مهم

السلام عليكم ورحمة الله وبركاته..

صراحة انا بما اني عضوة بالمنتدى هذا اللي ممتلي بالإيمان نحسبه والله حسبه

احب انصح كل وحده اخوها او ولدها او اي قريب لها بيتزوج عن قريب بحفرالباطن
تبعد كل البعد عن قاعة الملكة زواج اخوي كان فيها وحسبي الله عليهم ننتظره بفارغ الصبر بتجهيزات وتخطيطات واخر شيء فشلونا حسبي الله ونعم الوكيل..
نبتدي اول شيء بالقاعه نفسها قالوا الساعه 2 جاهزه ومفتوحة لكم،
جيناها الساعه4 ومقفله. والطعنا بالشمس براء عاد تعرفون جوء الحفر بالصيف يالله المستعان وحاطين مكياجنا وتسريحات المهم بعد جهد ومكالمات فتحوها عاد ليت كل هالتأخير على سنع اول مانطحنا بالحوش الغبار الا طعوس وقراطيس شكلها بعد زواج البارح فيها. اول مادخلنا استقبلتنا رائحة الحمامات الله يعزكم الا الاسياب والغرف كلها ماء من وين ماندري والقاعه حاره ماشغلت المكيفات والكراسي متكسره نصها ومتشلعه اللبسات عنها المهم اتصلنا على ارجالنا وكلمو الخاصين بالنضافه للقاعه وبعد هوشات جو. انا مادري وش منتظرين مانضفوها ولا ينتظرون تهزئه. المهم طلعونا فوق. بقسم العرسان وجلسونا فوق الا قبل اذان المغرب بشوي عاد تعالوا شوفوا كيف الانتظار صعب وماسوينا شي والضيوف بأي وقت يوصولون بالله عليكم هذا وقت تنظيف حسبي الله ونعم الوكيل عليها من قاعه المهم نزلنا نرتب الطاولات وطاولة الاستقبال جت المسؤوله عن القاعه مصريه عصبيه على قلة سنع وترفع صوتها على ام العريس ( يوم جينا ينحجز القاعه سلوبها مع ام العريس عسل😏)
المهم الانوار حقت المنصه ماشغوها الا بعد ماقلنا لهم. يعني ذاك اليوم تحسون انهم يمشون الوضع اي كلام. جت عاد ساعة انتظارنا للمفتشه جو بعض المعازيم وهي ماجت بعد الاتصال عليها قالت انا موجوده بالصاله اصلي ( ايه الله يتقبل. ) شكلها تفرج وتلقم ولا احد يرد وهو يصلي😏
المهم بعد جهد جهيد. جت تسحب..
والمقهويات كانت وحده مسؤوله عنهم بدون ذكر اسماء ايام ماكنا نكلمها كانت قمة الاخلاق وعسسسل بس بالواقع غييييير تستغل الوضع جايبه معها بوب كرون تبيعه على البزارين..
طالبين 4 مقهويات ولبس موحد مالبسوه الابعد ماقلنا لهم بعد ماشفناهم يتمشون بخلاقينهن
القهوه ماحطوها الابعد مناقشات. المناديل قالت انتم جيبوها. طيب ليش ماقلتي لنا من البدايه حسبي الله ونعم الوكيل
تعرفون عاد حوسة الزواج على كثر الرجال بوقتهم ماتلقينهم بعد الاتصال جابوها لنا الاتفشل عاديه وحنا طالبين منها مناديل ملبسه على شكل والوان الطاولات

المهم بعد مابدت الطقاقة قلنا لهم وزعو اللي على طاولة الاستقبال كلها على الضيوف
بدت الطقاقة و5 اغاني وماوزعن شي راحو البزارين يلعبون فيها

والطاولات ماينضفونها القراطيس والمناديل والفناجيل والقلاصات فوقها العالم تبعدها يمين ويسار علشان تشوف المنصفه. ((((( يعني فشلونا تفشيل حسبي الله ونعم الوكيل)))))

الماء والعصير والقهوه والشاي والحلى والفطاير والمقليات الخ. مايوزعنهن الابهواش وكل ماقلنا يام فلان قالت ابشري من عيوني ماشفنا من عيونك الا الهم..

كل هذا صار وحنا كل حاجة دافعين لها حسابها. احسن حاجه الطقاقه جت بوقتها وسلوبها عسسسسسل


اتمنى من الادارة عدم حذف الموضوع لانه مهم خل القاعه تحسن من وضعها اجل تستغل العالم باصعب اللحظات