الله يرزقك الذرية الصالحة ويرزقني وكل متأخرة بالحمل

مغتربه احيانا اقول مثلك لاادخل الفكره براسه الفتره الاخيره صرت اتجنب الموضوع وماسولف معاه حتى لو عندي حاجه احتفظ فيها لنفسي
انتوا عارفين ليه شايله هم لاني عشت التجربه ابوي تزوج على امي وشفت كيف تعبتت وانا بعد تعبت معاها كثير بما اني الكبيره واشيل معاها همومها فهمتوني عشان كذا مااتمنى اعيش التجربه هذي

الله يرررررررزقك ياارب باذرريه الصاالحه
اللهم اامين

ايش أقولك يا أختي موضوعك بالصميم

أنا زيك بالضبط مع فارق السنين ... لي سنتين متزوجه

والحمدلله على كل حال ... وهذي مو أول أختبار يجيني ... تسمحين لي أطول عليك ... بقولك عني شي

:27::27:

أنا من عمري سنتين جاني مرض جلدي وماخفي عليك شكله ( ماراح اقول قبيح لانا ربي مايخلق شي قبيح)
بقولك مو مقبول ومرات يطلع من جلدي زي القشره حقت الشعر تخيلتي الموضوع وبالشتا تقرحات ودم

ايام الابتدائيه كنت ابكي ومتعقده ليه انا كذا .. البنات مايبون يلعبون معاي ... وكبرت وايام المراهقه
كرهت عمري والناس والطلعه ... واقول ليه انا من بد اخواني ... ليه كذا يارب ... (( اغفري ياربي عن ذيك الايام ))
تخيلي ماكنت ادعوا اني اشفى بس اعترض

بعدين كبرت وصرت بالثنويه وفهمت وامنت بقضاء الله وقدره وحمدت ربي وشكرت
وكيفت نفسي اطلع واروح واجي والبس شي يخليه مايبين ... وكنت الح بالدعاء ابي الشفا ...
تحسنت حالتي لاكن ماشفيت .. ونا املي بالله كبير وكل ما ازيد بالدعاء احس ايماني بربي يزيد
تخيلي أختي صرت ما أطلب ربي الشفا أقول ياربي الي فيه خير لي سويه

سبحان الله المرض خلاني اتقرب لله بالعلم انا لحد 16 سنه كنت ما اصلي الى قدام امي
وبفضل لله سبحانه وتعاله ما اتجاهي لدعاء بدا الايمان يدب لقلبي ... وقمت اصلي
عرفت انا حتى البلاء نتيجته خير لي والحمدلله يارب

شايله فكرت الزواج من راسي بيني وبينك اقول الحين بنات زي الور فبيوت اهلهم من يبي يخطبني
وانا اشوف لما ادور لخواني زوجه بصراحه ابي حلوه بشرتها زينه

وكنت دايم اقول ياربي ماحرمتني منه بالدنيا عوضني خير منه بالاخره والحمدلله على كل شي منك
ياربي الى أعطيتني اياه كثير وانت اعلم بحالي ماتراه مناسب لي اعطني اياه ربي قد مسني الضر وانت ارحم الراحمين

ماتصدقين وشكثر جوني خطاب وتزوجت قبل البنات الي اعرفهم الحلوات ومرتاحه ولله الحمد
وبشرك الجلديه راحت مني بالمره وما اعالج الحين الحمدلله على كل حال ياربي

وزوجي دايم لما اطري الجلديه لانها احيان تجي بسيطه وتروح .. يقولي ذكري ربك بس انتي جازعه ومعترضه
على هالحبتين الحمر .. غيرك سرطان ولا قلب ... احمدري ربك
ارتاح ولله ودايم اقول يارب جملني بعين زوجي

<< طولت

الحين متزوجه لي سنتين وماحملت ولا مره والمشكله انا مافيني شي ولا زوجي
عرفت انا اختبار من رب العالمين ... قلت الحمدلله والشكر ما اخفي عليك اخذ بالاسباب
واحاول ... وستغفر باليوم باعداد كبيره وصلي باليل واطول بالسجود لين ينقطع نفسي
واذا صليت الفجر بالسجده الثانيه قبل التسليم اطول وادعي ولله مره مارفعت الى الشروق بدا يطلع

بعدين بيني وبين نفسي استحيب على وجهي من ربي
قلت انا لا بغيت شي زدت بالايمان ولا اعطاني صرت انسانه عاديه مو عيب علي
والحين لا قمت اصلي ودعي لي وللمسلين وماحدد الشي الي ابيه ربي عالم بنواياي

اقول ياربي لا تخلي في هالدنيا شقي الى هديته ولا مديون الى سهلت له ولا مريض الى شفيته
ولا محروم الى رزقته ولا حاجه من حوائج الدنيا هي خير له الى اعطيته او عوضته خير
برحمتك يا ارحم الراحمين

مادري الخيره وينها فيه لو لي رزق ربي كاتبه بشوفه ... ولو مالي الله يعوضني خير

ومرات انبسط لاني في اختبار وابتلاء وادري لو حمدت الحسنات بتصب علي صب يوم القيامه
احمد ربي وشكره وقسم بالله وانا فرحانه وقول ما اخذته بالدنيا عاد لا اخسره بالاخره

ان شاء الله ربي بيرحمنا وهو ارحم من قلب الام على طفلها ويسوي الي بصالحنا
ويارب يرزقني ويرزقك ويرزق كل محرومه عاجلا غير اجلاا

وبالنسبه لتعاملي مع زوجي هو اكبر مني يعني عمره 36 الحين
دايم اقوله بدري وشلنا بعوار الراس من بدري خلنا ننبسط واقنعه بهالفكره ... ودايم اشغل وقتنا بجلسات حلوه
فالبيت ... او طلعات انا معاه ... ودايم اقوله اطلع مع اخوياك لا تقاطعهم ... اشغل تفكيره عشان تقل مساحه
التفكير بتاخير الانجاب

وانا ماعمري طريت الزوجه الثانيه معاه لاكن بعد 3 سنوات اذا ربي ماكتب لي الذريه
ماراح اكون انانيه بيكون الرجال على دخله 40 والعيال زينه الحياة الدنيا

انا الي بخطب له اكيد جرح بقلبي بس انا احب زوجي ولله يعلم ودامي احبه ابي له المصلحه
وانا نيتي صادقه لله وربي اعلم بالنوايا اكيد بيعطيني جاره مؤمنه وماح يقصر يحقي

ويارب مايجي هاليوم الى انا عندي طفلين مو طفل عشان ما اخطب له

والانسان لازم يؤمن بقضاء الله قدره الخير والشر والحمدلله على كل حال
وتاكدي احنا نتكلم ونقول وماندري وشو الى الله كاتبه لانا كل صغيره وكبيره من قبل لا تنولدين مكتوبه على الوح
يعني المكتوب بالجبين لازم تشوفه العين

لا تشيلين هم زعلتي ولا فرحتي الي ربي كاتبه بتشوفينه عيشي حياتك بحلوها ومرها
وشيلي الافكار السلبيه من راسك اختي

وحمدي ربك على كل حال في ناس عندهم من العيال خير وبركه لاكن ربي نزع منهم البركه
ويقولون ليتهم ماجوا ولا ماتو صغار

وفي ناس من غير عيال ربي اسعدهم ودخل القناعه في قلبهم


ادري طولت وبالحيل لاكن كنت افضفض اكثر من اني انصحكك اعذريني على هالمساحه الطويله
من موضوعك

ياقلبي اهم شي نفسيتك
اختي جلست 5سنوات ماحملت وكانت اخذه هم وبكاء
سبحان الله بعد ماصارت ماتفكر في الموضوع
بس تدعي وتستغفر ومتوكله على ربي
سبحان الله بنفس الشهر حملت
لان النفسيه اهم شي
ريحي نفسك وخليك واثقه بربك كريييييييييييييييييييييم