شاء الله يارب يتعدل

اخت دره مركز مطمئنه وشهو ببحث عنه بالنت وان شاء الله احصل عنه معلومات واروح له

الطفل التوحدي مستحيل يحط عينك في عينه او يحظن نهاااائي


تتطمني ولدك ماااافي شييييي
بس قله حصيله لغويه عنده بسبب التلفزيوووون للاسسسف
احذفي القنااه كلها
ولا عاد يتفرج على اي كرتون او تلفزيون
جيبي له قصص واقريها له وجيبي له قصص حركيه فيها تلوين مثلا
او اشكال الحيوانات ودربيه عليها ينطق معك شوووي شوي ان شاء الله
علميع يقول اسمه كامل وعلميه كل الي تبينه سولفي معه ..

الله يطمن قلبك اخت asiatic lily ريحتيني شوي ولدي كان يدف اللي يبغا يضمه وفي الاسبوع هذا صار يضمنا واذا قلت له بوسه بوسه يعطيني خده اول يدف مايبغا احد يلمسه ولحتى وقت النوم يحب ينام بعيد وحده والنظر يناظر بس خفيف مره بس الحين اجلسه ازهمه ازهمه الين يلتفت لي ويطالع ومرات اقوم انا احط وجهي بوجه ويطالع والله هذا التغير من حذفة قنوات الاناشيد الزفته ذي وصرت اشعل قران االتلفزيون صح مايتابع بس نشغل القران اجلس العبه صرت اعطيه كثير من وقتي اول كنت ملتهيه عنه انا بعد مااسولف كثير معه