مهمومه ومالي غيركم

:arb: هو سبب همي ... عشرت عمري هو سبب همي ابي اقول قصتي معاه حتى اعرف مين من الازواج هو ومين من الحريم انا باختصار يابنات انا تزوجته زواج تقليدي بس حبيته في فترت الخطوبه حب جنوني وهوا ماقصر وقتها بكلام الحب:26: ايامها سألته كان لك علاقات قبل وكعادت اي شاب قالي لا وسوالي نفسه ملاك وصدقته وسمعت انه كان خاطب بنت عمه ورفضته ولما سالته قال كذب وبعد زواجي بشهرين اخذني معاه لمنطقة شغله واول مادخلت شقته الي كان ساكن فيها ايام لعزوبيه شفت الهوايل الشقه معفوسه فوق تحت صور ممثلات على الحيطان وغراش الشيشه في كل مكان و كله كوم والي شفته تحت السرير كوم يابنات حرق قلبي لقيت (واقي ذكري) واكثر من واحد بعد ولما وريته قالي ان كان معاه واحد بالشقه لما تركها واخد اجازة لزواج بس مادري ليه كذبته في نفسي يمكن لاني اكتشفت انه هو الكذاب في موضوع خطبة بنت عمه :( بعد فتره قامت تجيه اتصالات غريبه على تلفون الشقه لما ارد يسكرون على طول ومره ردت علي وحده وطلبته بالاسم (على فكره هو كان لاعب قدم معروف)وصبرت وقلت لو فيه شي بحاول اغيره بطيبتي وظليت بحدود السنتين الاحظ اشياء غريبه تدل على خيانته لي ارقام في جيبه متلا بس بعدين بدا يراعيني وحسيته يحبني من قلب ومامسكت عليه شي وبنالي بيت من احلى مايكون وجبت منه اعيال وكبرو ماشاالله بس مازال فيني شي حابس فرحتي مهمومه واسال نفس ليه كان كذا ليه خاني ليه كذب علي الحين هوا ظاهريا مستقيم ويحبني ويحب عياله موت ومايقصر عنا بشي بس ابليس الله ياخذه عازه عليه فرحتي يخالجني حزن ولما اروح مكان معه ويلتفت اهوجس اكيد من الي كان يعرفهم ياترى عمل معاها شي وليش فارض حظر على جواله على فكره هو من النوع الي يخلي مبايله في السياره واذا جابه البيت اغلب الاوقات فالكبت ولما اسئله يقولي ماحب احد امد يده على خصوصياتي ومبايلي من خصوصياتي ارجوكي خليكي واثقه فيني شوي بنجن يابنات لاتخلوني ايش اسوي احس ان فرحتي فيه ناقصه:(