بسم الله الرحمن الرحيم
اللهم صلي على محمد وال محمد ..
في يوم من الأيام قابلت زميلتي (س . ع) وهي ترتدي عباءة سوداء من القماش الثقيل وفضفاضه
تفاجئت في الوهلة الأولى لأني لم اعهد زميلتي من قبل بهذا الأحترام..
فقد كانت تلبس العباءة المخصرة المطرزه التي توحي للناظر بأنها فستان..
وكانت تكشف وجهها مع اضافة بعض مساحيق التجميل الخفيفه بحيث تبدو طبيعيه
بعد حديث مطول بيني وبينها سألتني: باين عليك انك مستغربة من عباتي لأن مو بالعاده اللبس كذا !!
اجبتها : بصراحه ايه بس ماحبيت اسألك
ابتسمت في وجهي قائله: الحمدلله الي هداني الى طريق الصح
والله يوفق ويصلح اللي كان السبب
- أي سبب؟؟؟؟
اسمعي السالفة: في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت والفه ( الغشوة) شفافه وتلمع وكنت كاشفة الوجه وحاطه لي كريم اساس وكحله وماسكره وروج وردي ناعم وانا اتمشى بالمجمع لاحظت ان شاب قاعد يراقبني بنظراته ...وبعدين
- تطور صار يلاحقني ،، طبعاً ماهتمينا فيه لأن احنا في مجمع ومايقدر يلمس شعره مني
- ايه وبعدين وش صاااااار!!!!!
بعد ماوصلنا مكان شبه معزول بس كان فيه ناس وقفني وقال لي: حرام عليك اللي تسويه فيني .تبغيني ارتكب الحرام غصب
انا انصدمت من كلامه وقلت له: وش تقصد؟؟
قال: انتي مو شايفه شكلك مو شايفه عبايتك مو شايفه مشيتك... والله حرام عليكم تلفتون انتباهنا وتخلونا نرتكب الحرام
بعدين رفع ايده للسما وقال: يارب ضاعف لها العذاب ضعفين مثل ماعذبتني وعذبت غيري
وبعدها رجعت البيت وانا افكر في كلامه ... طول عمري اتزين واتمكيج .. بس كنت اتوقع اني بحمل سيئات نفسي مو سيئات كل شخص الفت انتباهه..
يعني اذا لفت انتباه 100 شاب بكره يوم القيامه ربي بحاسبني عليهم اكثر مما بحاسبني على نفسي
وقعدت ابكي وابكي وابكي واستغفر ربي على جهلي وقررت اني اللتزم بعباية محترمه واغطي وجهي عسى الله ان يغفر لي ذنوبي
صديقاتي واخواتي لا تبالغي في زينة عبائتك فحتى لو كانت في نظرك عباءة خفيفة الألوان وزخرفة والتطريز لكن لاتضمنين نظرة الشباب اليك...
فلا تجعلي عبائتك وحشمتك حجه عليك يوم القيامه
دعونا جميعاً نتمسك بالعباءة الاسلاميه ولنفتخر جميعنا بخلووو عبائتنا من الألوان والزينه
*** سالفة ثانيه قد سمعتها:
واحد من الشباب يقول اني ماأحب أروح السووق خاصة بهالأيام من شئ اشوفه من البنااااااااااااااااااااات
وأحياناً أروح غصب عني مع أهلي ووالله اني قد ماأقدر احاول اغض بصري واتصدد واتعارك مع ابليس .. ويحلف بالله ..
والله_ مع كل محاولاتي_ ان طلعتي هذي تأثر علي 5 ايام .. ماأقدر أصلي فيها زي اول ..
ولا أصوم مثل أول ..
(( هذا وهو ملتزم وعنده رادع ديني .. اجل كيف اللي مطلق لنفسه العنان؟!!!))
حراااااااااااااااااااااااااااااااااااااااااااااام عليكم يابنات تراك مسؤؤله عن كل رجال يشوفك(يشوف وجهك..عيونك..يدينك) بدايةً من السواق الى الهندي والبقالي ..واصحاب المحلات اللبنانيين واليمنه .. الى المتسوقين .. .. والله يوم القيامه بتتعلق برقبتك امـــــــــه كلهم يقولون:
يارب هي اللي فتنتنا .. يارب هي السبب.. وانتي هذاك الوقت محتاجة حسنه وحده ..
والله اللي ماتخاف بالدنيا .. بتخاف بالآخره..
وبعدين ذنوبنا اكثر من اننا نتحمل ذنوب خلق الله..
تكفوووووووون يابنات خلونا قويات .. خلونا نقوى على بليس ..
وتذكروا ( من تــــــــــرك شيئاً للـــــــه .. عوضه الله خيراً منه )
وعاد مايحتاج نتكلم عن التعويض اللي بيجيك من الكريــــم ..
الله يتوب علينا ويفتح ع قلوبنا..
لأمل الواعد @laml_aloaaad
عضوة نشيطة
يلزم عليك تسجيل الدخول أولًا لكتابة تعليق.
بنت الكريمين17
•
جزاك الله خير
بارك الله فيكي اختي على ما طرحتيه من مو ضوع مهم جدا
اسأل الله اولا ان يثبتها على طريق الحق وان يهدي فتياتنا ويرشدهم الى الصواب
اسأل الله اولا ان يثبتها على طريق الحق وان يهدي فتياتنا ويرشدهم الى الصواب
الصفحة الأخيرة