اولا حبيباتي اشكر كل وحده ردت او دعت وهذا ماهو الا دليل على ان المسلمين كالبنيان يشد بعضه بعضا
واللي ارسلوا رسايل اقول لهم شكرا والف شكر والله لو انتو عندي لاحب روسكم وحده وحده وللأسف ما اقدر ارد عليكم لانه غير مسموح لي من الادارة
ام دحومي قصتك بعثت في قلبي الامل جزاك الله خيرا
ياااااارب اكون قويه عشان زوجي وعيالي يارب
واللي اشارت علي بالتاكسي والله ياحبيباتي زوجي مايستطيع انه يشتري سياره هذي لها معه من تزوجت بعت ذهبي ب 8500 واشتراها موديلها 89
واللي تقول يصير سواق مشاوير لا يستطيع وباقولكم ليش
زوجي يطلع من البيت للدوام الساعه 6 ونص ويدخل البيت 4 الا شي بسيط يتغدا ويسترخي ماينام بس يستلقي شويه
وبعدها يطلع عشان المدرسه ولا يخرج منها الا 9 او 10 وع بال مايجي البيت الا 10 او 11 عشان لو كنا نبي شي يجيبه معاه
ويتعشى وبالكثير 12 وهو نايم يصحى صلاة الفجر يلبس ويروح يصلي ويقعد يكد ع سيارته الين الساعه 6 تقريبا ويرجع البيت يلبس ويطلع للدوام
فمافيه أي مجال لاي عمل اضافي
في العطلة الصيفيه لانه مافيه مدرسه اشتغل فتره ليليه كاشير في بنده شهرين راتب شهر اخذته شريت لي فستان ولعيالي كم لبسه لزواج اختي والشهر الثاني كانعليه دين سدده
واللي تقول ادرس طلاب في بيتي للاسف يا اختي بيتي ما اقدر استقبل احد فيه من سكنته ما زارني فيه احد ابددا ولا انا ما رحت لاحد لان اللي باروح له لازم يجيني وبيتي ما يأهل وكمان انا ما اقدر اجاري العالم في اللبس والشنط الماركات والسمارت فون
عندي جوال برج العرب نوكيا شريته من جهازي ايام الزواج ولا قدرت اغيره قعدت سنتين اجمع مره 10 ومره 5 ومره 50 وهكذا اليييين وصلت 1400 خلال سنتين وقبل ما اروح اشتري لقيت زوجي مره مهمووووم وسألته وش فيك قال السياره ابطلعها من الورشه ماعندي ولاعندي ريال واحد اروح به مشوار وحزنت واعطيته المبلغ والحمدلله ع كل حال
يوم جا العيد في الصباح جاب لعياله العاب من ابو ريالين وانا جاب لي سلسال اكسسوار ويوم جا يعطيني بكا وقال انا عارف انه مو قدرك وان نفسك في جوال بس ان الله احياني لاجيبه لك
وبالنسبه للضمان نقدم كل فتره ومره وحده بس اعطونا كانت مساعده مقطوعه وساعدتنا في الاجار شوي
واللي تقول حطي عيالك عند اهلك امي قالتها بالفم المليان ولا وحده تجيب لي عيالها امسكهم يكفي ربيتكم انتم وانا ما الومها عيالنا يالله نقدر فيهم احنا طبعا احنا 7 بنات بس وحده مو متزوجه
واللي تقول ليش جبتي هالعدد والله ياحبيبتي انه ما كنا مخططين لهذاولكن غصب عني الحمدلله مقدر ومكتوب والحمدلله الله يحفظهم ولا يحرمني منهم هم زينة الحياة الدنيا
واللي تقول خذي معونه من اهلك ياقلبي اهلي مابيعطوني ولو عطوني مااخذها زوجي الان لو ننزنق اليين نقول بس مستحيل نكلمهم لان زي ماقلت حنا المتزوجات كثار يعطون مين ويخلون مين؟؟
واللي سالت عن الجمعيه انا اولا ما حبيت افصل فيها ولكن دامك سالتي ابشري هي 9000 خمسه الاف منها حولها لاخوه سوى حادث وكان هو المخطي وكلم يبكي ويقول ماعندي الا انت قال زوجي ابشر وتسلف من زملاه وارسلها له والباقي كللللها ديون بعضها راحت فواتير وبعضها للسياره وبعضها للمستشفيات والحمدلله على كل حال
وفي الاخير اقسم بالله انكم نعم الاخوات انتم طيبات والله مابينساكم من فضله الله لايحرمني منكم
صدقق رسول الله صلى الله عله وسلم يوم قال (مثل المؤمنين في توادهم وتراحمهم كمثل الجسد الواحد اذا اشتكى منه عضو تداعى له سائر الجسد بالحمى والسهر)
شكرا لكم من القلب الى القلب
اللهم قنعني بما رزقتني واجعل اخر همي الدنيا يااااارب
ضحكة هم
•
الله يفتحلكم ابواب رزقه ياااارب حاولي تسحبي ملفك من الكليه وتقدمي ع حافز الفين ريال شهريا حلوووه جدا بتقضي حواجكم كلهاالله يفتحلكم ابواب رزقه ياااارب حاولي تسحبي ملفك من الكليه وتقدمي ع حافز الفين ريال شهريا حلوووه...
الله لايوفق من حط شروط حافز
الله يضيق عليه مثل ماضيقها على البشر
تدرين الي تكون بكليه وتنسحب منها
سنه كامله مايعطونها حافز
الله يضيق عليه مثل ماضيقها على البشر
تدرين الي تكون بكليه وتنسحب منها
سنه كامله مايعطونها حافز
اللهم عوض صبركما في الدنيا والاخرة
لاتنسوا الاستغفار فهو بمشيئة الله
مجلبة للرزق
اعانك الله وسددك اخيتي
لاتنسوا الاستغفار فهو بمشيئة الله
مجلبة للرزق
اعانك الله وسددك اخيتي
deem2012
•
الله يفرج همك ويرزقك من حيث لا تحتسبي
والله قريبه لي كان وضعها اسواء من وضعك كثير وزوجها كبير بالسن وبادعاء والاستغفار الان في فيلا الكل يتمناها
عليك بالدعاء والاستغفار لكن لاتستعجلين الاجابه
والله قريبه لي كان وضعها اسواء من وضعك كثير وزوجها كبير بالسن وبادعاء والاستغفار الان في فيلا الكل يتمناها
عليك بالدعاء والاستغفار لكن لاتستعجلين الاجابه
الصفحة الأخيرة
والله حاسه فيك الله يلعن الفقر ويلعن ساعته قسم بالله يقصر العمر
مافي الا اهلك تاخذين منهم على الخفيف تسد حاجتك لين ينزلك حافز معن عافز ماوراه خير
او عندك الجمعيات الاخيره ترا تساعد شوفي اقرب جمعيه تساعدكم