اتوقع انك من النوعيه اللي تحب الرجل المثقف الفاهم الواعظ
ودك تحسي بأنو هو اللي ينصحك ويرشدك ويدلك مو انت الي تقومين بهالدور معاه
صح والا انا فاهمتك غلط ؟؟
عموما حبيبتي لاتستهنين بهالنوعيه من الناس
ماابغى اقول انه ساذج بالعكس هو من النوعيه النادره
في هالزمن الكاذب المنافق صدقيني عزيزتي
انتي ربي رزقك بنعمه عظيمه من نعمه لانستهينين بهالنعمه
والله ياقلبي زي ماقالولك البنات ترى الرجال اصنافها كثيره وتخوف كمان
وفي نفس الوقت لاتتوقعين الامان من هالنوع اللي مو عاجبك
لا لا لا لا حبيبتي بكره تمشي الايام ويكبر بالعمر ويصبح فاهم وواعي
واي بنت تتمناه
تدرين ليه لان مافي شي يعيبه اصلا
بس ينقصه ثقافه وتعليم وهالشي
مو عيب ابد
آآآآآآه عالاخلاق الاخلاق الاخلاق
الطيبه والبسمه والبراءه والكرم
كل هالاشياء ماعطتك طمأنينه وسكون
و أمان وحنان في بيت هالفقير لله
ياقلبي تعوذي من الشيطان الرجيم
والله الشيطان عرف يدخلك من باب
ماتوقعتيه ابد
شوفي تركتي هالكون كله وانشغلتي
بطيبة وببساطة وقلة ثقافة هالرجل
ادري الثقافه والوعي لها دور بحياة الزوجين
بس لاتعتقدي انها الاساس في هالعلاقه
انتي جالسه تتطورين قدراته بس اخلصي النيه لله
لايجي يوم ويسير افقه وأوعى منك ومن كل اللي انتي معجبه فيهم
و يرميك رميه ماتوقعتيها تدرين ليه لان ربي اعلم بنيتك
تدرين وش نيتك ودك تتنتحري بسبب بساطة هالمخلوق
لاحول ولا قوه الا بالله والنيه الثانيه تبين تطلقين طيب ليه بس ؟؟؟؟؟
انا اسفه ياقلبي ادري قسيت عليك بالكلام بس عشان تفوقين
من افكارك الشيطانيه اللي شيطانك سببها مو قلبك الطيب
نصيحتي لكــ/
- تعوذي من الشيطان الرجيم كل ماجاء هالموضوع في بالك وقومي توضي
- اذا شفتي اخوانك والناس اللي انت معجبه بتقافتهم تجاهلي هالشي
وابحثي عن عيوبهم واخطائهم وسلبياتهم راح تشوفين عجب العجاب
وتتغير نظرتك لهم ...
- ابحثي عن ايجابيات زوجك واشغلي نفسك فيها اكثر
- اطلبي منه انه يقوم بدور الاب والاستاذ في حياتكم وانت تقومين
بدور البنت الطايشه اللي دايما تحتاج نصايح من ابوها والطالبه اللي تحتاج مين يدلها
"" طريقه مجربه وناجحه """
وقتها بيحس انو هو الواعي والفاهم
اجلسي يوم اقرأي موضوع وأوقفي عند نقطه وسوي نفسك مافهمتيها واساليه عنها
قوليله بكل صدق وبراءه فلان مافهمت هذا الكلام بليز وضحه لي بيقرا وبيحاول وبيسوي نفسه
فاههم ويتفلسف عليك مشيها له وبوسيه وقوليله شكرا وارجعي كملي قرائتك
لاتضحكين على هالحركه ترى هالشي بيترك اثر في نفسه وبيخلي هالموقف في باله
ويحرك بداخله شعور مايحس فيه الا هو بيحاول يكون مثقف وواعي عشان كل مااحتجتيه
تلقينه ابو العريف قدامك ......حتى بعد فتره اساليه عن اي شي يخطر في بالك وخليه يجاوبك
واذا قالك ماادري اضحكي وقولي حتى انا ماادري كلنا في الهواء سواء بس لازم نتعلم
يالله قوم نقرا عن هالشي عاد انتي جيبي مو ضوع له داعي مو اي شي ( المواضيع اللي تهمك في كون الرجل مثقف فيها)
اخيرا حطي في بالك المقارنات بين النااااس اساس المشاكل وخراب البيوت
لاتخسري زوجك وصفي نيتك بينك وبين ربك عشان ماتندمي حظك
بلاطلاااااق بلاانتحااار بلاخرابيط وافكار من الشيطان اعوذ بالله منه
يكفيك انو تحدى ربنا بانو يهلك عباده ويضيعهم
فلاتكوني منهم واتحديه ياقلبي
والله اتقهرت لمن قريت قصتك فلا تزعلي مني على قساوتي
ماحبيت احن عليك وتخسري زوج وبيت الكل يتمنى يلقى الراحه فيه
دايما اقرأي عن مشاكل الحريم مع ازواجهم والله لتحبي زوجك وتضميه كل ليله
وتقولين في نفسك ياحبني لك انت وجهلك
احنا نسمي هالنوعيه من الرجال رجال بقراطيسه يعني فرش طازه يجنن
بس خوفك منهم لا فهموا ووعوا
لايغرك يمكن ربي يرسله واحد من هالناس الفاهمه شهر زمان وتلقين الرجال قالب عليك
الله يبعد عنه الشر ويحفظه لك زي ماهوو قولي آآمين فديتك
يختي لو يجيك رجااال خبيث ويدخلك البحر ويرجعك عطشااانه عرفتي قيمه زووجك
احمدي ربك يازين سذاااجته عن العيوووب الاخرى
احمدي ربك يازين سذاااجته عن العيوووب الاخرى
عادي هذي نفسيتك تعبانه من الحمل بس تولدين يرجع كل شي لطبيعته وتنسين هالشي وأحمدي ربك غيرك ماكل تبنعادي هذي نفسيتك تعبانه من الحمل بس تولدين يرجع كل شي لطبيعته وتنسين هالشي وأحمدي ربك غيرك ماكل...
الصفحة الأخيرة
وطفل صغير بعد
ياحلوه زوجك طيب -اهم صفه بهالزمن -لاتخربين حياتك بصفات حلوه وانتي تعتبرينها عيوب
الله يسخره لك ااااااااااامين ويصلح مابينكم
يارب تنصرني على من ظلمني وتبعد كيد الحساد عني اااامين