مساء الخير ...................
ابدخل بالموضوع على طول والله يابنات اني مهمومه :44:من اجازة لانها قربت انا ساكنه في مدينه ثانيه بعيد عن اهل زوجي لان زوجي معلم ومتعين بديره ثانيه لكن بالعطله لازم نروح لهم لا تقولون ليش عاد او وين المشكله لا انا احب اهل زوجي علاقتي معهم حلوه مع ابوه ومع امه واخوانه وخواته علاقتي معهم حلوه لكن اخته الوسطاء علاقتي معها موذاك الزود والسبب مشكله بسيطه قلبتها علي ودايم تسمعني كلام والله يقهر بس مع هذا اطنش واتركها في حالها ودايم تسوي لي اشياء انقهر وامررها لها والله مواقف تصير لي انه ماعلم زوجي مابي اغثه وعلشان مايناقشها وتكبر السالفه وتصير مشاكل ابي اقولكم وش سبب زعلها علي
انه مره انا كنت بغرفتي مسكره باب الغرفه وكنت ابي اغير ملابسي واول مارفعت ثوبي الا فجاه انفتح الباب وانزل ثوبي والتفت الأ هي فتحت باب الغرفه وانا استغربت :42:وش هالجراءه الي خليها تفتح الباب علي وهي تدري اني بالغرفه ومسكره الباب يعني ماهو عيب عليها تفتح الباب بدون طق انا زعلت لان ماحب احد يشوفني وانا بدون ملابس موقف محرج المهم كانت الاخت تبي معلاق ملابس قلت طيب وهي طلعت وسكرت الباب انا اخذت المعلاق وفتحت الباب ورميته على الارض لاني زعلانه عليها ليه تفتح الباب بدون ماتطق الباب تنبهني
هي من ذاك الموقف زعلت وحقدت علي وعلى النازله والطالعه تسمعني كلام
وانا والله العظيم اني اطنش وارجع اتكلم معها وهي مسويه نفسها اني انا الي غلطت عليها واتكلم معها علشان ابي رضاها >>>>>>>>>>>>الاخت تكذب وتصدق نفسها
ومره توني طالعه الاربعين وجاء وخذاني من اهلي ووداني عندهم والمهم وجالسين نسولف ونضحك وكانت اخته الكبيره جالسه معنا وتوها جايه من مدينه ثانيه لها يومين (حماتي الكبيره احبها والها معزه خاصه لانها ماتحب المشاكل ) المهم كنا تونا مجتمعين ضحك وسوالف والا عمتي ام زوجي تقول لي تصدقين ولدك خشمه مثل خشم فلانه الي هي حماتي الوسطى وكانت عمتي تضحك لان دايم يعلقون على حماتي ويضحكون على خشمها انه كبير انا قلت( لا ان شاء الله مالقيتي الا خشمه تشبهينه عليه قولي افمها او عيونها عادي اما خشمها لا ) هي هنا جن جنونها وزعلت وكنا كلنا نضحك اختها الكبيره وامها ماهو بس انا وقامت ودخلت الغرفه وصكرت على نفسها ولاتعشت معنا وانا ادري انها زعلانه علي وطنشتها ولاكنه صاير شي المهم شوي لأ تطلع من الغرفه دخلت انا المطبخ وسألت اختها الكبيره وين الماء البارد قالتلي بثلاجه وكنا انا وهي واختها الكبيره بالمطبخ رحت ابي افتح الثلاجه الأ حماتي الثانيه قالت انتبهي الثلاجه فيها التماس كهرباء قالت هي لاتقولين لها تخيلو :42: تبي الثلاجه تشفطني وش هالانسانه انا سكت ولا كاني سمعت شي >>>>>>>طنش تعش
ويوم حملت بولدي توني حامل تعبانه ونفسيتي زفت تقول لامها (اليوم رحت المستشفى شفت كروت الحوامل كثيرات وش هالحريم ياعل ابطونهن تفجر كل سنه يحملن) طبعا وانا موجوده وانا كنت حامل بثاني وبنتي الكبيره لها 10 شهور مانكر اني استعجلت بحملي لكن ماهو بأرادتي زوجي اجبرني بالحمل بس ماله داعي تقول هالكلام
وياكثر المواقف الي مريت بهن تغثني وانا ماسكه نفسي لا ارد عليها او اعلم ابوها عليها علشان ماتصير مشاكل لان خالي( ابوي زوجي) لو يدري بالي تسويه بنته فيني ياويلها منه يبي يوقفها عند حدها بس اخاف انه تكبر السالفه وتصير مشاكل
وطلبت زوجي يبني لي مطبخ لان عندي قسم خاص مجلس وحمام وغرفه بس ناقص المطبخ علشان اخفف من مقابلتي لها بس زوجي اعتذر يقول ضروفه الماديه ماتسمح
انا وضحت لكن كل شي ابي منكن نصيحه وش اسوي معها واذا مريت بموقف غثتني فيه وش اسوي وهل اعلم زوجي بالي تسويه اخته فيني او لا بالله ابي نصايحكن لان مهمومه الله يعين بس
ملاحظه :زوجي معلم واجازته شهرين وكلهن نقضيهن بديرة اهل زوجي
واهلي بنفس ديرة زوجي بس ماودي اروح لديرتهم علشان اكون بعيده عن المشاكل
كمثر ى @kmthr_2
محررة
يلزم عليك تسجيل الدخول أولًا لكتابة تعليق.
دلوووووووووول
•
ههههههههههه الله يعينك طنشي واضحكي وسولفي معها سوي مثلي ماكأن شي صار
كمثر ى
•
ههههههههههه الله يعينك طنشي واضحكي وسولفي معها سوي مثلي ماكأن شي صارههههههههههه الله يعينك طنشي واضحكي وسولفي معها سوي مثلي ماكأن شي صار
مشكور اختي بس الأ متى التطنيش والمشكله انه تحسب اني اتكلم معها ابي رضاها وانا اتكلم معها علشان عمتي ماتزعل علي لان احبها واعتبرها مثل امي
اختي ليش كل هالهم ...اخته باين سوالف مراهقات حتى لو انها مو صغيرة هي وحدة فاضية يعني ماعندها شئ تنشغل فيه..وحمدلله اهم شئ ام زوجك وابوه داهم طيبيبن قولي حمدلله..والله لو جربتي غيرة الام او كرهها لك بتنجنين ..طنشي ووسعي صدرك ..الكل كويس جت عليها ..كيفها خليها للايام تغيرها..ربي يوفقك
الصفحة الأخيرة