مهم .. قصة نورا..... (((( إبرة الظهر و الشلل )))) ..

إليكم هذا الحوار .. في غرفة ما قبل الولاده ..


صالحة : ها يا نوير .. وشلونك !!


نورا (هي اسمها نورا ويدلعونها نوير <<<-والله زينه يا ختى بس قلقانه !!


صالحة : خير إنشاء ! عساك بس مب قلقانه علشان الحمل والولاده!! تراها بسيطه !! أنا ولدت بزرين قبلتس .. وما هنا شيء ! بس الله يعينك على الألم !!

جاني وش اسمه ذاك دكتور التخدير وقال يا أختي اعطتيس ابره الظهر اصلح لتس .. قلت لا ما ابيها .. يا حسرتي .. يخرم ظهري ويجيب لي الشلل .. وأنا ناقصصصصصصصصصصه!!



نورا: وش أبره الظهر هذي؟؟
صالحه ذي مخدر يحطونه في ظهرتس .. بس تراني سمعت حريم واجد يقولون أن يسبب الشلل!! :09:


نورا : يمهههههههه .. اسم الله على .. تف تف (انقلبت السالفة حكي مصاريه) اسم الله على من الشلل .. لا جى سألني بقول لا ما ابي .. وأقلب وجهك:angry2:

صالحه : إيه يا واخيتي .. ما علتيس منهم ..


نورا دخلت في حالة الطلق بعدها بساعتين .. واخذوها لغرفة الولاده .. وبما أنها أول مره تولد .. جاها دكتور التخدير .. السلام عليكم يا أخت نورا .. (وده يقول يا نوير بس مستحي )


نورا : اي دكتوره تولدني مب دكتور!!!!!!


دكتور التخدير : يا أختي أنا دكتور التخدير وجاي .. اشرح لك فوائد إبرة الظهر أثناء الولاده!!


نورا : إيه ابره الشلل:angry2: .. لا ما إبيها ذي تسبب شلل ، وتسوي مشاكل ما ابي تخرم ظهري!! :icon33:


دكتور التخدير : ههههههههههههههه (واضح أنه مقهووووووووووور)

نورا : دكتور قلت ما ابي وخلاص

دكتور التخدير : طيب يا أختي ممكن إسألك سؤال ؟


نورا : تفضل


دكتور التخدير : يا اختي هل شفتي أحد جاه شلل؟؟


نورا : لا والله بس أم صــال....ح تقو......ل


دكتور التخدير: خلتس من أم صالح ....... (جته العبره يبي يبكي من أم صالح:icon33: .. اثر أم صالح تدور على الغرف تخرب عليه المرضى!!!!


إبره الظهر يا أختي لها فوائد كثيره ..


أولا فهي تساعد على توسيع الرحم .. و نزول الجنين اسهل بدون الخوف من انهم ياخذونك لعمليه قيصريه (خايف الدكتور تخرب عليه ليله المناوبه)


ثانيا لاشك انك ما راح تحسين الا بالضغط ..أما الألم لا في أول مرحله الولاده ولا الثانية ولا الثالثه.


نورا : ما ابيها .... يقووووولون ...


دكتور التخدير : أقول بلا هرج بس .. خلني أكمل

ثالثا : معظم الحوامل معرضين لجلطات بسبب الأنتفاخات اللي تصير لهم ، وإبره الظهر بإذن الله راح تمنع هذا الموضوع أنشاء الله....


دكتور التخدير : (طلب من القابلة كاس مويه ..حس أن الموضوع يبي يطووووووووول )



دكتور التخدير : وبعدين .. عمر إبرة الظهر ما تسبب شلل ، الحمدلله .. صار لنا فوق العشر سنوات نسويها بالمستشفى وخاصة في قسم الولاده ولا سمعنا عن أحد جاه شلل!!!


نورا : بس أم صالح تقول.......
دكتور التخدير : (معصب) أقول ما عليك من أم صالح :angry2: .. أنا الدكتور وأنا ادري بمصلحتس ..


نورا : شورك وهدايه الله يا دكتوووووور ..


وبعد أيام .. أرسلت نورا وزوجها المصون باقة ورد جميلة لدكتور التخدير .. على نصيحته لها بإبرة الظهر ..

Epidural during laber الأبديورال خلال الولادة .. ماله وما عليه



اخوكم .. مخدراااااااااااتي


منقووووووووووول بتصرف بسيط ..

أتمنى يعجبكم الموضوع :26: :26: :26:
وآسفة إذا كان مكرر ..