مهم لكل حامل و أم لأول مرة **الرضاعة**

السلام عليكم و رحمة الله وبركاته

عزيزاتي الحوامل والأمهات الجميلات حبيت انزل هالموضوع لعل وعسى اساعد فيه من هم بحاجة لإرشاد او مساعدة او حتى مساندة بما يختص بالرضاعة الطبيعية..

طبعا لا يوجد ما هو أفضل وأنسب للرضيع أكثر من حليب الأم لأنه مصنع ليناسب احتياجات الطفل في مراحل نموه المختلفة، فعند الولادة معدة الطفل لا تتعدى حجم القطعة النقدية المعدنية وبالتالي يكون حليب الأم قليل جدا و تكوينه صمغي ويسمى باللبأ و يستمر نزول اللبأ لمدة يومين إلى ثلاثة أيام ومن بعدها يتحول للحليب الانتقالي وهو حليب شفاف اصفر اللون وبعدها ينتقل الحليب الو حليب ناضج ابيض وعلى قولة ممرضة الرضاعة حليب المراعي ههههه. طبعا لو قارننا هالتغير بالحليب المصنع رح نلاقي انو الحليب هو هو واحد من عمر الصفر ل 6 شهور ولكن الكمية تختلف ولكن طبعا لاغنى عن الحليب الصناعي في بعض الحالات الصحية التي قد تصيب الأم او الطفل..ولكن حبيت أوضح بعض المفاهيم الخاطئة لدي البعض عن الرضاعة وتسليط الضوء على أهميتها حتى لا تتساهل الأم وتحرم رضيعها من الحليب الذهبي كما يسمى.

1- تتفاجأ بعض الأمهات الجدد بالأخص بعد الولادة بعدم تدفق الحليب الأبيض من صدرها وهذا اعتقاد خاطىء لأن في الثلاث أيام الأولى لا ينتج الصدر الحليب وإنما كما ذكرت سابقا ينتج مادة صمغية تسمى باللبأ او الكولستروم وقد لا ترينها اطلاقا بعينك ولكن تأكدي بأن طفلك يرضعها والطفل في أول يوم يستهلك من مخزونه فلا تقلقي عليه من الجوع.

2- "ما عندي حليب..حليبي قليل.." كلها معتقدات خااااطئة!! هل تذكرين أول علامات الحمل؟ وجع وثقل في الثديين فهما من أول يوم في الحمل يجهزان للرضاعة ولإنتاج الحليب فكيف تتهمين جسمك بعدم المقدرة على انتاج الحليب وهو يعمل على ذلك منذ اليوم الأول في الحمل!!! الثدي عند الولادة يكون جاهزا للرضاعة مثله كمثل سائر اعضاء الجسم التي يسخرها الله للوضع والحمل..ماعليك سوا وضع طفلك على صدرك والبدء بالرضاعة وعادي ممكن تقعدي ساعة عااااادي لأنه طفلك متلك جديد عالرضاعة وعم يتعلم وعم يسحب شوي شوي وبيغفى اوقات بس اهم شي كل ما حسيتي بعلامات الجوع واضحة على الطفل رضعيه و حاولي ترضعيه طول اليوم عشان حلمة الصدر تتحفز و الصدر يضل شغال و ينتج حليب اسرع..طبيعي جدا البيبي يبكي كل عشرة دقايق ..انا تاني يوم ولادتي كنت اعيط من كتر التعب والنعس لأنها كانت تعيط كل 10 دقايق بدها ترضع وارضعها نص ساعة مثلا واحطها تضل 10 وترجع بدها ترضع و هكذا..ما نمت طبعا واحتسبت الأجر عند ربنا وهادا اول طريق الأمومة والعطاء..طبعا البعض يعتقد انه عياط الطفل معناة حليب الام ما بيشبعه وهادا اعتقاد خاطىء جدا لأنه هو بيشبع بس بينهضم السائل بسرعة بالإضافة الا انه اول ليالي للطفل في هذه الحياة وخايف و بدو يحس بالدفء والأمان عشان يطمئن مش اكتر فأرجو منكم انكم ما تتسرعوا و تفكرو ان الطفل ما بيشبع بس اصبري هاليومين وكل صدقيني كل يوم حيكون احسن من اللي قبله وحتنامي و حترتاحي ولكن اصبببري..

3- تشقق حلمة الثدي سببها الرضاعة الخاطئة وحلها الرضاعة الصحيحة وليست الكريمات والدهانات مع انها صح بتساعد ولكن حليب الأم نفسه مطهر ويعمل على تطهير الحلمة بعد الرضاعة يعني يابنات ربنا ما خلى شي بإيدنا احنا..وصار معي تشقق وشفت الدم لكن قاومت وضليت ارضع ما توقفت وما بكذب عليكم زاد وكنت اعيط ولكن اجي ع حالي و بالأخير خف الوجع ونشف الجرح و طبت تماما! ولا كريمات ولا غيره بس هم طبعا بيساعدو..

4- " انا سحبت حليب من صدري ولقيت انه مااا عندي حليب طلع نتفة" حبيبتي بيقولك انه الطفل هو احسن شفاطة موجودة في الأسوق ههههه الطفل بيشفط 60 بالمية اقوى من احسن شفاطة وبعدين ابدا ما تاخدي الحليب المسحوب على انه دليل لمخزونك ابدا..لو بدك تعرفي اذا عندك حليب بيكفي او لاء شوفي طفلك كم حفاضة بيوسخ لو اكتر من 6 انتي في السليم ولو الطفل بينام و بيزيد وزنه شهريا خلاص كل امورك تمام..بالنسبة للي حابة تشفط اشفطي بعد ما طفلك يرضع على طول وجمعي هالأجزاء على مدار اليوم وفي الآخر رح تلاقي عند كمية حلوة خزنيها بالفريزر او بالتلاجة.

5- " انا شفت حليبي شفاف يعني ما بيغذي.." صح..الحليب في صدر الأم مقسوم نصين النص الأمامي واللي بيطلع في اول الرضعة بيكون شفاف وهو يروي عطش الطفل والحليب الخلفي اللي بيجي بآخر الرضعة مليء بالدسم عشان هيك لازم تفضي صدرك تماما يعني اقل شي 15 دقيقة عالصدر ولو الطفل ما فضى صدرك تماما واخد النوعين رح ينمغص ويصير برازه اخضر..يعني خلي برازه هو الدليل..لو صار اخضر اهتمي بالرضاعة اكتر.

هادا كل اللي خاطر ع بالي حاليا..لو عندكم اي استفسار انا جاهزة