%%نورا%% :

حبيباتي المساله مي مره كبيره بالنسبه للي عيالها كبار اما الي عيالها صغار بتتعب تعب مر بعد بالنسبه لي عملت لي جدول ولصقته عل الثلاجه الجدول يحتوي شغلات يوميه مثل تكنيس وتمسيح السيراميك وتنضيف الحمامات والمغاسل وترتيب فرش غرف النوم شغلات مرتين بالاسبوع مثل تمسيح وتكنيس الصالونات الكبيره تبخير البيت وتمسيح سيراميك وطاولات ودواليب غرف النوم شغلات اسبوعيه مثل تنضيف الفرن وتنزيل جميع العيون وتلميعها وتنضيف الثلاجه وتبخيرها وتنزيل جميع فلاتر المكيفات وتنضيفها تنزيل بيوت المخدات وشراشف الاسره وتغسيلها بالنسبه للغسيل والكوي اطفالي صغار ماعدو ثلاث سنين عشان كذا لازم يغيرو اكثر من مره باليوم وانا كمان اغير مرتين باليوم وابو الشباب لمين يخلي حسابه هو كمان يحب يغير اكثر من مره عشان كذا كنت منضمه نفسي يوميا يوم للغسيل ويوم للكوي مثلا السبت تكنيس تمسيح السيراميك وتغسيل الحمامات- تنضيف فلاتر المكيفات- غسل الملابس الاحد تكنيس تمسيح السيراميك وتغسيل الحمامات -تنضيف الثلاجه وتبخيرها -كي الملابس وتمسيح الدواليب والطاولات الاثنين تكنيس تمسيح السيراميك وتغسيل الحمامات -تنضيف الفرن وتلميعه -تمسيح سيراميك وطاولات غرف النوم- غسيل الملابس وكذا يمشي الاسبوع باليل انوم اطفالي وكنس سيراميك غرفة المعيشه وامسحه واجهز اللبس الي راح يلبسوه اليوم الثاني واناملمن اصحى افطر وابى اشوف ايش الشغلات الي بالجدول لليوم الي انا فيه طبعا الشغلات اخليها كلها في ايام الاسبوع والخميس والجمعه تسير عندي الشغلات اليوميه وبس الي هيه تمسيح السيراميك والحمامات وتبخير البيت في الاجازه واكيد لمن يجيك ضيوف ايام الخميس والجمعه رح يشهدولك انو بيتك نضيف ومرتب احسن من لمن كانت الشغاله موجوده بعد وهذا الي عندي اتمنى اكون افدتكم ولو بالشي البسيط

حبيباتي المساله مي مره كبيره بالنسبه للي عيالها كبار اما الي عيالها صغار بتتعب تعب مر بعد...

قشنكي :

والله الموضوع جاء بوقته فعلا 000 اول مره احس بارهاق وتعب والشغل مايخلص وتدرون ليش حبايبي نتعب؟ عشان ننظف تنظيف مضبوط مو اي كلام مهما كانت الخادمة نظيفة ماتنظف البيت مثلك وتلاحظون عليهم بسرعة يخلصون ويقعدون احنا لازم تنبيش وقرادة ولا مانرتاح 0 بقولكم بعض الشغلات وعل وعسى تستفيدون0 - انا اول مابديت بالمطبخ رتبته وخففت كثير من الحوسه اللي فيه لاحظوا اننا لايمكن نروح سوق او سوبرماركت الا ناخذ شي للمطبخ ونكدس واكثره مانستعمله جبت سله وشلت كل السكاكين والملاعق الكبيره وفتاحات العلب 00الخ وخليت بس حق الاستخدام والباقي حطيته بالسلة وخشيتها داخل دولاب من دواليب المطبخ لو احتجت شي بسرعة اطلعه ودولاب القدور خليت حق الاستخدام والباقي خشيته انا بطبعي احب الاماكن تكون فاضيه وشرحه مااحب الزحمة حتى باثاث البيت وكذلك البيالات وملحقاتها حطيتهم بكرتون يعني تخلين اسطح الرخام والطاولة شبه فاضيه عشان تنظفين بسرعة0 تعرفون الجل الاخضر حق التنظيف ( العملاق الاخضر) اجيب بخاخ فاضي كبير واحط شوي من الجل وشوي كلوركس وشوي فيري واعبيه ماي وانا مااحذف الفوط القديمه اخليهم للمسح والبخاخ هذا استعمله للحمامات والمغاسل واسطح الرخام وحتى للسيراميك بخي وامسحي وشوفي النظافة واللمعة 0 واذا عندكم فكره عن المساحات الاسفنجية الجديدة هذي رهيبة خاصة حق السيراميك والرخام حطيها داخل سطل التنظيف واعصريها وامسحي فيها الارضية تشيل اي وسخ يعني ماله داعي تكنسين بعدين تمسحين هذي تكنس وتمسح بنفس الوقت 0 ان شاء الله بعد هالهذرة تستفيدون ولو بنسبة بسيطة والخادمة لابد منها بكل الاحوال عالاقل يكون عندج وقت لقراءة القرآن والذكر وتستفيدين من اليوم بدلا من الركضة بين المطبخ وباقي البيت بشغل لاينتهي ابدا 0 شكرا لصاحبة الموضوع وعسى ربي يرزقنا الصحة والعافية اجمعين اللهم آمين0

والله الموضوع جاء بوقته فعلا 000 اول مره احس بارهاق وتعب والشغل مايخلص وتدرون ليش حبايبي نتعب؟...