مهم جدا قبل ما تحطي اي خلطه طبيعيه

السلام عليكم ورحمة الله وبركاته


اخواتي الغاليات بنفسي كلام من زمان ودي اقوله ومتردده بس قلت يا بنت نصيحه لوجه الله ومانتي خسرانه شي

الموضوع ومافيه يا بنات انه اغلب الخلطات بقسم الشره هنا خلطات طبيعيه واكثرها ما تخلوا من حليب او قشطه او شوفان او عسل او غيره من نعم ربنا اللي انعم بها علينا
ما تحسوا بالذنب يا بنات لما تجوا تحطوا هذه النعم على اجسامكم او حتى وجيهكم ما تشوفوا انه من الاستهانه بالنعمه المفروض انه نكرم النعم ونحفظها حتى يحفظها الله علينا ويديمها لنا
لا والادهى والامر انه غالبا نغسلها بالحمام اكرمكم الله والله يا بنات احس انه حرااااااااااااااااااااام اللي نسويه يعني في ناس بمجاعات مو لاقيه لقمه تاكلها وناس تموووت من شده الفقر والجوع واحنا بغفله واكبر همنا بشرتنا وجمالها وبياضها نضارتها وما ادري ايش
والله يا بنات انه اسرااااااااف ماله داعي
ولو لاحظتوا انه على كثر هالخلطات انه البشره يمكن ما تتغير كثير هذا اذا كان في اي تحسن اصلا
واذا مره لازم نتهم ببشرتنا بشكل كبير الكريمات ماليه المحلات روحي واشتري اللي يناسبك حتى تاثيرها اوضح واسرع من الخلطات ولا تقولو الطبيعي افضل من المواد الكيميائه كيماويات ولا استهانه بنعمة ربنا واذا مره ما تحبي الكريمات عندك الزيوت الطبيعيه

وانا ما اقول اني ما كنت احط خلطات بالعكس كنت طول يومي اوانا بالمطبخ احط من هالخلطات بس دايما احس بالذنب لحد ما قررت اني ما احط خلطات طبيعيه ابدا ولي سنه تقريبا وبشرتي هي نفسها ما تغيرت بخلطات ولا من غيرها واهم شي للبشره الترطيب وشرب المويه وتصير بشرتك ما احلاها

انا عارف اني طولت عليكم مررررره بس من زمان نفسي اقول هالكلمتين<<<<<<كل هذا وكلمتين خخخخ
اتمنى انكم تتقبلوا موضوعي بصدر رحب

ولا تنسوا
من ترك شيئا لله عوضه الله خيرا منه