مهم جدا

السلام عليكم لكل بنوتات عالم حوا

بدخل في الموضوع بدون مقدمات طويله

كلنا نعرف ان القرأه هي متعه والكتاب هو رفيق الأنسان في الوحده
انا عن نفسي قريت وايد كنب زاستفدت منها في حياتي العمليه والعاطفيه
والأجتماعيه حتى في اصعب الأوقات يوم أحس بالوحده كان الكتاب صديقي
واحس كاني عايشه مع ابطال القصه في البيت ويزول عني الهم وبنفس الوقت أطور من شخصيتي

المهم يا ليت اي وحده قرأت كتاب واستفادت منه تعطينا أسمه عشان حنا نشتريه أن كان قصه رومانسيه أو تنميه وتطوير او اي كتاب حست انه حلو ومشوق ويستفاد منه يا ليت ما تبخل علينا بأسمه وشنو استفادت منه وعن شو يتكلم لأن احيانا في كتب تشدنا ونشتريها وبعدين تطلع تافهه ونرميها ونكون خسرنا فلوسها
ا
انا عن نفسي قريت لأحلام مستغانمي نسيان دوت كوم ومره عجبني يتكلم كيف الوحده تنسى الرجل وما تستهين بنفسها
وايضا كل كتب الدكتور ابراهيم فقيه قريتها وقوت شخصيتي حيل
وكتب عائض القرني هم بعد قريتها
والحين ابي اشتري كتب جديده ومحتاره قلت خلني اشوف خبرتكم بالقرأه وكل وحده تقول شو الكتب الي تنصحنا فيها وايضا الكتب يلي شريتوها وطلعت تافهه ياليت تقولو عشان ما ننبلش ونشتريها

وجزاكم ربي الف خير