مهم جداً فرجوا عن اختكم في الله

صديقتي طلبتني انزل مشكلتها و ألتقط الشاشه لردودكم .... اسمعوها علكم تفرجون عنها :

نزليها بعالم حواء.. انا يا عالم انعفست حياتي فوق تحت ومشكلتي غريبه عظيمه كبيره همي هم ماله دواء اسمعوني وقولوا لي وش اسوي و وش هالحاله الي انا فيها.. ي ناس انا فجأه صرت أغلط ع الله يعني يجيني شي زي الوسواس وربي اقول اشياء ما تنقال تجيني بعقلي لا ارادي وبعدها اجلس ابكي و استغفر و ادعي شي ابببد مو بإرادتي، انا محافظه ع صلواتي و اصوم و اقرا القران و طيبه و كلامي طيب ولا اغتاب ولا اتعطر بالسوق و باره جدا بأمي و ابوي وجدتي ومسالمه محد يشتكي مني يعني انسانه ماشيه تمام، ساعدوني تعبت وربي خايفه من ربي خايفه احط راسي ع المخده ولا عاد اصحى و يبعثني ربي ويدخلني النار و اتعذب اشد العذاب، انا مدري ايش هذا و ايش يسمى هو قرين ولا جني ولا وسواس ولا ابليس؟ اقسم بالله تجيني لحظات سعيييده وفجأه يجيني هالصوت بداخلي يخليني اقول كلام فضيع ع ربي، حتى تجيني لحظات حزن و نكبه اقول احسن تستاهلين وش تبغين بعمرك.. يا عالم تعبت كيف اتخلص من الغلط اشتغل و انكرف بسسس لازم تجيني هالأفكار، يا ناس انا كفرت ولا ألحدت ولا وش هالحاله،، وقسم لا سعادتي فرح ولا همي حزن في كلا الحالتين ادمر نفسي واقول وش عليه نهايتك ناااار يا انا ،، لو الانتحار ما وراه حساب و نار كنت انتحرت و ريحت نفسي من العذاب .... متخيلين؟ ملك الدنيا و الحياه رب كل شي انا تجيني افكار و كلام حيييييل فضضيع بس بسرعه استغفر واحاوووول بكل طاقه ما اخلي نفسي تقولها ! هي نفسي ولا ابليس الي يغلط ويقول كذا ؟ انا باقيلي نتقه و انتهي تدممممرت و ضعت وحياتي بلا اي معنى كلها خوووف من ربي وضيقه بصدري والي خلقني اكتب وابكي مدررري لمين اشكي حالتي انقذوني جعلها بميزان حسناتكم كيييف اسيطر ع نفسي وانسسسسى هالافكار وربي حتى فقدان الذاكره والسرطان دعيت ع نفسي بها... وربي اني بحال الله عليم كيف هو ..... هل انا مريضه و اروح اتعالج ولا فيني جني كافر ملحد ولا وش فيني؟ ابغى ارجع زي يوم جابتني امي.. رغم ما صارلي كثير ع ذي الحاله وجاني فجججأه حسبي الله ونعم الوكيل لا إله الا انت استغفرك و اتوب اليك.