مهم للي مايعرفون الفرق بينهم

الى يومنا ذا وفي ناس ماتعرف تفرق بين الكيس والتكيس
الكيس يكون فوق المبيض وله انواع كثيره واغلبها وظيفيه تروح بفتره شهرين او اربع شهور مع الدورات
والاكياس تجي لاغلب البنات تقريبا 70% بالميه من عمر 14 سنة لحتى انقطاع سن اليأس
وطبعا فيه كيس وظيفي مائي وكيس جريبي اصفر وكيس دموي ناتج من بطانة الرحم المهاجره وكيس مصلي جنيني وطبعا ذا اللي فيه من اسنان وعظم وشعر واغلبها ولله الحمد مو خطيره
وبعضهم تكون فيهم اكياس وهم مايدرون ويكتشفونها بالصدفه وطبعا من غير الم
الالم اذا كبر الكيس وحست المريضه بشي اسفل بطنها سواءن جهة اليمين او اليسار ويكتشف عن طريق الالتراساوند
الخطر فقط اذا كبر الكيس بزياده موطبيعيه وضغط عالمبيض احتمال يتلف المبيض او في حالة انفجر الكيس وكان من النوع الدموي ساعتها تدخل جراحي عشان الدم مايسبب تسمم للاعضاء الموجوده حوله
ولااااااازم تكون فيه متابعه للاكياس ايا كانت نوعها مع الدكتوره عشان نعرف ان الكيس راح ولاباقي ، لان بعض الحالات الكيس يكون فيها ماتغير حجمه او انه زاد حجمه كم سم
والاحجام الصغيره تكون من 2 سم ل5 سم اكبر من 5 سم تكون اسهل الحلول عملية المنظار البسيطه
لكن مع ذلك اغلب الدكاتره مايسوون عمليه اذا المريضه ماحست بألم قوي ونزيف بعد الدوره ودورتها منتظمه فقط تكون متابعه دام مافيه اي اعراض جانبيه وحتى لو افترضنا كانت فيه عمليه راح تكون عملية اليوم الواحد وهي عملية المنظار فتحات شقوق صغيره بالبطن و تطلع بنفس اليوم
اما اذا كانت الدكتوره اكتشفت عند المريضه ان حجمه تعدى ال10 سم وال12 سم وكانت المريضه تحس باعراض قويه والم قوي اسفل البطن وحراره وحمى طبعا بتكون العمليه جراحيه فتح البطن عشان المبيض مايتأذى واقلها 4 ايام تنويم .
وطبعا اكياس المبيض اغلبها ماتمنع الحمل عكس التكيس
وتقدر تحمل وهي عندها كيس لان اغلبها تنزل مع الدوره وتنزل مع الحمل وقت الولاده
علاج اكياس المبيض اغلبها ودائما المتابعه باأشعة الالتراساوند الشهريه او حبوب منع الحمل لعدم تكون الكيس مجددا
او عملية المنظار اذا كان الكيس ثابت وماتغير لفتره طويله
وفي حالات نادره عملية جراحية فتح البطن
اما التكيس : هو خلل هرموني مالوه اي علاقه بالكيييييس ابدا ابدا ابدا وفي بعض الحالات يكون مزمن
التكيس موجود في المبيض نفسه وبداخلوه اكياس صغيره اهي اللي اغلبها تمنع الحمل
التكيس اغلب اعراضه يثبت الوزن وشعر كثير بالجسم والاغلب منع الحمل ونزيف ولخبطه بالدوره مثل بعض البنات شهر تجيهم الدوره وشهر لا وبعضهم شهرين ماتجيهم الدوره
الخطر فيه يكون بس انه يمنع الحمل او اذا ضل فتره طويله من غير علاج مستقبلا يسبب ارتفاع ضغط الدم
اهم علاجاته : حبوب هرمونيه وتخفيض الوزن فقط واعشاب وخصوصا القسط الهندي
فيه نقطه مهمه للي عندها كيس عالمبيض كثري مويا قد ماتقدرين اشربي مويا واااااااااااجد
وموضوع الاعشاب فقط لتنظيم الهرمونات وتنفع للي عندهم تكيس فقط
يعني مثلا انتي تشربين قرفه او زنجبيل او قسط هندي وببالك انه ممكن ينزل الكيس لا حبيبتي الكيس ماينزل من الاعشاب الكيس ينزل من نفسه او حبوب تنزل حجمه ويختفي والغالب ينزل مع الدوره لحالوه
الاعشاب لتنظيم الهرمونات وتنفع اكثر شي للي عندهم تكيس وتنفع اللي متلخبطه دورتهم .
وصلى الله وبارك على نبينا محمد 🌷