مهم لكل انثى

نقلتلكم موضوع وااااايد حلوووو
مساء الخير عليكم 🌸

بعد الزواج ممكن أنْ الوحده بشكل غير واعي تبدا تعلق فِي نفسها بزوجها بشكل كبير جداً،و التعلق هدا ممكن يوصل بيها انها تنسي نفسها ورغباتها و هواياتها و كُل اهتماماتها 💔وهذا فِي النهايه شن يسبب ؟
يخليها تفقد ذاتها ! 💗
وفقدانهـا لذاتها يخلي زوجها يفقد اهتمامه بيها !
وتبدا تسأل علاش معاش يهتم بيا ؟
علاش معاش يحبني ؟

وهذا طبيعي،لأنه مش هادي المراه الي اختار يتزوجها، وإنما تحولت لنسخه منه هوا نفسه

( لازم تحافظو أنتم الإتنين علي إستقلاليتكم)

صح نحنا نتزوجو و نكملو بعض ونفرحو مع بعض و نعيشو تجارب مختلفه مع بعض
لكن هدا ما يعنيش انك تربطي نفسك فيه ولا هوا يربط نفسه بيك 🌸

لذلك لو حسيتي نفسك بديتي اطيحي فِي المطب هدا تبدي ابعدي شوي شوي و اتجهي لذاتك اكثر تذكري حياتك قبل الزواج كيف كانت ؟
شن كانت اهتماماتك؟
من كانت دائرتك الإجتماعيه ؟

ارجعي لهذي الأمور شوي شوي وبالمناسبه،كونك مستقله لا يعني أنك تبعدي،وإنما تتركي مسافه المناسبه بينكم الي تحافظ علي علاقتك مع زوجك و علاقتك مع ذاتك.

علي فكره ها الشئ يصير بعد الزواج
بعد وضيفه جديده !
بعد مولود جديد!
بعد التعرف علي صديقه جديده و تتقمصي شخصيتها!

فقدتي إستقلاليتك؟
كيف رجعتيها؟
لـ آيــة