مهم لكل عروس2007<=موضوع متجدد

انا راح أبدا ببعض الاشياء اللي تستفيد منها العروس وهي المكياج
صحيح ان الميك اب المفروض مانشتريه الا أخر شي عشان مايخرب بس صراحه
اعجبني هالملف باحد المنتديات ولقيت انو مرررره شامل
يارب تستفيدون منه
نبدأ الملف بمنتجات الوجه ،

طبعاً كل عروس تحتاج الآتي :

- بيس أو مثبت ، ولاحظوا قلت ( أو ) يعني إذا كان عندها بيس فـ يكفيها عن المثبت والعكس ،

- عدد 2 كريم أساس ، أساس تكون تغطيته جيدة للمناسبات والسهرات ويكون أفتح من لون بشرتها

بدرجة أو درجتين ، وأساس عادي أو خنقول يومي للطلعات العادية وللصبح وممكن للبيت تستخدمه ،

(( طبعاً العدد اللي حددته اهو المفروض يكون عند كل عروس تجهز على الأقل ، وممكن العروس تشتري

أكثر من 2 أو 3 أو 4 على حسب احتياجاتها إستخداماتها وعلى حسب طلعاتها وعزايمها ومناسباتها ، ))

- عدد 2 بودرة مضغوطة ،

- بودرة سائبة ،

- بودرة للـ إضاءة أو كريم إضاءة ،

--------------------------------------------------

نبدأ مع المنتجات ،،



- من أفضل المثبتاات اللي استخدمتها اهو مثبت ماك البخاخ ، وايد حلوووو ،

والأحلى إنه يحتوي على فيتامينات مغذية تعطي حيوية وإشراقة للبشرة ، ممكن استخدامه قبل الأساس

وممكن كـ آخر مرحلة في المكياح ، مع إن استخدامه قبل المكياج يكون أفضل ، وممكن استخدامه

لوحده بدون مكياج ،

وفيه مثبت ميك أب فور إيفر ، بس ما جربته ، لكن باين عليه حلوووو من تجارب البنات اللي قريتهم ،

وفيه مثبت جيفنشي يمدحونه البنات ،، وفيه مثبت كريولان وايد يمدحونه بس ما جربتهم ،،

- بالنسبة للبيس معظم الماركات أو بالأحرى كل الماركات عندهم بيس والبيس هو منتج تحضيري

يهيئ البشرة ويحضرها لوضع الأساس بالإضافة إلى إنه يثبت الأساس والمكياج عموماً ويكوّن طبقة

عازلة بين البشرة والأساس ، ويعطي حيوية للبشرة ،

من أفضل الأنواع اللي أرشحها للعرايس اهو بيس كانيبووو اللي تشوفونه بالصورة ، وايد حلوووو

يثبت ويعطي إشراقة وحيوية للبشرة ، وعن تجربة يخلي البشرة تظهر بـ لوك مخملي ،

بيس ماك أو البرايمر من ماك حلوووو ويخلي البشرة نااااعمة بشكل وايد وايد حلوووو ، بس سبحان

الله ما حبيته كثر ما حبيت كانيبووو <<< غرامها هالكانيبو ،،

بيس الـ فوتو فنش من سماش بوكس ، وايد حلوووو ،



بالنسبة لـ بيس فور إيفر أحي إنه عادي من تجربة أختي ، لأني ما جربته ، أختي بشرتها عادية

وجربت بيس فور إيفر البيج وتقول إنها ما حست بفرق وايد في مظهر بشرتها ،

وأحب أقول نقطة :

لو تلاحظون إن فيه بعض الماركات الـ بيس عندهم بعدة ألوان ، كل لون له وظيفة معينة ،

ممكن البياعة تقنعج بلون معين مثلاً البنفسجي للبشرة الباهتة والتعبانة ، أو اللون الأخضر

للبشرات الحمراء أو اللي تعاني من الحبوب ، بس نصيحة ترى اللون ما له تأثير كبير ،

لذلك اختاري الشفاف أفضل شي ،

امممم نبدأ بالأساسات ،،



في هالصورة بتلاقون أحلى ثلاث أساسات عندي ،

جيرلان + كانيبو + جورجيو أرماني ،

جيرلان ( ديفينورا ) من أفضل الأساسات اللي جربتهم ، واااايد حلو على بشرتي ، وللأمانة ما مدحته لوحدة إلا

وشرته وجربته الحمدلله وأولهم أختي ،

طبعاً لو تلاحظون إن لا جيرلان عندهم كذااااا أساس ، إيسيما واهو أساس وبنفس الوقت علاج وفيه منه

نوعين للبشرات الجافة + الدهنية ،

وديفينورا فيه منه نوعين بعد مطفي وشبه مطفي ، أنا اللي عندي شبه مطفي وعلى فكرة

يناسب جميع البشرات ،

كانيبو وبما إن بشرتي دهنية فأخذت السائل الـ Liquid Finh

لكن إذا بشرتج كانت جافة فأنصحج بالأساس الكريمي لأنه الأنسب للبشرات الجافة Cream Finh

وتغطيته أحلى وأعلى من الـ Liquid Finh

جورجيو أرماني مع إن الماركة توها جديدة في السوق الخليجي

إلا إنها لها شعبية بفضل منتجاتها الراقية ، فعلاً منتجاتها راقية وشكلها شيك وبنفس الوقت جودتها

عالية ، أساسهم Matte Silk Foundation وايد حلوووو ويناسب البشرات الدهنية لأنه يعطي لوك مطفي

للبشرة ،،



أساس لابريري بالكافيار ، بصراحة أشوف هالأساس أخذ سمعة لأنه غالي بس ،

اهو حلوووو على البشرة وتغطيته حلوة لكن فيه أساسات بصراحة أحلى منه مثل أساس

ديفيينورا من جيرلان ، حلاة الأساس في مكوناته وأهمها الكافيار ، اهو غاااااالي لأنه

بالكافيار ومثل ما إنتو عارفين الكافيار غالي ،



أساس إستي لودر الـ MAXIMUM COVER

+

أساس كلينك الـ Skin Smoor Pore Minimizing Makeup

طبعاً الـ MAXIMUM COVER وايد تغطيته ثقيلة ، وما عجبني كلش ،

المفروض يتخفف بأساس سائل أو على الأقل مرطب ، لأنه ثقيل وما عجبني ،

اللي تبي تغطية قوية وعالية ممكن تجرب كونسيلر من فور إيفر اسمه الـ

FULL COVER



وفعلاً تغطيته عالية جداً ويعطي لوك حلووو أحلى وأفضل من الـ MAXIMUM COVER

أما بالنسبة لأساس كلينك ، فهو حلوووو مثل الموس واهو علاجي للمسامات ، يعني مع الإستمرار

المنتظم راح تقل المسامات عن قبل ، مظهره مثل البودرة خفيف وبنفس الوقت يعطي تغطية

ولوك حلووو ومطفي وبنفي الوقت يقلل من مظهر المسامات المزعج ،



هذا الأساس المضغوط من شيسيدو واسمه :

Sheido Hydro-Liquid Compact Foundation

طبعاً هالأساس يناسب البشرات الجافة لأنه يساعد البشرة على الإحتفاظ بالرطوبة ،

وايد حلوووو وبنفس الوقت عملي ويتوزع على البشرة بكل سهولة ، شريته مع إن بشرتي دهنية

لكن مظهره على وجه البياعة أغراني بصراحة ، والأٍسبوع اللي فات جربته وكان في البداية

وايد حلوووو لكن بعد مرور الوقت حسيت إن بشرتي مدهنة ، يبيله الـ Oil control

نتكلم عن كريمات الإضاءة ،

أحب كريمات الإضاءة لأنها تعطي حيوية وإشراقة للبشرة ، إشراقة طبيعية مو مصطنعة ،

ومعظم الماركات عندهم كريمات إضاءة ، وفيه كريمات إضاءة شفافة ، وفيه كريمات إضاءة ملونة مثل الموجود

عند فور إيفر ،،

الحلوووو بكريمات الإضاءة إنج ممكن تستخدمينها بأي وقت ، بالصبح أو بالعصاري أو بالليل ،

لأن لمعتها مناسبة لأي وقت وما هي قوية ،،



في هالصورة كريمين إضاءة جربتهم وراح أقول لكم رأيي ،

الـ strobe cream من ماك ،

+

الـ skinlight من ريفلون ،

طبعاً الأحلى اللي من ماك ، وااايد حلووو وعلى فكرة الـ strobe cream إضاءة + مرطب ،

يعطي ترطيب وبنفس الوقت ممكن إستخدامه كـ بيس قبل المكياج ،،

امممممم فيه بعد كريم إضاءة وايد حلوووو من فور إيفر اسمه

DIAMOND CREAM



فيه منه ألوان بس أحلى لونين اللؤلؤي والوردي ،،

باختصاااار

معظم الماركات إن لم كلها عندهم كريمات إضاءة تعطي إشراقة وحيوية للبشرة ، طبعاً هالكريمات فيه

منهم الشفاف وفيه منهم الملون أو الملون الشفاف اللي يعطي لمسة لون ،

لكن أفضل كريمين إضاءة جربتهم الـ ستروب كريم من ماك + الـ دايموند كريم من فور إيفر ،


نكمل مع البودرات بأنواعها والبلاشرات ،،






اللي شايفينهم بالصورتين أحلى ثلاث بودرات عندي ،

ديفينورا الذهبية من جيرلان

Exquely fine powder foundation Compact

+

جورجيو أرماني

silk foundation powder

+

كانيبو

tal finh

هالبودرات تغطيتهم مخملية لأنهم عبارة عن أساس + باودر ، لذلك تلاحظون تغطيتهم أحلى وأعلى من البودرات العادية ،

البودرات العادية ، تكون بهذه المسميات :

pressed powder

أو

compact powder

وهذول تكون تغطيتهم عادية وخفيفة لأنها عبارة عن بودرة فقط بعكس اللي فوق ،،

وفيه بودرة حلوة من فور إيفر اسمها :

POWDER FOUNDATION



هالبودرة وايد يمدحها الماكيير بسام فتوح واستخدمها في الدورة اللي صارت بالكويت

ويقول إنه يستخدها لـ أليسا & هيفا وهبي ،



هذول اللوس باودر ،

وظيفة اللوس باودر أو خنقول مميزاتها :

- تعطي مظهر مطفي رائع للبشرة بحيث تمتص أي دهون على البشرة ،

- تساعد على تثبيت الأساس ،

- ممكن وضعها تحت العين لإلتقاط الشادووو المتساقط وبحيث ما تتدمر هالمنطقة ،

للأمانة : تجربتي مع اللوس باودر قليلة ، يعني ما جربت إلا اللي إنتو شايفينهم بالصورة :

كانيبو

+

botanics << ماركة نباتية تلاقونها في صيدليات بوتس ،

+

فور إيفر وهذول كانوا هدية على مشترواتي ولو تلاحظون حجمهم صغير ،

الحلووووو في بودرة كانيبو + بوتانكس إنهم :

Transparent

بمعنى إنهم شفافين ، ما يعطون لون بقدر ما يساعدون على تثبيت الأساس وإعطاء لوك مطفي

بالإضافة إلى تنظيف منطقة العين من أي شادووو متساقط ،

وفيهم ذرات لمعة صغيرة جداً ،

طبعاً من وجهة نظري اللوس باودر الشفاف هو الأفضل لمنطقة العين ،

أما بالنسبة لـ فور إيفر اسمها :

SUPER MATTE LOOSE POWDER

هذه البودرة تعطي لوك مطفي 100% ، وتناسب البشرات الدهنية ، وهالبودرة لونية يعني مو شفافة ،

ويوجد منها عدة درجات لكل ألوان البشرة ،،

ومثل ما قلت لكم إن خبرتي بالبودرات السائبة قليلة ، لكن ولله الحمد وايد مرتاحة لـ كانيبو وأحسها أفضل الموجود

لكن هذا ما يمنع إن فيه بودرات سائبة حلوة مثل كلينك & جيرلان ،،

ألحين نتكلم عن بودرات اللمعة ،،



في هالصورة بتلاقون أربع بودرات ،

أسوأهم من ريفلون مو حلوة وما عجبتني ،،

طبعاً الأفضل في بودرة اللمعة إنها تكون لوس باودر ، ما أفضّل تكون مضغوطة ،،

تدرون ليش ؟!

لأنها أثبت واللمعة تكون أقوى ، وطريقتها تحطينها بالفرشاة وقبل لا تحطينها تنفخين وبعدين

تتوزع على كامل الوجه وراح تلاحطون إن اللمعة قوية بعد ما نفختوا الزايد من البودرة راح تظل ذرات

اللمعة على الفرشاة وبجذيه بتكون اللمعة أقوى <<< هالطريقة مجربتها ،،

طبعاً بنات الكويت أنصحهم ببودرات شارمل لمعتها قوية وبنفيس الوقت عندهم تدرجات وايدة ،

أما باجي البنات فـ ممكن يشوفون بودرات :

نارس :

NARS SPARKLING LOOSE POWDER

أو

ماك ،

Iridescent Powder Loose

ماك عندهم لونين ،

البرونز

Golden Bronze



والفضي ،

Silver Dusk



جيفنشي << لمعتها وايد حلوة ،،

PRME LIBRE Loose Powder SPARKLING DENTELLE



كلينك ،

Brightening Loose Powder



لاحظوا لمعتها ،




البلاشرات ،،

طبعاً البلاشرات فيه عدة أنواع منهم ،

فيه الباودر المضغوط العادي ، وفيه الكريمي وفيه الموس ،

نبدأ أول شي بالبلاشر العادي ،،





الماركات اللي بالصورة الأولى ،

نارس + ماك

والثانية ،،

بنفت + بورجوا + جيفنشي + بودي شوب

وكلهم حلوين وألوانهم حلوة عداااا جيفنشي مو زود بصراحة ،،

بس أحلاهم كلهم :

بلاشرات نارس



وبالذات هالثلاث ألوان :

ORGASM + Deep Throat + Madly

الحلوووو في بلاشرات نارس إنه ألوانهم واضحة وبنفس الوقت فيهم شيمر ولمعة راقية تغنيج عن

وضع بودرة إضاءة وبنفس الوقت أسعارهم رخيصة ،،

ماك ،

بلاشراتهم حلوة وواضحة وبنفس الوقت أسعارهم رخيصة مقارنة مع باقي الماركات ،

وبنفس الوقت بعض بلاشراتهم فيها شيمر ولمعة حلوة ،،

بورجواه ،

ألوانهم حلوة وطبيعية وواضحة وبنفس الوقت رخيصة ،،





بنفت ،

ما جربت إلا لون دالاس ، ولونه حلوووو وطبيعي وفيه لمعة خفيفة ، وسعره مو رخيص ،،

بودي شوب ،

ألوانهم طبيعية وبنفس الوقت رخيصة ، لكن للأسف ما عندهم تدرجات لونية كثيرة ،

شانيل

من أفضل البلاشرات اهي بلاشرات شانيل طبعاً هالكلام مو من عندي على حسب تصنيف

خبراء التجميل في أوروبا ،





فعلاً من شانيل بلاشراتهم حلوة وألانهم وايد وايد حلوة وطبيعية تعطيج لوك طبيعي ما مصطنع

بالإضافة إلى لمعتهم الحلوة ، وسعرهم مو رخيص ،،

بوبي براون ،



طبعاً بوبي براون بنفس مستوى بلاشرات ماك ويمكن أحلى وأسعارهم أغلى من ماك ،

عندهم تدرجات كثيرة وألوانهم حلوة وبنفس الوقت طبيعية ،،

البلاشر الموس ،،

البلاشر الموس تشوفينه كأنه كريمي لكن بعد وضعه على طول يكون ملمسه كأنه بودرة ،،

طبعاً خبرتي بهذه البلاشرات قد تكون صفر !! ، لأن ما عندي مثل هالنوع من البلاشرات ،،

لكن بقولكم على الأحلى بناء على مدح البنات ،،

جيرلان ،



ديور ،



ميبيلين ،

طبعاً تذكرون أساس ميبيلين الـ دريم موس ، بعد ما نجح الأساس ، الماركة نزلت منه بلاشر وشادوو ،




الشادووووووو ،

راح نتكلم عن الشادوووو بكل أنواعه ، سواء

المضغوط بنوعيه المائي والعادي ،،

أو

السائب ( البيجمنت + الستار باودر ) ،

أو

الكريمي ،،

وراح نبدأ أول شي بالمضغوط ،،









هذه الصورة تحتوي على شادوهات من ماركة :

ماك + نارس + نوبا + شارمل + إتليير + كريولان + فور إيفر

راح نبدأ بحبيب الكل مازولا أقصد ماك ،

طبعاً ماك مثل ما الكل عارف إن من أفضل أنواع الشادوووو لأن عندهم تدرجات لونية كثيرة وكبيرة

بالإضافة إلى إنه متنوع بين المطفي والساتان والمخملي ( فيه ذرات جليتر لامعة ) وبجميع أنواعه

حلووو وألوانه واضحة ،،

طبعاً أنصح كل عروس بما إنها تجهز تشتري لها باليت أفضل ، وماك عندهم نوعين من الباليت ،

باليت بو أربع ألوان ،،



أو باليت بو 15 لون ،،



ومعروف إن شادوووو ماك أسعارهم رخيصة وفي متناول الكل ،،

فور إيفر ،

فور إيفر ماركة بروفشنال لكن للأسف ترى مو كل شادوهاتهم بنفس الجودة ، أحلى نوع الشادووو

عندهم اهو النوع المطفي فعلاً ألوانه قوية وتظهر مثل ما اهي بالعلبة ، أما الأنواع الثانية ما تظهر

بنفس قوتها بالعلبة ،

وعندهم باليتات مثل ماك ، يعني بإمكانج تختارين باليت وتعبينه بألوان من اختيارج ،،

كريولان ،

طبعاً ماركة متخصصة وبروفشنال ،

عندهم ألوان كبيرة على حسب ما قالتي بياعة كريولان عندهم أكثر من 300 لون !! ،

ألوانهم قوية وواضحة وبنفس الوقت رخيصة ،

وعندهم النوعين النوعين الشادووو العادي والمائي ،

بس ما أنصح بالمائي ، لأنه مع كثرة الإستخدام راح يجفف منطقة العين الحساسة ،

نارس ،

طبعاً شادوهات نارس ألوانهم روعة وواضحة وقوية ومتنوعة بين المطفي والمخملي ،

طبعاً أحلى الألوان اهي المخملية وايد حلوة ولمعتها قوية ،، وأسعارهم معقولة ،

نوبا ،

جربت منهم لونين الأحمر والفضي ، ومن خلال تجربتي اكتشفت إن ألوانهم قوية وواضحة مثل

ما اهي بالعلبة وأسعارهم وايد رخيصة ،،

إتليير ،

ألوانهم حلوة وواضحة وبنفس الوقت رخيصة ، وفيه منهم باليتات تحتوي على 5 ألوان ،

شارمل ،

طبعاً بما إن هالماركة مو متوفرة بكل الدول فأنصح بنات ديرتي الكويت فيهم ، ألوانهم واضحة و

قوية وبنفس الوقت رخيصة ،،

جيرلان ،



ألوانهم حلوة وواضحة ،،

بوبي براون ،



Urban Decay

للأسف هذه الماركة مو متوفرة بكل دول الخليج ، لكن شادوهاتها حلوة وواضحة ويستخدمها

بسام فتوح ،،



طبعاً فيه ماركات ثانية ما تتميز بالشادوووو بس ما يمنع إنه شادوهاتهم حلوة وواضحة وجديرة

بالتجربة مثل : ديور ،، كانيبو ، سان لوران ، بورجوا ،،

وفيه ماركات رائعة وراقية بنفس الوقت وألوانهم حلوة وقوية بس للأسف مو متوفرة بالخليج ،

مثل :

TRH MCEVOY



she uemura





الشادوووو السائب أو الحر مثل ( البيجمنت + الستار باودر ) ،

طبعاً مو كل الماركات عندهم هالنوع من الشادوووو ، وأكثر الماركات اللي تتميز بالشادوووو

السائب اهي :

كريولان + ماك + فور إيفر + لويس ألفاريز

للأمانة ما جربت كريوولان ، بس جربت ماك + فور إيفر + لويس ألفاريز

ومن تجربتي أقول إن البيجمنت + الستار باودر + الشادوو السائب من لويس ألفاريز لمعتهم راااقية ورائعة ،

لكن لاحظت إن اللون في البيجمنت أقوى من اللون بالستار بادر ،

يعني البيجمنت يطلع لي اللون مثل ما هو بالعلبة تقريباً ، لكن الستار باودر اللون يكون أخف من اللون بالعلبة ،

هذول الـ بيجمنت من ماك ،،





وبهذه الصورة فيها الـ ستار باودر من فور إيفر + شادوو سائب لونه بيدياني يهبل من لويس ألفاريز



الشادوووو الكريمي ،،

هدفه أو الغرض منه تثبيت الشادووو ، لأنه ما يثبت بروحه لابد نحط فوقه شادوووو مضغوط أو سائب

حتى يثبت ، ممتاز لو استخدمناه كـ بيس ،

الشادووو الكريمي موجود بمعظم الماركات ، وخبرتي فيه تكاد تكون فيه معدومة لأني ما جربت منه

إلا باليت الشدوو الكريمي من ريفلون ،،



الكونسيلر + بيس الشادووو ،،



أفضل أنواع الكونسيلر للعين اهي اللي تكون شبه سائلة ،

طبعاً مثل ما إنتو عارفين إن الكونسيلر أنواع ،

الريشة ويوجد منه شكلين ،

التيوب ،

الستيك ،

الباليت ،

الريشة الأفضل اهو كانيبو ،

التيوب ماك + فور إيفر ،،

الستيك ، كريولان بس تغطيته ايد قوية ولذلك الأفضل إستخدامه للوجه ،

الباليت فور إيفر ،،

نصيحة :

البنات اللي يعانون من هالات داكنة أو غامقة ، ما أنصحها بالكونسيلر الريشة لأن تغطيته خفيفة ،

الكونسيلر التيوب أو الباليت راح يفيدها إن شاء الله ،،

فائدة :

ممكن تستخدمين الكونسيلر كـ بيس للشادوووو ، راح يثبت الشادووو بالإضافة إلى ظهور الشادووو

بلون قوي وواضح مثل لونه بالعلبة ،

بالنسبة لـ بيس الشادووووو ، قبل كانت ماركات قلة عندهم هالمنتج أما الآن ، فمعظم الماركات

عندهم بيس للشادوووو مثل : ماك ، كلينك ، جيرلان ، نارس ، إليازبيث آردن ، بنفت ، إربان ديكي ،

وخبرتي بـ بيس الشادوووو قليلة بحكم ما جربت إلا ماركتين فقط ،

جربت أرتديكو من مكياجي ، حلووو بس عيبه ثقيل ،

ماك ( البينت ) وايد حلووووو ،

وفيه بيس للشادوو من إربان ديكي ما جربته بس أشوف وايد بنات يستخدمونه بالمنتديات الأجنبية ،،



بالنسبة للكحل السائل فالأفضل بدون منازع اهو لانكوم ، من كذا سنة ولا زال أفضل رواجاً ،

الكحل الكريمي ماك ، وجربت بوبي براون على إيدي ساده حلوووووو بس يبقى ماك الأفضل

من حيث الثبات ،،

طبعاً الفرشاة الأنسب مع الكحل الكريمي : فرشاة فور إيفر S2 ، الفرشاة المشطوفة ، فرشاة الآيلاينر ،



الكحل القلم ، فـ بعد رحلة تجارب ، استقريت على هذه الماركات وأشوف إنها الأفضل ،

كريولان

ماك

ريفلون

جيفنشي

بريستيج

وفيه بعد كحل من بنفت يمدحونه البنات ،،

اسمه :

Sketching Pencils Eyes

وهذه صورته ،





الكحل الأبيض للبنات اللي يحبون الكحل الأبيض لأنه :

يعطي لوك وايد حلوووو للعين بالإضافة إلى إنه يوسع العيون الصغيرة أو يعطي إيحاء بذلك ،

طبعاً كل اللي تشوفنهم بالصورة حلوين ،

شانيل + لويس ألفاريز + ماكس فاكتور + بورجوا



الكحل الملون ،

الأفضل ،

ماك + كريولان + بورجوا + بن ناي + دييجو دالا بالما << الاسم صعب وركيك لأنها إيطالية ،

بس هالماركة توها نازلة بالكويت ما صار لها سنة ، بس لاحظت أقلامهم الملونة ثابتة وقوية وواضحة ،،

بنات الكويت بيلاقونها بمركز تجميل ( الشامية ) ،



فيه منتج من فور إيفر اسمه : EYE SEAL هذا المنتج يخلي الشادوووو السائب أو الحر آيلاينر ،

مو بس جذيه ، يخلي اللون قوي ووااااضح وثااابت من قلب وهالشي أقوله بعد تجربة المنتج ،،





الماسكراااااات ، طبعاً كل اللي بالصورتين حلوين ،

فيه منهم ينفع للإستخدام اليومي وفيه للمناسبات ،

بس الأحلى وبدون منازع ماسكراااا سان لوران فعلاً روعة ،

وبعدها ديور الـ unlimed و blackout ،

الماركات الموجودة بالصورتين ،

سان لوران ، ديور ، بنفت ، لانكوم ، لوريال الذهبية للإستخدام اليومي ، بورجوا تنفع للإيستخدام اليومي ، إستي لودر ،

وفيه ماسكرا لانكوم اسمها : INTENCILS وايد وايد حلوة ،،

وفيه من كلينك اسمها : High Impact Mascara حلوة للإستخدام اليومي ،،

وفيه من بنفت ماسكرا اسمها BADgal Lash بصراحة ما جربتها بس كذا وحدة مدحتها لي ،،




آخر محطاتنا ،

التحديد + الأرواج + الجلوسات ،،



بالنسبة للتحديد ، بصراحة أي تحديد انسيابي ما هو جاف هو الأفضل بغض النظر عن الماركة ،

وفيه ماركات رخيصة أقلام التحديد عندها وايد حلوة وبنفس جودة الماركات الكبيرة ،

مثل بورجوا ، بوبا ، ماكس فاكتر ، وحتى الأقلام التحديد عند الهنود أشوفها بصراحة زينة دام

إنها انسيابية وبسرعة تحدد الشفاة ولونها حلوووو وواضح ،

أحلى أقلام التحديد اللي تناسب أرواج البيج واللحمي والروز البيج

رقم 22 و23 من فور إيفر ،

SPICE من ماك ،

رقم 11 و12 من بورجوا ،،

بالنسبة للأرواج ،



أحلى الماركات اللي جربتهم بالروج ،

ماك + جيرلان + ديور + كلينك ،

طبعاً لازم تنتبهون بنات إن أرواج ماك كذاااا نوع ، وإن شاء الله هذا الموضوع للأخت كلام العيون يعرفكم

على هذه الأنواع ،،

http://www.3roos.com/forums/sthre...419&highlight=

وهذا موضوع مصور عن أرواج ماك للأخت كلام العيون ،،

http://www.3roos.com/forums/sthre...860&highlight=

لكن هذا ما يمنع إنه فيه ماركات ثانية حلوة وألوانها أحلى مثل :

فور إيفر ، لويس ألفاري.، بورجوا ، لانكوم ، إستي لودر ( وخصوصاً الأرواج الجلوسي ) ، نارس



الجلوسات ،





الأحلى من حيث الثبات سيسلي ، ديور ، وجيرلان ، وماك ، نوبا



طبعاً الجلوسات الـ تيوب تكون لمعتها أقوى ولونها أخف من الجلوس العادي ،

جلوسات الـ تيوب من ميبيلين وايد حلوة والأحلى إن طعمها فواكة يمي يمي ،



جلوسات لوريال بعد حلوة والأحلى فيها ذرات جليتر ،



جلوسات ريفلون وايد حلوة ،



جلوسات نوبا وايد حلوين من حيث الثبات ومن حيث اللون ، لونها على الشفاة نفس لونها بالعلبة ،



منقووول
من مجد_منتديات العروس

الصور ماطلعت فموضوعي يمكن فيه طريقه عشان تطلع مو عارفتها المهم
هذا رابط المنتدى شوفو الصور فيه
http://3roos.com/forums/showthread.php?t=249818