مهمومه و متضايقة ..... مليانه عقد نفسيه انا

السلام عليكم بنات
انا عضوه جديده بس متابعه قديمه
الله يعلم كم مره احاول اكتب و افضفض بس اسكر الموضوع قبل لا انزله
لكن اليوم كثييييييير متضايقه و خلاص ماعندي حد افضفض له فاذا تسمحون تسمعوني
انا انسانه كتومه و حساسه جدااااااا هالشي يترك للناس مجال يتمادون علي و يضايقوني (طبعا هم ما يعرفون مشاعري لاني ابتسملهم ) بس يجيني اكتئاب
انا اعاني من الاكتئاب ( فترات متقطعه )
توقعو من انا عمري 12 سنه !!!!!!!!!!!!!!!!!!!! والله لو اموت ما انسى الفتره الي مريت بها
شهور مرت و انا يوميا ابكي بدون سبب و حاسه بخوف و ما اقدر انام و اخاف من الموت طبعا ولا حد فالبيت عبرني و اذكر نص الليل كانت تجيني حاله غريبه اقول و ادور ادور فالغرفه و اجلس عالارض اهز كاني بيبي و ابكي واسحب شعري و كنت افكر فالانتحار (وانا طفللللللللللله لاتنسووووووووو) الحمدلله الحاله خفت
انا ابدا ما عندي ثقه فنفسي,و اتردد كثير على اتفه الامور لو خيرتوني بين بيبسي و كولا باخذ يوم كامل افكر و اسبوع اندم على اختياري
مليت من حالتي انا الحمدلله مواضبعه عالاذكار بس السنن دايما اقرا عنها و اتحمس و اقولا خلاص ببدا اصليها و اتكاسل
صديقتي الوحيده تملكت (الله يوفقها يااااااااااااارب) و احسها بعدت عني,صح ما اتغير اسلوبها بس احسها انشغلت و حسيت كاني غير مرغوب فيه
اخاف اقول شي ممل و تتركني مع انها ما عملت شي حرام و بعدين قلت يمكن خيره انها تبعد عني,لاني استغر الله اخاف احسدها لاني احس شوي بالغيره لما تتكلم عن حياتها,واقارنها بحياتي,مع ان انا ما افكر فالزواج نهائيا حاليا انا مو وجه زواج
و ماعندي اي احد افضفض له اليوم طول اليوم حاسه غصه فقلبي و مكئبه
اتمنى لو اكتب كل الاشياء الي تضايقني بس ما عندي الشجاعه ولا ابغى ازعجكم كل حد عندو مشاكل