مهم :اش نصيحتك لحوامل الشهور الاولى والبكريات ..احتسبي الاجر عند الله وانصحينا

الله يجزاك خير على هالموضوع والله اني ادور في كل مكان على نصائح وكتبت امس موضوع هل في خطر على الحامل انها تستخدم الميكرويف وشرب البيبسي وياريت الأخوات اللي سبق لهم الحمل ينصحونا لأني بكرية وفي الشهور الأولى ومشكوره صاحبت الموضوع مره ثانية

اول شي مبروك الحمل والله يتمم علينا جميعا ..

ثاني شي الحمل فتره حلوة استمتعي فيه في جميع مراحله ..

ثالثا احرصي على المتابعه الشهريه

رابعا لا تسمعين كثير لكلام وتجارب اللي غيرك كل وحده تختلف عن الثانيه

خامسا اقري كثير فيه ضيف جديد جايكم لازم تعرفين كيف تتعاملين معه

سادسا جيبي دفتر سجلي فيه كل ملاحظاتك .. واي شي تحسين انه راح يفيدك في الحمل او الولاده سجليه عندك

سابعا الحمل لا تقولين 9 شهور فتححسينها طويله قسميها الى 3 مراحل كل مرحله 3 شهور :)

ثامنا التغذيه الجيده مو معناها كلي عن شخصين وزيدي وبعدها روحي دوري شي ينحفك .. لا تغذي كويس من غير مبالغه ..مع الحرص على النوع وليس الكم ..

تاسعا .. اغراض البيبي ابدي جهزيها من الشهر الخامس بحيث تدخلين التاسع انتي خالصه من كل شي ..

عاشرا .. لا تنسين الدعاء طول الوقت لك ولجنينك ..

11 .. راح يصير تغيرات نفسيه وجسديه لا تستغربين شكلك او تستنكرين نفسيتك ممكن تكونين حساسه بزياده مع التعب والحمل فلازم تعلمين اللي حولك بوضعك علشان يساعدونك بتخطي الحمل بسلام :)

اذا تذكرت شي برجع لكم :)

الله يجزاكم خير يانجديه وام السهره


وين الباقين :icon33:

الللللللللللله يجزاكم الف مليون خير ياعسولات وانا والله شايله هم الحمل لاني بكريه وخايفه مووووووت لدرجة من الخوف احياننا اقول بدي اسقط النونو بس نصايحكم هدت من نفسي وعجبتني وميرسي اوي اوي اوي على الموضوع الرائع لاننا راح نستفيد كتير منكم


وتحياتي لكم

نصيحتي لكل حامل انها لاتخاف من الولاده ولاتفكر فيها .. ولاتسمع كلام اللي يقولوا انها موت ومدري ايش ؟؟؟!!
انا ولدت ببكري قبل شهور وكنت خايفه جدا من كثر ماسمعت عن الولاده وآلامها والطلق ..
من اول شهر لين قبل الولاده وانا في حاله هلع شديد منها ..
ونتيجه لخوفي تأخرت في الولاده .. وعطوني طلق صناعي .. وتعسرت ولادتي ..الحمدللـــــــــه على كل حال
فكل وحده حالتها تختلف عن الثانيه
لذلك احب اقول ان الولاده سهله بإذن الله بس آلام بسيطه تقدر الوحده تتحملها .. والتيسير من ربي ..
وبالتوفيق