اقلاام ملونه

اقلاام ملونه @aklaam_mlonh

محررة برونزية

مهم لكل بنت || ..

ملتقى الإيمان

بســـــــــــــــــم الله الرحمن الرحيم










اذا باتكلم عن مشكلتي باتكلم بلسان كل بنت عايشه بالمجتمع السعودي لانها مو مشكلتي انا وبس ..
ما راح اكتب من فراغ ولابكتب لاني مالقيت شي اكتب عنو انا حكتب الواقع اللي قدامي وللاسف هالواقع اللي حدني ابين الشي هدا ..
انتو راح تقروا كلامي وتقولوا مو كل بنت تعيش نفس ظروفك لكن اللي حابه اني ابينو هنا هو العنصريه ضد البنات ولين متى راح يضل الحال على كدا .. كل الفلسفه والكلام الفاضي وان المرأه السعوديه ماخذه حقوقها كامله و و و و و و و الخ ما حتكلم عنها ؟؟؟؟؟؟؟؟؟؟؟؟؟؟


موضوعي هوا حالة البنات في البيت مع اخوانها الاولاد والعنصريه اللي عايشه هي فيها صحيح مو كل بنت تعاني من هالشي سواء لان ابوها مثقف او دارس او واعي ومهما صار. في قرارة نفسو البنت دايما اقل ونظرتو لها غير نظرتو للاولاد.. ومهما كان المستوى الاجتماعي البنت دايما تحت تحت تحت... انا ما اعترض على حكم ربي لاني اعرف انو ماخلق ولا كتب شي في القرآن الا لحكمه وياما وقفت كثيييييير عند الآيه الكريمه هذي { وللرجال عليهن درجه والله عزيز حكيم}

ياناس لاتفهمو الآيه غلط هذا مو يعني ان الرجال افضل طيب شوفوا نهاية الآيه ايش ربي قال ؟؟ ..{والله عزيز حكيم} .. يعني ماقال كذا الا لحكمه يعني الرجال علينا درجه بالانفاق .. ولو مثل ماتفكروا وانكم افضل يعني كأنكم تقولو ربي ظالمنا ... الله مايظلم احد وساوانا ويكفي ان الله حط سوره لنا في القرآن باسم << النساء >> والرسول صلى الله عليه وسلم قبل مايموت وصى بالنساء لان الرجال مايفكروا ..


يعني شوفوا معايا مثلا لما الواحد ينتظر زوجتو تولد بغرفة الولاده وتلاقونو قاعد برا رايح جاي وواصل حدو ورافع يدو ويدعي يارب ولد يارب ولد طيب ادعي لزوجتك بالسلامه بالاول حرام عليك هيا جوا تشوف الموت بعينها وانتا ماهمك الا يجيك ولد كأن الولد راح يربحك مليون لما يجي ؟؟؟


المشكله هنا ان الرجال يستعملوا آيات ربي ضدنا يعني مثلا بالله شوفوا وش يقولو من جد تخلف ما ادري كيف يفكروا كل ماجينا نطلبهم نبي نخرج نتمشى لو بالسياره قالوا ..وقرن في بيوتكن ..!!!! كأننا كل يوم نخرج وكل يوم بمكان .. بعدين ربي قال ...{وقرن في بيوتكن ولاتبرجن تبرج الجاهلية الاولى}... وين راحت نهاية الآيه اكلتوها! ولا تبون شي بس عشان تاخذوه علينا حجه.. ولو فسرتوا الآيه ربي قال كذا عشان الحريم اللي تخرج من بيتها بدون سبب .. واحنا يالله اذا خرجنا في الاسبوع مره وفوق كل هذا رافعين خشومهم علينا والله لو نسوق سيارات ما احتجناكم ولا ذلينا انفسنا عندكم..


لاااااا وازيدكم كمان, طبعا احنا بشهر رمضان والكل عارف التعب اللي نشوفو كل يوم سواء بالمطبخ ولا بتنظيف البيت لما تنقص علينا شغله مانشيل همها نشيل هم اللي راقد نبيه يروح يجيبها طبعا وش عليه سهران طول الليل ونايم طول النهار عشان يقوم ع الفطور جاهز وشلون نقنعه يروح واذا قام يقوم الدنيا ويقعدها كأنه بيروح يجاهد ماكأنه بيروح البقاله ويرجع يكمل نومه, طيب احنا اللي من الصبح نكرف في هالبيت وصايمين مثلنا مثلكم وحالتنا حاله ماقلنا تعب ولا اشتكينا ادري انه واجبنا طيب راعونا شوي حسوا فينا حطوا انفسكم مكانا صايمين ومجاملين الاكل والله حاله ما كأن كل الل نسوييه لكم وبيروح في بطونكم..
طيب بعد هالتعب اللي نشوفه مو من حقنا نشم هوا لو دوره بالسياره على الاقل تجبرون بخاطرنا .. لكن للاسف اللي نشوفه الواحد مايصدق يخلص فطور عشان يشوفله حجه ويخرج من البيت ومايرجع الا ع السحور وبكل قوة وجه راجع الفجر ويقول : السحور جاهز؟؟؟؟ ايه اكيد جاهز بس ننتظر متى تشرفنا انت وخشتك..!!
طيب بطلع من الكلام اللي فوق لان اصلا صار شي عادي بالنسبه للبعض مايشوف فيه أي غلط.. ايه طبعا احنا الغلطانين آسفين وحقكم علينا بس مره ثانيه دوروا الفطور والسحور بالمطاعم اللي ربي مكثرها..ومو بس برمضان حتى بالايام العاديه نفس الشي واحنا ساكتين لين متى؟؟؟؟ واذا تكلمنا ماقام احد يعاوننا لان التخلف موجود بكل مكان وكأن اللي نقوله كلام فاضي
الحينا الاولاد ماخذين في عقولهم هم اللي يرفعوا الراس بكل شي والبنات عندهم شي حقير واللي قواهم على كذا المجتمع اللي ماهمو الا المظاهر .. وقال الاولاد نعمه يعني احنا البنات نقمه ؟؟ ههه من جد آخر زمن ..


بعدين انت وياه تسوولي غيره ع المحارم أي غيره؟؟!! هذا مرض مو غيره والله لو الواحد واثق في زوجتو ولا اختو ماسوا كذا وكل تصرفاتكم غطي عيونك لاتلبسين كذا ومدري وشو هذا يدل على انك انت مو واثق في اللي تمشي معاها .. طيب ستر لها ما اختلفنا بس ماتطلع عقدتك وحرتك فيها ..

اقوووووووووول يالجنس الخشن ياتشوفون لكم حل يانشوفلكم احنا احسن حل ولا ماسمعتوا الآيه اللي تقول { ان كيدكن عظيم } وربي عظم كيدنا يعني مو شي بسيط هع هع
يلا يابنات لاتسكتون على حقوقكم تروا الرجال مايشوفوا انفسهم رجال الا علينا ......



طلعوا افكاركم وابدعوا فيها ودمروا الرجال بمواهبكم الفتاكه
يداً بيد لمستقبل تقوده النساء ..


كل وحده تقرا هالموضوع تكتب رد تحتو وتنشروا للي عندها سواء دعم او اعتراض واي تمساح يكتب رد تمسحونه وتكتبون ردكم مكانه وتنشرونه وهكذا ..... دمتم بود
10
1K

يلزم عليك تسجيل الدخول أولًا لكتابة تعليق.

تسجيل دخول

الملاك الوردية
8888888888
مادخل مزاجي الكلام
لانه موب صح
رفع
@deam@
@deam@
الصراحة الرجل اذا شاف نفسه يبي كل شي تحت سيطرته وتلقين حرمته الي تخربه وتشحنه على اهله
أجـــمل اِنسآنه
كل كلمه في الموضووع صحييييحه 100 %
اقلاام ملونه
اقلاام ملونه
تسلمون ع الردود
lil soma
lil soma
والله كلامك صحيح
مسكتي عالجرح
تعبنا زهقنا من هاالحال
ندرس احسن من العيال ونطبخ ونغسل ونمسح في كل وقت وفوق هذا لاجزاء ولا شكورا الا هم طالعين نازلين سب وشتم
علين متى هذا الحال انا ماادري
طووووول الوقت واحنا في البيت
حتى الرسول صلى الله عليه وسلم كان يخرج اهل بيته ويتسابق معهم ويلعب مع انو كان وقتهم كلو حروب وفتوحات ولنا في رسول الله اسوة حسنة
الولد قد ما يسوي من بلاوي الا الكل في صفه واكبر ظلم يحصل انو مايكبر يشتروا له سياااارة وبالسعر الفلاني ونحنا ولاشي مو للذكر مثل حظ الانثيين وين النصف ؟مادري؟ الايات الي تعجبه يمسكوا بها والباقي ؟
البنت اللي نمصت تعالوا شوفوا اللعن كيف وتقوووم الدنيا وتقعد والولد لمن يحلق لحيته عااادي ويقولون له شكلك حلو
البنت لمن تزين العباية متى يسكو فمهم ويقموا بالادلة الولد عااادي يطول الثوب امتااار يسحب في الارض
لكن اللله ولينا ونصيرنا ربي يرحمنا
مشكوووورة ياختي عالموضوع الرائع
حسبنا الله ونعم الوكيل