اولا بعرف بظروفي عشان تفهمون السالفه
انا وحده عانت من اهلي ابوي متوفي اخواني وخواتي كلهم متزوجين اهلي ناس عندهم خير بس بخلا انا تأخر زواجي وتزوجت واحد عيشني بجحيم المهم وحرمني من كل شي واهمها السفر وانا انسانه اموووووت على السفر
المشكله الي ابي اشكي لكم عنها هي اخواني وخواتي يحبون السفر يسافرون بالسنه اكثر من مره ويسكنون بافخم الفنادق وانا بس قاعده استقبل واودع هذا جاي من باريس وهذا رايح لسويسرا اذا جلسو يسولفون عن سفراتهم قدامي ادخل غرفتي واصيح ابي اسافر بس ما باليد حيله ماني موظفه وزوجي يرفض السفر صرت اكره الاجازات وحتى قبل اتزوج محد فكر ياخذني معاه ابدددددد واختي توظفت ولا عمرها فكرت تسفرني ولا لدبي المهم لما سمعت بالبعثات صرت اقدم كل سنه ما انقبل وكلمت واسطات ما فيه فايده وكافحت ما فيه شي اعرفه ما سويته ما قدرت المهم طلبت الطلاق من زوجي لان خلاص نفسيتي تعبت ماعاد فيني اتحمله اكثر ولما تطلقت اهلي صارو يأذوني اكثر واكثر تعبت نفسيتي صرت اكل حبوب قلت خلاص ما عاد فيها انا مو بس بروح بعثه الا بنحاش بهاجر بفتك من هالغثا من اول طلاقي وانا مجوعه نفسي واجمع الريال والريالين عشان اسافر ادرس على حسابي جلست سنه على هالحال لحد ما توظفت الحمدالله وبرظو مجوعه نفسي اقتصد بقوه يعني جلست سنه ونص اوفر حق السفره وسافرت لبريطانيا وكان خوي هناك يشتغل على اساس يكون محرم هدفي من هالسفره اني انحاش من اهلي واني ابي البعثه عشان تكون الشهاده سلاح لي وابي استمتع وابي اخذ لغه لان من يوم اني صغيره وانا حلم حياتي ابي ادرس برا
المهم الي صار اني انصدمت بالاسعار صراحه يعني المبلغ الي جمعته يادوب يكفيني وانا جلست 5 شهور
المواقف الي جرحتني الحين ومو مخليتني انام الليل وانا كاتبه هالموضوع عشانها يابنات وقاعده الوم نفسي انا ليش سويت كذا ليش مرمطت نفسي
كنت اخذ خبزه مع جبنه واكلها في المغاسل عشان كنت استحي اكلها قدام الطلبه السعودين عشان اوفر حق المطاعم
سافرت مره لقريه ثانيه لاني كنت ابي اقرب للندن وابي سعوديات وياليتني ما سافرت لاكن كنت مستخيره قبل اسافر المعهد ما وفر لي عائله اظطريت اسكن في فندق حمامه مشترك وغرفته وصخه لاكن السرير كان نظيف وكبير في البدايه قلت بتعبر لي يوم او يومين لحد ما يوفر لي المعهد عائله لاكن المعهد ما وفر لي وكنت اتهاوش مع المعهد وانقل لغيره وما فيه فايده ما يوفرون لي عائله نقلت ل 3 معاهد واظطريت اجلس في هالفندق4 اسابيع وكنت طول ما انا في هذي القريه امشي على رجليني بكل شي عشان اوفر حق الباص وكنت طول هالفتره ادور عائله وما لقيت وكل يوم صياح صياح صياح وكنت من اطلع للمعهد وما ارجع الا للنوم بس ما ابي اقعد بالفندق واستدخدم حمام المسجد وانتو بكرامه اخر شي فقدت الامل اني القى عائله و قررت ارجع لقريتي الاولى والحمدالله قعدت فيها 4 شهور بسلام لاكنت كنت بس اوفر حق الاكل بس مثل ما قلت لكم
انا الحين رجعت للرياض ابكي حسره انا ليش سويت كذا بنفسي ليش مرمطت نفسي كله عشان الفلوس الوووووم نفسي كثير اقول ما سافرت وشفت الدنيا الا يوم صار عمري 31 وبالاخير كذا امرمط نفسي كان عندي ذهب حق عرسي قلت ليش ما بعته ودلعت نفسي ليش كذا قترت على نفسي بس كنت موزيته لاني ودي اشتري بيت قلت خليه اخاف من هالدنيا بعد الي صار لي من اهلي وطليقي :06::06::06::06:
بنات هل الموقف صدق مؤلم ولا كل المبتعثين يتعرضون لمثل كذا انا ماودي اتذكر هذيك الايام ابد كرهت بريطانيا بكبرها
غنوتي @ghnoty
محررة
هذا الموضوع مغلق.
معك للابد
•
الحياه موكلها سفر !!
ياعمري الله يعينك
الحمدلله على سلامتك
نورت الرياض :icon18:
ان شاءالله تكوني تعلمتي درس من هالسفره انك تشيلين فكرة السفر برا من راسك:icon18:
الله يوفقك بحياتك ويسهل امرك
الله يرزقك بالعوض الزوج الصالح والوظيفه وتستقرين يا رب الله كريم
الحمدلله على سلامتك
نورت الرياض :icon18:
ان شاءالله تكوني تعلمتي درس من هالسفره انك تشيلين فكرة السفر برا من راسك:icon18:
الله يوفقك بحياتك ويسهل امرك
الله يرزقك بالعوض الزوج الصالح والوظيفه وتستقرين يا رب الله كريم
لا حول ولا قوة إلا بالله
تبين الصراحة ... أنتي ضايعة نفسيا أنت ماتدرين وش تبين بالضبط من دوامة لدوامة
فكري زين ليش تسوين بنفسك اللي ماحد يسويه ؟؟؟
ماعندك هدف واضح في الحياة
راجعي نفسك واعيدي فرمتة ذاتك وابدئي بالخشوع في صلاتك وتقربي إلى الله أكثر لان مشكلتك داخليه
مشكلتك ماعندك سلام داخلي
كل ماتعلق الانسان بربه زادت سعادته حتى لو كان أفقر إنسان وحتى لو كان مسجون ومريض
الله يسعدك
تبين الصراحة ... أنتي ضايعة نفسيا أنت ماتدرين وش تبين بالضبط من دوامة لدوامة
فكري زين ليش تسوين بنفسك اللي ماحد يسويه ؟؟؟
ماعندك هدف واضح في الحياة
راجعي نفسك واعيدي فرمتة ذاتك وابدئي بالخشوع في صلاتك وتقربي إلى الله أكثر لان مشكلتك داخليه
مشكلتك ماعندك سلام داخلي
كل ماتعلق الانسان بربه زادت سعادته حتى لو كان أفقر إنسان وحتى لو كان مسجون ومريض
الله يسعدك
الصفحة الأخيرة