بدون مقدمات أخذنا اليوم درس في مــادة فقه العبادات مع الاستاذه نوال أستاذه في جامعه أم القرى ..
أنصدمت يوم عرفت معلومــه ما كنت عارفتها ولا قد سمعتها من أحد ولا قريتها بمكان ..
أذا عندكم بنات أو أخوات أو قريبات في فترة البلوغ لازم تعلمونهم التعليم الصحيح ..
ممكن وحده منكم عارفـه هالشي بس الأغلب مو عارف ..
وأنا بصراحه حبيت أفيد بهالشي ..
* اسم الكتاب : هداية الراغب لشرح عمدة الطالب صفحة 76 ..
* تأليف : عثمان أحمد النجدي الحنبلي ..
(( المبتدأة في الحيض ))
وأعلم أن المبتدأة بدم أو صفرة أو كدرة , وهي التي ابتدأ بها شئ من ذلك بعد تسع سنين فأكثر - تجلس
بمجرد ما تراه ( أي تترك الصلاة والصوم ونحوهما كالطواف والاعتكاف والقراءة ) أقله , ثم تغتسل وتصلي .
فإذا انقطع ولم يجاوز أكثره أغتسلت أيضا , تفعله ثلاثا ( أي في ثلاثة أشهر في كل شهر مرة ) .
فإن لم يختلف صار عادة تنتقل إليـه وتعيد صوم فرض ونحوه فيه .
* خلينا نشوف وش معنى الكلام اللي فوق بشرح مبسط :
أن الوحده أول ما تبلغ وتجيها الدورة الشهر الاول للمرة الاولى تقعد يوم وليله وقدروها العلماء بـ 24 ساعه ..
ثم تغتسل وتصلي واذا كانت برمضان تصوم عادي حتى لو أستمر الدم في النزول ..
لين ينتهي نزول الدم وغالبا تكون بعد سبع أيام أو ستة أيام , ترجع تغتسل وتصلي عادي ..
وفي الشهر الثاني نفس الشي تقعد يوم وليله ثم تغتسل وتصلي حتى وأن أستمر الدم في النزول ..
ونفس الشي الشهر الثالث ..
اذا جاء الشهر الرابع وما أختلفت يعني ما تغير مثل الاشهر الثلاثه السابقه تعتبر حيض لا تصلي ولا تصوم لين ينتهي نزول الدم ثم تغتسل وتصلي وتصوم ..
واذا تأكدت أن اللي جاها هو حيض فعليها تقضي الايام اللي صامتها وهي في وقت نزول الدم ..
* ومعنى هالعبارة (( تجلس بمجرد ما تراه أي تترك الصلاة والصوم ونحوهما كالطواف والاعتكاف والقراءة أقله , ثم تغتسل وتصلي .))
العلماء قالوا أن أقل فترة للحيض هو يوم وليلة يعني تترك يوم وليله ثم تغتسل وتصلي وتصوم واذا أنقطع ترجع تغتسل وتصلي وتصوم ...
هذا هو الكتاب ..
وهنا الكلام اللي تكلمت عنه ..
أقررب
بصراحه هالشي اللي تعلمته اليوم وأول مرره أعرفه عشان كذا قلت يمكن في كثيرين ما يعرفونها..
فـ حبيت أفيدكم بها وياليت تنشروا هالشي لان الكثيرين جاهلين فيها..
أنصحكم بهالكتاب لأن فيها أشياء كثيره مفيده وتعلمنا أمور ديننا ببساطه وسهولة ..
من هالكتاب أكتشفت أشياء كثيره خطأ نسويها وحنا ما نعرفها يعني من العبادات اللي نسويها دايم ..
وفي الاخير لا تنسوني من دعواتكم ..
أختكم :
بك?رةآحل?ى يآدني?آ
واللهم صلي وسلم على سيدنا محمد ..
فعلا اول مره اسمع فيها