مهمومه والسبب الكبسه تعالوا اعلمكم يعني شنو كبسه .......

صباح الخير

شلونكم بنات ان شاءالله تمام

قهرررررررررررررررررر كتبت الموضوع شطوله بعد طفى الجهاز :(

تعرفون شنو كبسه لاتقولون يعني رز خخخخخخخخخخخخخخ لامو رز

انا بقولكم ياجماعه قصتي وانتوا بتعرفون يعني شنو كبسه

انا تزوجت صارلي 6 شهور

اول زواجي كانت علي الدوره فماصار شي << سامحوني عالتفصيل

بتقولون طيب وين المشكله << هذي بتقولها الملقوفه خخخخ بقولها انزين اصبري

بعدها باسبوع صار اللي تعرفونه ومن اليوم اللي بعدها رحت لوحده نفاس ............

خالتي يوم درت اشهقت وقالت احلفي وليش ؟؟ و..........و..............و...........

يؤيؤيؤيؤ اسم الله علي شوي شوي اكلتيني شفيك ؟؟

خالتي : انتي ماتدرين ان الوحده اللي توها متزوجه ماتدخل على نفاس ولانفاس تدخل عليها

انا : وليش؟

خالتي : بعدين تنكبس اللي توها متزوجه

انا : يعني شنو تنكبس

خالتي : يعني ماتحمل الا بعد 7 سنين او 14 سنه

انا : وشهالخرافات بلا خرافات بلا بطيخ ماكو الا اللي الله كاتبه

خالتي : بتشوفين

انا : وشهالدليل

خالتي : خالتك فلانه كانت حماتها معاها بالبيت نفاس وحذرناها ماتدخل عليها وقالت خرافات قعدت بعدها 3 سنين ماحملت ماخلت مستشفى ماراحت له اللي يقول تكيس واللي يقول ضعف واللي قالهم ماينفع الا طفل انابيب

انا : يوه مو توك تقولين 7 سنين ولا 14

خالتي : ايه مايفتح الكبسه الا الخرعه <<< خخخخخخ معادله

انا : وشلون؟؟

خالتي : احترقت غرفتها النوم واهي وزوجها فيها وخافت وطلعوهم من البلكونه جلست بعدها اسبوع ترجف من الخرعه وفي الوقت ذاك كانت موقفه العلاج وسبحان الله احلمت بعدها بثلاث شهور بدون علاج ولا شي

انا : ولوووووو صدفت خرافات

خالتي : وفلانه ؟؟

انا : شفيها بعد

خالتي : تزوجت وقعدت 5 سنين ماحملت ماخلوا طبيب ولا شي ماسووه وقامت ام زوجها قالت لزوجها زوجتك شكلها منكبسه خرعها علشان تنفك كبستها وقام قالها فلانه شيلي اغراضك بطلقك وخافت المسكينه وبكت بعدها باربع شهور حملت

انا : نشوف اذا ماحملت افكر بموضوعج << هالكلام بعد عرسي باسبوعين

الى هنا انتهت القصه << خخخخخ عايشه الدور

المشكله يابنات ان نفسيتي وربي زفت حاسه الدنيا ضايقه فيني وربي يابنات يمكن تقولون 6 شهور تو الناس بس كل اللي اعرفهم تزوجوا معاي وقبلي وبعدي احملوا وربي كلهم ماشاءالله تبارك الرحمن

الا اناااااااااااااااااااا كل يوم يمر اوسوس بكلام خالتي واقول انا وشحادني اروحلها دام الموضوع فيه شكه بس انا ماافهم بهالسوالف

كل يوم اقوووول دام يحصل جماع ومافيه حمل معناته فيه مشكله يعني 6 مرات ماصار حمل موشووي

وكله ولاكلام الناس وسلفتي اللي معاي بالبيت تزوجت قبلي بشهرين والحين حامل مابقى شي تولد تسمني بكلامها وكل ماقعدت فلانه حملت ولازم تلصق معاها جملة توها متزوجه علشان تحرني وكل شوي تتكلم عن حمالتها بطريقة تنرفز باين من عيونها ان نيتها خبيثه

وكلا ولا أسألة الناس اللي ماتخلص يسألونك اليوم وبعد اسبوعين يكررون نفس السؤال يعني سائليني قبل اسبوعين ليش هاللقافه ؟؟؟؟؟

ااااااااااااااه وربي يابنات الله يعين اللي صارلهم سنين وربي كل يوم ادعيلهم

ولا زوجي كل ماجت الدروه يزعل اكثر مني واحسه مخنووووووق مرررررره

وخصوصا ان سلفتي زوجها اصغر من زوجي فهالشي احس ان حاز بخاطره شوووي

بنااااااااااااات تتوقعون طبيعي وخالتي ماعندها سالفه

انا علي الدوره من اخلص منها بداوم على الاستغفار وقراءه سوره البقره يوميا والصدقه وبقوم الليل وبدعي من قلبي ان الله يكتب لي الحمل الشهر الجاااي

تكفووووووون بنات ادعولي

وسؤالي

فيه احد منكم سمع عن الكبسه ؟؟؟ اللي تقول عنها خالتي << خالتي اخت امي

وشنو علاجها ؟؟ <<< تراني والله مااؤمن بهذي الخرافات بس خالتي خبلت فيني

وسلااااااااااامتكم ادري غثيتكم بهذرتي

انتظر ردودكم