السلام عليكم ..
احب تكون اول مشاركه لي في المنتدى بهذا الموضوع القيم اللي اكيد وايد بنات يدورون عليه و ان شاء الله تستفيدون منه ..
اليوم يايبتلكم طريقة صلاة الليل (قيام الليل) لانه دورتها في المنتدى ومالقيتها ..
وبعد ما سويت بحث وسألت اللي اكو واللي ماكو و بديت اطبقها كل يوم تقريبا عشان الله يساعدني ويفرج همي قلت ليش اصير انانيه خل احطها حق خواتي و****لله راح يستفيدون منها و يدعونلي :)
بسم الله نبدي ..
كلنا نعرف انه لصلاة قيام الليل فضل كبير و عظيم للمسلمين ..
وهي شاهدة ( لجفاء الجنب عن المضجع ) حينما دعونا ربنا خوفا وطمعا ..
قال تعالى ...
( تتجافى جنوبهم عن المضاجع يدعون ربهم خوفا وطمعا ) .
فما أعظم ان نقف في جوف الليل بين يدي الله متضرعين باكين ... متذللين خاشعين ... نناجي رينا ونستغفره من الذنوب التي اقترفناها في النهار ... ندعوه ونتوسل اليه ان يرزقنا مانريد ..
فصلاة الليل من المستحبات والسنن المؤكد ...
وقال صلى الله عليه وسلم : " من خَتم له بقيام الليل ..ثم مات فله الجنة "..؟!
وقت صلاة الليل:
ممكن ان تصليها بأي وقت من بعد صلاة العشاء الى قبل صلاة الفجر
ويفضل تأخيرها ..
طريقة صلاة الليل:
صلاة قيام الليل تكون اما بصلاة ركعتين او 4 او 6 او 8 او 10 او 12 ركعه و بين كل ركعتين نقول التشهد و نسلم ..
ونختم صلاة قيام الليل بركعتين الشفع و ركعة الوتر
انا راح اتكلم عن ال 10 ركعات +الشفع +الوتر لانه الرسول صلى الله عليه وسلم كان يصلي 12 ركعه اللي اهما 10 + 2 الشفع و يختم صلاته في ركعة الوتر ويصير مجموعهم 13 ركعه لكن مافي مانع لو تصلون 2 او 4 او 6 او 8 ركعات بدال 10 اللي تكلمت عنهم
المهم ..
صلاة ال10 ركعات هذي مثل ماشرحتها قبل عاديه نفس صلاة الفير .. تصلون ركعتين و بعدين التشهد و تسلمون و تردون تصلون ركعتين ليين تخلص ال 10 ركعات
بعدها تصلون ركعتين عاديين بنية انه بتصلون صلاة الشفع و اهيا ركعتين عاديه نفس صلاة الفير .. بس يسمونها صلاة الشفع ..
لكن في اضافه احب اقولها انه من الافضل في هالركعتين تقرين:
في اول ركعه : سورة الاعلى "سبح اسم ربك الاعلى .... "
وفي ثاني ركعه: سورة الكافرون "قل يا ايها الكافرون...."
بس عادي لو تبون تقرون اي سور ثانيه .. لكن هذا اللي كان رسولنا الكريم عليه الصلاة والسلام يقرأه في صلاة الشفع ..
يبقى الحين عندنا خاتمة صلاة الليل واهيا ركعه وحده و يسمونها صلاة الوتر ..
وهذي الصلاة ركعه وحده يفضل انه نقرا فيها سورة الاخلاص مثل ما كان يسوي الرسول عليه الصلاة والسلام .. لكن فيها اختلاف شوي
انه بعد ما تقرين فاتحة الكتاب و سوره صغيره (يفضل الاخلاص) وتركعين بعد ما تقومين من الركوع تقولين دعاء يسمونه دعاء قنوت الوتر وهذا اهوه:
" اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي ولا
يقضى عليك ، إنه لا يذل من واليت ، تباركت ربنا وتعاليت "
" اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك "
" اللهم إياك نعبد ، ولك نُصلي ونسجد ، وإليك نسعى ونحفدُ ، نرجُو رحمتك ، ونخشى عذابك ، إن عذابك بالكافرين ملحق ، اللهم إنا
نستعينك ، ونستغفرك ، ونثني عليك الخير ، ولا نكفرك ، ونؤمن بك ونخضع لك ، ونخلع من يكفرك "
اللي مو حافظه الدعاء تقدر تمسكه وتقرا من ورقه عادي مافي اي اشكال .. بس طبعا يكون احسن لو الواحد يحفظه
بعد ما تقرين دعاء قنوت الوتر ممكن تقرين اي دعاء بخاطرج ..
وبعدها تسجدين مرتين و تقولين الشهادتين و تسلمين
وبعد ما تسلميين تقولين هالدعاء
" سبحان الملك القدوس" ثلاث مرات وفي المره الثالثه نقول رب الملائكة والروح ونعلي صوتنا فيها
وبجذي تكونين خلصتي من صلاة قيام الليل ..
بس في شوي اضافات ودي ازيدها من عندي و ****لله بتكونون مأجورين فيها ..
حلو انه بعد ما تصلين وتخلصين قيام الليل تمسكين المصحف وتقرينلج شوي لو صفحه وحده .. وبقولكم اللي انا اسويه لازم كل يوم اقرا سورة "يس"
××××××××××××××××××
http://www.al-ershaad.com/vb4/showthread.php?p=450
وتمو اقرو قرأن ليما يأذن الفير (الاذان الاول) بعدها ابدو ادعو كل اللي بخاطركم ابجو و طلعو اللي في قلبكم كلهههههههه لانه بهالوقت بين الاذان الاول والاقامه وقت استجابه ****لله ..
وبعدها عشان ترتاحوووون عدل عدل عدل صلو ركعتين سنه قبل الفير و صلو الفير و نامو .. وبتشوفون الراحه
و****لله الله بيعطي كل واحد على قد نيته ..
وبنات امانه كل وحده تقرا هالموضوع ابي منها طلب
انا طمعانه بدعاء حلو منكم
ابي تدعونلي هالاشياء: <-- تتشرط بعد لول
1- يجازي اللي ظلموني :44:
2- يريح قلبي و يشيل الهم اللي فيني
3- يحقق كل اللي في بالي
ادري بتقولون طماعه بس انتو كرمه وانا استاهل صح :p
وهاكم مني دعوه .. يالله يارب يا كريم ياقادر على كل شي
تحقق اللي في بال كل وحده من خواتي وتعطيها كل اللي تبي وترزقهم الخير
اللي ماعندها عيال ترزقها الذريه الصالحه
واللي عندها عيال تباركلها في عيالها و تخليهم لها و ماتحرمها منهم ولا تحرمهم منها ..
واللي مو متزوجه ترزقها الزوج الطيب اللي مافي مثله ويرحمها و مايعذبها..
واللي متزوجه يارب يهديلها زوجها و يسخره لها دايما ومايشوف غيرها طول عمره ..
ويخليلكم امهاتكم واباءكم و كل اعزاءكم و يرحم اللي ماتو و يصبركم ويعوضكم خير عن كل شي فقدوت بالدنيا
ويوخر همومكم و يوسع في رزقكم و يبعد عنكم الناس الشريره و يسخرلكم كل العالم ..
ويجازي كل اللي ظلموكم و يبرد قلبكم فيهم
ويعطيكم على قد نيتكم ياااااااااااااااااااااااااااااااااااااااااااااااااااارب
اي سؤال تبونه ****لله ماراح اقصر لو اعرفه واذا تبون اعيد شرح شغله مو مفهومه انا ماعندي مانع ومابي شي غير الدعاء والاجر من الله
وسامحوني عالقصور
ملاحظه: لكم الحريه في نقل الموضوع لتعم الفايده و يزيد الاجر ان شاء الله .. بس لي رجاء امانه انه اذا نقلتوه تطلبون من اللي يقرونه انه يدعونلي .. حدي محتاجه الدعاء
Cherrrry @cherrrry
عضوة جديدة
يلزم عليك تسجيل الدخول أولًا لكتابة تعليق.
Cherrrry
•
هلا وغلا باختي شيري..جزاك الله خير وماقصرتي.. اسال الله العظيم رب العرش الكريم..القادر على كل شي ..الي امره بين الكاف والنون.. اذا قال له كن فيكون..انه ينصرك على من ظلمك ويفرج همك ويرزقك راحت البال دنيا واخره ويحقق لك كل ماتتمنين..وصلي اللهم وسلم.. من جد محتاجه لاني احس اني بحاجه للصلاة اخر الليل كثير اعراض احس انها عين واعاني بكثره من الجاثوم..وكل مابغيت ابدا ببرنامج اخاف يكون فيني شي وزياده احس بكسل عجيب فاتهاون واتراجع ومااسوي شي..لكن ادعولي ان الله يشافيني ويرزقني العزيمه على صلاة اخر الليل وقراءة سورة البقره..يالله ماطول عليك مشكوره..هلا وغلا باختي شيري..جزاك الله خير وماقصرتي.. اسال الله العظيم رب العرش الكريم..القادر على كل شي...
هلا فيج حبيبتي
تسلمين بعد عمري الله يعطيج مثل ما دعيتيلي ان شاء الله
مشكوره ماتقصرين
و شدي حيلج والله من اول مره راح ترتاحين وايد
و دايما فكري انه بهالوقت تكونين بين ايد الرحمن و تذللي له و ادعي من كل قلبج انه يشفيج و ان شاء الله ما يخيب ضنج ابد حبيبتي
الله يوفقج يا عمري و قوليلي شلون البدايه معاج و ان شاء الله تستمرين عليها الى ان تصير عاده عندج قيام الليل كل يوم
تسلمين بعد عمري الله يعطيج مثل ما دعيتيلي ان شاء الله
مشكوره ماتقصرين
و شدي حيلج والله من اول مره راح ترتاحين وايد
و دايما فكري انه بهالوقت تكونين بين ايد الرحمن و تذللي له و ادعي من كل قلبج انه يشفيج و ان شاء الله ما يخيب ضنج ابد حبيبتي
الله يوفقج يا عمري و قوليلي شلون البدايه معاج و ان شاء الله تستمرين عليها الى ان تصير عاده عندج قيام الليل كل يوم
-ورد
•
اسال الله العظيم رب العرش الكريم..القادر على كل شي ..الي امره بين الكاف والنون..
اذا قال له كن فيكون..انه ينصرك على من ظلمك ويفرج همك ويرزقك راحت البال دنيا واخره
ويحقق لك كل ماتتمنين..وصلي اللهم وسلم..
آمين ..وجزاك الله خير
اذا قال له كن فيكون..انه ينصرك على من ظلمك ويفرج همك ويرزقك راحت البال دنيا واخره
ويحقق لك كل ماتتمنين..وصلي اللهم وسلم..
آمين ..وجزاك الله خير
جزااااااك الله خير وجعله الله في موازيين حسناتك
اللهم أغفر لها ماتقدم وماتأخر من ذنبهااا
اللهم أغفر لها ماتقدم وماتأخر من ذنبهااا
الصفحة الأخيرة
اسال الله العظيم رب العرش الكريم..القادر على كل شي ..الي امره بين الكاف والنون..
اذا قال له كن فيكون..انه ينصرك على من ظلمك ويفرج همك ويرزقك راحت البال دنيا واخره
ويحقق لك كل ماتتمنين..وصلي اللهم وسلم..
من جد محتاجه لاني احس اني بحاجه للصلاة اخر الليل كثير اعراض احس انها عين
واعاني بكثره من الجاثوم..وكل مابغيت ابدا ببرنامج اخاف يكون فيني شي وزياده احس بكسل عجيب
فاتهاون واتراجع ومااسوي شي..لكن ادعولي ان الله يشافيني ويرزقني العزيمه على صلاة اخر الليل
وقراءة سورة البقره..يالله ماطول عليك مشكوره..