مهم ابي فزعتكم لاتردوني وساعدوني احقق حلم حياتي

مناري شدي حيلج و شدي على نفسج شوي
انت قدها باذن الله الانسان لازم يتأثر بالضغوطات بس الشخصيات القوية تظهر في هالمواقف:D

الله يوفقك ان شاء الله جربي تغيرين المكان الي تدرسين فيه وترا الي تحسينه طبيعي لاي وحده عندها امتحانات اختي العام كانت حامل وبنتها صغيرة وتخرج ومرت بنفس حالتك ... انتي تعوذي من الشيطان وسمي بسم الله وابتدي شوي شوي وهي مرحلة ترا وبتعدي .. وبالتوفيق مره ثاينه.

لاحول ولا قوة الا بالله
الله يكون في عونج

حاولي كل شوي تروحين تتوضين وانتي تقرين في نفسج

والله يوفقج ويسهل امورج ان شاءالله

مناري الحلوة

حبيبتي تعوذي من ابليس اول شي وهــّدي نفسج .. وتذكري أنج - لاسمح الله - إذا رسبتي محد بيندم غيرج :(
يعني لما خلاص قربتي تتخرجين وتفرحين بالشهادة ... خليتي ابليس يوسوس لج والأفكار والضيقة تجيج
دايما ترى الانسان لما يقرب يوصل ...سبحان الله تصيده هالافكار والهموم ...
بس نصيحتي لج :

1- انسي أن عندج امتحان يوم الاثنين يعني امسكي الملازم أو الكتاب واقري فقط مجرد قراءة يعني لاتقرين على اساس الحفظ
بتلقين نفسج اندمجتي مع القراءة وبديتي تحفظين وبعد أبدي بالشي اللي تحبينه أو الأسهل فالسهل فالصعب .
2- حاولي قبل لاتبدين الدراسة انج تسوين شي حلو ... يعني كلمي وحده تحبينها .. أو ألعبي مع ولدج ... أو شوفي أي شي تحبينه على أساس ترتفع معنوياتج لأن هالشي يعتبر عامل نفسي مهم جدا ..الواحد مايقدر يذاكر وهو مضغوط نفسيا
3- لازم تكونين مرتاحة في وضعية الدراسة والمكان ...يعني خلي دلة الكرك والقهوة قريب منج :)
4- اكثري من الاستغفار يالغالية ..والله العظيم أنه سبحان الله مثل الماي اللي تكتينه على النار .
ىخر شي بقولج عني
انا سالفة طلاقي جات في سنة التخرج :( وكنت ما احضر واعتفست النفسية عندي وكنت ماحضر المحاضرات ..لكن اخر شي قعدت مع نفسي وقلت : المفروض هالسالفة تكون دافع لي عشان افتك
وفعلا كملت وتخرجت وسبحان الله فيه دكتور - الله يسامحه - رسبني بسبب الغياب وشرحت له ظروفي لكن رفض رفض قاطع
وآخر شي طلعت مادته زائدة وفوق هذا عندي 8 ساعات زيادة تدرين شسويت
كتبت ورقة وحطيتها على مكتبه لما تخرجت وفيها : إهداء لك هالثمان ساعات فوق ساعات مادتك وجزاك الله خير ) الخريجة فلانة الفلاني

مناري الحلوة
الله يفتح عليج فتوح العارفين ويشيل الهم والضيقة عنج
ويشرح صدرج وييسر أمرج

ابعدي اليهال عن البيت طرشيهم بيت هلج ولا اهل زوجج

قومي توضي وصلي ركعتين


ورددي هاالادعيه :-



اللهم إني أسألك سرعة الحفظ وقوة الفهم وصفاء الذهن




اللهم أني أسالك فهم النبيين و حفظ المرسلين والملائكة المقربين اللهم اجعل ألسنتنا عامرة بذكرك وقلوبنا بخشيتك وأسرارنا بطاعتك إنك على كل شي قدير وحسبنا الله ونعم الوكيل


للهم افتح لي أبواب حكمتك وانشر علي رحمتك وامنن علي بالحفظ و الفهم سبحانك لا علم لنا إلا ما علمتنا انك أنت العليم الحكيم

ربي اشرح لي صدري و يسر لي أمري و احلل عقدة من لساني يفقهوا قول

اللهم أخرجنا من ظلمات الوهم أكرمنا اللهم بنور الفهم و افتح علينا بمعرفة العلم و حسن أخلاقنا بالحلم و سهل لنا أبواب فضلك وانشر علينا من خزائن رحمتك يا ارحم الراحمين

وعليج بالاستغفار


ولا تحكرين نفسج في غرفه او مكان مسكر

افتحي الدرايش الجو حلو سوي لج عصير فرش ولا قهوه ولا شاي ولا زنجبيل اهم شي دله او جيك وحطيهم يمج واشربي
سوي لج سندويشات صغار
او فروت سلد

هيئ جو حلو وفرايحي شلي الكتب من حولينج وخلي بس الكتاب اللي بتدرسين منه
ووقتي المنبه مثلا 40 ولا 3- دقيقه واخذي عقب بريك 10 دقايق


صدقيني بينشرح صدرج وبترتاح نفسيتج