مهمومه وطفشانه من زوجي

السلام عليكم
مهمومه وتعبانه يابنات فيني ضيقه ماهي طبيعيه
علاقتي مع زوجي كويسه بس ماتخلو من المنغصات المهم اني اذا حاولت اتقرب منه يصير مشاكل ويصير العكس وتوتر العلاقه يرمي علي كلام ولما اتضايق يقول مزح
يابنات حرفيا ماسمع منه كلمه زينه الطلعه بعد طلوع الروح يوافق اذا مطاعم ولا كافيهات تبغين شي نروح مطاعم عاديه ولا ناخذ قهوتنا ونمشي
فيه سلبيات كثيره بس عشان ما اظلمه فيه ايجابيات
واقتنعت بالحياه معه انا واقنعت نفسي مايحب المطاعم مايدخل الاسواق والكافيهات ابدا يشتري لي اللي ابغاه وانا فالسياره ولانروح مطاعم عاديه كلام رومانسي وحركات ماعنده اذا بغيت اروح هالاماكن اروح مع اختي مع صاحباتي
انا عكس شخصيته فكل شي انسانه مرحه واحب الحياه وصغيره وحتى هو صغير بس تصرفاته العكس
المهم اني اقتنعت ورضيت بذا الانسان وقلت يابنت نصيبك حتى لو انك محرومه يكفي انه طيب معك
يعني ادا طلبته سفر يوافق طلبته مكانا يوافق اغلب الكافيهات اروح اخذ منها واخرج اذا معه يوديني البحر ع طول يعني تقريبا اسبوعيا يطلعني
بس انه حركات رومانسيه كلام رسايل ماعنده ابدا ولايعرف لها
المهم اني صبرت واكتم امور كثيره فقلبي واحاول اتقرب منه وابين له اني مبسوطه معاه
المهم اني موظفه وظيفه تخليني استغني عن طوايفه بالعربي بس اني تزوجته صغيره وتعلقت فيه ورغم سلبياته الا اني حبيته للاسف
المهم اني مهتمه بنفسي وبشياكتي فوق ماتتصورون ما اطلع معه الا انا بكامل اناقتي بس طبعا ولايشوف ولايمدح ولا كنه معبرني
وعمري ٣٠ سنه يعني صغيره
اللي صار وضايقني اني كنت طالعه معه فالسياره رايحه لبيت اهلي بيوصلني وهو رايح يكشف ع سيارته ويغير فيها اشياء ودق عليه صاحبه يروح معه محلات لتاثيث البيت وانا لي شهرين اطلبه هذا السوق بكمل اشيا لبيتي وهو ياجل في موضوع
لما قفل قلت بضحكه ماشاء الله تعرف تروح وانا لي كم اطلبك رد علي وهو يضحك انه مايصلح هذا السوق للكبار لانه فيه مشي كثير قلت ماشاء الله وش انت شايفني ترى باقي صغيره قال يعني حرمه كبيره مو بنت صغيره
المهم كنت بالضبط فحوش اهلي ونزلت ولما نزلت كنت اغلي قهر وارسلت له رسايل ودقيت عليه وتكلمت كلام قوي وهو كان ساكت ويقولي امزح معاك محد يمزح معاك
قلت روح اثث لناس بيوتها بس لاتتكلم فزوجتك
المهم حظرني وحظرته
ورحت رسلت له بجوال امي وبردت كلام اللي فقلبي هذا الكلام من يومين ومن بعدها ولاتكلمنا مع بعض
انقهرت وللحين اغلي ليه يقول لي كذا
يابنات هو شايف انا كيف مهتمه فلبسي فشعري فبشرتي ليه يقول كذا
ليه يقول لي العكس اوكي لاتمدح بس لاتقول العكس
قهرني رايح مع الرجال يخلص بيته ويتكلم علي
مقدر اظلم الرجال هو مجرد دق عليه وقاله تعال معي
لكن الغلط فاللي عندي
ليه يقول كذا بنات انا الف فالسوق وامشي عادي ماقد قلت له تعبت ليه قال كذا ماعرفت
انصحوني يومين عايشه فجنان صرت اذا زعلت منه احس بعصبيه زييييياده واتعب مره
وانا حالسه اخذ ادويه فيها هرمونات وتعبت اكثر
ووقفت ادويتي من يومين من الضيقه مالي نفس استخدمها
انصحوني ليه يقول كذا والله اني ذبلت بسبته وكرهته
اللي يحزن قبل المشكله جايبه له هديه وعجبته بس مافيه فايده
قلت هالمره مابرضى لو يحب الارض لاني دايم ازعل وع اتفه شي ارضى لو طلعه بالسياره رضيت
مدري ليه قال كذا هو يبغى يقهرني يبغى يحطمني
انا يابنات ارتاح له لسبب واحد احسه يتمنى لي الخير ويفرح اذا فرحت. بس ذا اللي معلقني فيه ومخليني اسيره له
خاصه اني ربيت فبيت متماسك مره بس محد يفكر فيني اذا فرحت ولا لا
المهم بنات اني تعبانه مره