مهم مهم جدا عن رجيم البروتينات

اولا السلام عليكم اخواتي الحلوات المربربات
طبعا كلنا هنا بندور على رجيم ينحفنا بسرعه
او رجيم يحسن شكل جسمنا حتى لو مانزل عالميزان
حبيباتي اليوم حبيت اقولكم ان اكبر غلطة الوحدة ترتكبها في حق نفسها وفي جسدها وماتدري عنها الا وفات الفوت وماتنتبه الا وجسمها تعبان وناقصه الكثير من الفيتامينات ولا يمكن تسبب لها هالانواع من الرجيمات هشاشه العظام عقم لا سمح الله والادهى والامر تشنجات وتشنج الاعصاب 0 المهم مالكم بالطويلة واعذروني امكن كلامي مو مرتب ومو بالفصحى بس من زمان وانا نفسي اقولكم عن هالموضوع او المشكله اللي اعاني منها الان والله لايجيب مشاكل

انا بصراحه فصيلة دمي او موجب وكنت دايما ادور نظام لها الفصيلة واكثركم يعرف بان هذي الفصيله اذا اعتمدت على البروتينات بتنحف وتضعف بسرعه وجسمك يصير ياسلام حلو ومخصر بشكل جذاب 0 محسوبتكم سوت الرجيم الكيميائي نزلت عليه 0 رجيم فادي حلووو ونزلت عليه ودشتي جربته ماكملته 0المهم ماقد فكرت اني اسوي تخفيف او سعرات اونقاط ظنا مني انها لاتنحفني واذا بتنحفني يكون ببطئ (من جد ما ادري كنت مستعجله على ايش )
المهم بعد فتره من هذي الرجيمات بدات اتعب من اقل مجهووود ولما امش اركع اصلي ركبي مرررره تعورني كاني عجوز :44: واحيانا والله اصلي جالسه وانا توني 26 سنه وتجيني كتمه صرع تشنج اكره الدنيا ونفسي واللي حولي
خفقان بالقلب احيانا احس اني مودعه والحمدلله على كل حال
قال زوجي لازم تروحي تسوي فحص شامل وكانت المفاجاه كالتالي
عندي نقص شديد بالكالسيوم يؤدي الى هشاشة العظام وكتبت لي الدكتورة على ابر وحبوب وقالت انتي اول وحده تمر علي عندها نقص بالكالسيوم زي كذا 0 والمهم طلع عدي رشح في الرئه ومكروبات وجرثومه في الدم وفقر دم شديد انيميا
من بحثي في النت لقيت ان البروتين في جسمنا لما يجي يحترق ويولد طاقه لازم ياخذ من الكالسوم وشوي شوي لييين
ما يبقى عندنا كالسيوم فهذا النوع من الرجيمات يحتاج لكالسيوم اضافي ويسبب نقص من نسبته في الجسم 0 وايضا كل امراه تحتاج لكالسيوم طووول حياتها وهو فيتامين مهم لجسم المراه0 وتخيلوا كل المشاكل الصحيه الاخرى اللي كتبتها بالاعلى سببها نقص هالفيتامين بالذات 0
والحين الحمدلله تعلمت اسوي تخفيف والحمدلله ينحف وما احسه لا بعده ولا خلاله باي تعب او ارهاق 0 وصدقوني ماكنت مررة مقتنعه بالتخفيف ابدا الين جربت انه من جد يخسسك ويخليك تعيشين بصحه وحيوية:27:
هذا مافي جعبتي لكم واتمنى انكم استفدتوا ولا تغلطوا غلطتي ، بس الحمدلله الان اتمتع بصحه وحيويه وركبي احسن من اوووول 0 ودمتم سالمين