السلام عليكم ورحمة الله وبركاته
البعض رغم وضعه او ظروفه تجد ( التفكير ) عنده الله يهديه ( مُغلق )
يستهين بالعشره ولعشرين وووامثالها
ولو انه كتب مصرفاته لكم شهر وراجعها اخر الشهر ووضع ( علامه ) على اللي ماله لزمه لوجد لديه مبلغ يكفيه عن سؤال زيد او عبيد سلفه لاخر الشهر
انت الان تعرف متطلبات بيتك ..
بمعنى الاشياء اللي دايم تستهلكها وشي ؟؟؟
لنقل مثلاً سكر شاي قهوه هيل رز لحم صلصه ...... الخ الخ
طيب ... كم يكفيك لمدة ( شهر ) من السكر
وكم من الشاي والهيل وووووغيرها ؟
مايصلح ان تجيب ( وتكب ) بالبيت وانت ماتدري وش اللي زايد ووش الي ناقص
هذا شي
الشي الثاني .. اذا بغيت تشتري ( مقاضيك ) خل معك ورقه بمتطلباتك
لا تنزل للماركت وتدف هالعربيه وهذا يحط فيها وذاك يحط وووو!!!!
معك طلبات باللي تحتاجها ... لا تاخذ غيرها .. تقول هذا بسكوت رخيص هذي كيكه للولد هذا علك لفهد وهذي حلاوه لفلانه ووو
ابحث عن العروض
يعني خل نقول مثلاً عروض اليورمارشيه او السيفوي او هايبر بنده او كارفور او او غيرها
لنفرض انك تشتري الصلصه لمدة ( اسبوع ) بعشرة ريال .. مثلاً
وجدت عرض من هايبر بندة على الصلصه
بدل ماهو سعره مثلاً 30 صار 20
او واحد وواحد مجاناً
هنا اخذ اللي يكفيني شهر .. اولاً شي مُستهلك وهذا الاهم - صلاحيته طويله - سعره رخيص
اكون هنا وفرت تقرياُ 50% من قيمه الصلصه
نفس الطريقه للرز .. والسكر وغيرها .. بحاله وجود عرض عليها اخذ كميه ازود واكبر مما اشتريه اول
لكن .. الاشياء الاخرى اللي انت ( ماتحتاجها ) وتلقى عليها عروض او بدون عروض
هذي هي اللي ( تسحب رصيدك )
البعض الله يهديه .. اما ( يجرجر ) اطفاله معه للتسوق وينصاع لمطالبهم وتسوقه العاطفه ويبتعد عن التفكير ويبدى ( يقشقش ) من هذا وذاك ووووو اشياء اغلبها او كلها مالها لزمه وان ( ماضرتهم ) مانفعتهم
او انه يلقى عروض على ( بساكيت ) وحلويات ووووغيرها ويبدى ( يشحن ) بهاالعربيه
ومن سبل التوفير ايضاً مايلي :-
لنفرض انك تبي تشتري ( مكعبات ) مرقه الدجاج مثلاً يعني
فيه شركات كثيره تنتجها ... وقد تتساوى بالجودة والطعم ووو
فيه شركه ( ماجي ) وفيه العلالي وفيه كنوز وفيه غيرها
طيب ... لنفرض ان ماجي سعرها 20 ريال وفيها 15 حبه
والعلالي لنفرض ان سعرها 22 ريال وفيها 30حبه مثلاَ
هنا ماتجي تقول لا ... ماجي ارخص !!!!
لانك هنا حسبت فرق ريالين ونسيت زيادة المكعبات !!
يعني كانك تاخذ علبتين من ماجي بسعر 40 ريال !!!
تجي مثلاً للمايونيز او غيرها من المنتجات ( اذا ) كنت بحاجتها
وتجد مننج بسعر 15 ريال
ومنتج ثاني بسعر 15 ريال ايضاً
ولكن هنا انظر للوزن .. يعني هذا مثلاً 400 جرام -- يمكن تجد الثاني 550 جرام
هنا اذا تساوت الجودة اخذ الثاني اكيد
الحليب المجفف .. او السائل طويل الاجل
تجد اشكال وانواع .. ومهما كان ( ميولك ) لمنتج معين طبف عليه نفس ماذكرنا بالاوزان
يعني حصلت علبه 60 ريال وزنها 1 كيلو
بينما اللي اكبر منها 70 ريال وزنها 1.5 !!!!
الثانيه اوفر لك وافضل و((( ارخص ))) كون نصف كيلو بعشره ريال فقط !!
امر اخر بالحليب المجفف ... لا تشتريها بعلب .. فانت من يدفع قيمه ( الديكور ) فيه نفس طلبك يجي بأكياس وهي اوفر
نفس الامر بانسبه لصابون الملابس هناك نوعيات كثيره تأتي بأكياس ولكن عليك ان تُفرق بين اسعارها واوزانها
وكل ماذكرناه طبعاً عليك ملاحظة صلاحيه المنتج ( التاريخ )
محلات ابو ريالين .......... حاول قدر استطاعتك ان تتجنبها
لانها مصدر اساسي لا نهاك ميزانيتك ودمارها
هذه المحلات ( مزبلة ) من مزابل الصين !!!!!!!!!!
يتم تحويلها لنا بكل اسف عن طريق اشخاص والله ثم والله لا همهم وطن ولا مواطن ولا مقيم !!!!!!!!!!
99% مما يوجد بها مصدر ارهاق لميزانيتك وهدر وبنفس الوقت ( قمايم ) بمنزلك
والاهم من كل هذا وذاك ( ضرر ) على افراد اسرتك
والله ان فيها منتجات لا يجب ان تتواجد حتى ( بالصومال ) او افغانستان !!!!!!
ولا نعلم كيف تسمح بدخولها وزارة التجارة او الجمارك او من يعنيه امرها !!!
كمثل ( مايُسمونها ) ادوات التجميل !!!
والعطور وكثير جداً من العاب الاطفال
وبعض اطباق الاكل ومعاجين الاسنان والشامبو ووووووووووووامور لا تعد ولا تُحصى
الا تلك المعروفه والتي ( يُحضرونها ) تكميلاً ولاثبات انهم ارخص من غيرهم
فهنا ( عليك بها ) واترك عداها
مثال ذالك .. بعض انواع الكريمات - بعض انواع الصابون - بعض انواع المناديل الورقيه - بعض انواع اكياس النفايات وغيرها --
هم يُحضرون هذه النوعيات ( المعروفه ) لدى الكثيرين وينزلون بسعرها عن غيرهم من المحلات الاخرى - لكي يتردد عليهم الزبون ويأخذ ) بقية ) مُستلزماته الاخرى منهم بنفس الوقت
البعض يعتبر هذه المحلات ( توفير ) له ومُناسب لوضعه الاقتصادي
وهو لا يعلم انه على عكس ذالك يدفع اضعاف مُضاعفه
وهذا الدليل :-
لنفرض انك تريد ان تشتري من عندهم ورق الالمنيوم ( القصدير ) ولنقل سعرها ريالين
طيب .. افتحها وشوف الروول من الورق المقوى التي بداخلها ويلف عليها القصدير !!
تجده كبير الحجم ضخم مما يوحي لك ان اللفه كبيره !!!
بينما لا تكفيك الا للف صينيه واحده فقط
سله مهملات !! لنفرض انك اشتريتها بسعر 4 او 5 ريال شف كم تجلس عندك من يوم ؟
وكم تشتري بالشهر منها ؟؟
المُنظفات - وخاصه منظف الاواني !!!
قد تجده رخيص يمكن 5 ريال ولكن كم تكفيك العلبه ؟
تجده زي المويه .. بمعنى ان علبه من المنظف الجيد بسعر 10 ريال تستطيع ان تجعلها 5 علب من تلك التي بسعر 5 ريال وذالك عن طريق تخفيفها بالماء
هذا عدى ماقد تُسببه من حساسيه لليد ومراجعة الطبيب ودفع قيمه الكشف والعلاج ووووالخ الخ !!!!
البطاريات . للاجهزة ( ريموت - راديو مسجل .... الخ الخ ) ينطبق عليها ماينطبق على الصابون
نعم تجدها رخيصه ولكن كم مدتها بالجهاز ؟
وقس على هذا اشياء كثيره جداً
استفد مما يُحظرونه ( لايهام ) لزبون ان كل سعرهم ارخص من غيرهم واترك تلك الاشياء التي تكلفك اضعاف مالو اشتريت صنف جيد بديلاً عنها
كل مااتمناه ان يستفيد من كان بحاجه هذه التوجيهات
واسئل الله ان اولاً ان ينير طريقنا بالايمان قبل كل شي
وان يبعدنا عن استغلال كل مُستغل بشع
منقول للأمانة
__._,_.___
جــ الغلاـــودي @g_alghlaody
عضوة فعالة
يلزم عليك تسجيل الدخول أولًا لكتابة تعليق.
شموخ الأحزان
•
جزاك الله خير موضوع مفيد جدا
جزاك الله خير موضوع مفيد جداجزاك الله خير موضوع مفيد جدا
شكراً لمرورك شموخ الأحزان
L.O.N.L.Y اشكرك على مرورك ومنحد حتى انا مااحبهم احسها تضييع فلوس على كراكيب واشياء مدري كيف :42:
L.O.N.L.Y اشكرك على مرورك ومنحد حتى انا مااحبهم احسها تضييع فلوس على كراكيب واشياء مدري كيف :42:
الصفحة الأخيرة