موضوعنا للي ما تابعوا الموضوع هو اعطاء بطاقة التأمين خاصتك لأحد من العائلة بغض النظر
موضوع الأخت اللي نزلته كان زوجها طلبها البطاقة لأخته
أنا باتصل علي شيخ وباسأله وباجيب الرد في أقرب فرصة

أنا رأيي مختلف وهو اي مرض هي مريضه فيه او عمليه سوتها بينحط لملفك وهذا مو زين لان لو جاك شي فجاه لاقدر الله واحتجتي علاج بيرجعون لملفك اللي فيه معلومات عن غيرك وهذا فيها خطر على صحتك بالنسبه للحلال و الحرام هذا ما اقدر افتي فيه

اللي اعرفه ان التأمين حرام

أنا قفلت الحين من مكالمتي مع الشيخ في موقع الإسلام اليوم
ورد الشيخ عجبت له بشدة وخوفني بشدة بعد والله يابنات انا ما ندري شي

قال كلام كثير باحاول أختصره
هو قال حرام بلا جدال زي ما توقعت بس السبب مختلف عن اللي كنت أفكر فيه
هو ماركز أبدا علي موضوع اني أعطي البطاقة أو ا أعطيها لأحد
هو ركز علي ان موضوع التأمين هو موضوع حرام من الأساس
وان الشيوخ ما اختلفوا فيه فكيف تعطين لأحد شي حرام أصلا
وان التأمين من أساسه لا يجوز محرم وهو يشبه القمار بالضبط ولا يجوز تروحين برجولك شركة التأمين وتسوينه
الا ان كان جهة العمل أجبرتك وصارت تقطع قيمة التأمين من الراتب
مثلا أنا قلت له أنا فرضا أدفع 1000 ريال للشخص من العائلة
قال لي ان لك تتعالحين بقيمة الألف اللي دفعتيها والزيادة تعتبر حرام الا ان كان الشركة يعني جهة العمل تدفعها وانتي موقعة عقد معهم يلزمهم بالعلاج عنك فهذا فيه شبهة يسيرة (كذا قال بالضبط ) يعني فيف شبهة فيه . لا حول ولا قوة الا بالله الحرام لاحقينه لاحقينه
وعلي ذلك اذا سويتي عملية مثلا وكلفت 10 آلاف وانت دافعة 2000 والباقي دفعته التأمين
لازم تتصدقي بالباقي لأنه ما يجوزلك وما ينفع يرجع لجهة العمل لأن مافي نظام في الشغل يسمح بكذا فعلي الأغلب الموظفين بيحطونه في جيوبهم فالأولي انه يتصدق فيه ويطهر جيبه منه

وسألته عن شي مشابه
وباضرب مثال عنه
مثلا حسن وأحمد وفيصل عندهم تأمين كل واحد دفع ألف ريال
حسن احتاج لعلاجه 2000 وأحمد 500 وفيصل 200 من وين التأمين يجيبون فلوس حسن الباقية ....؟؟؟؟؟
من فلوس أحمد وفيصل اللي ما صرفوها علي علاجهم بس هي صارت في جيب شركة التأمين وعلشان كذا هي قمار وهذا مال حرام مايحق لحسن ياخذه من فلوس الثانيين
لكن العكس !!!!!!! ودققوا هنا زين فيصل ما صرف الا 200 ريال من فلوس التأمين وباقي ال800 ؟؟؟؟؟
تفاجأت قال لي الشيخ من حقه يعطي الكرت لأحد ثاني علشان يستوفي غلاق الألف ريال لأن شركة التأمين ماهي مرجعته له فهو من حقه ياخذها بطريقة أخري وهي اعطاء البطاقة لشخص ثاني ويتعالج علي قد ال800 بس ... بس

الموضوع واسع ومتشعب كذا قال الشيخ
انتهي كلامه

مثلا الخطوط السعودية عندنا تعطيك تخفيض لطلاب المدارس فهي حرام ماينطبق عليهم الوضع تروح تجيب ورقة وتطلع فيها باسم واحدة من البنات ما يصير حرام لأن فيها خسارة للشركة اللي سوت عرض لفئة معينة وتفرق عن كرت التخفيض اللي يعطونه هدية مثلا في ردتاج محل الملابس من حقك تعطين كوبون الهدية يستفيد منه أحد لكن مو من حقك تعطين اسمك لشخص ما يا خذ خصم من الخطوط
وتهاوننا في هذا الأمر دخل علينا أموال حرام وسبب في خسارة شركة الخطوط وقيسوا علي كذا

والله انك صادقه أختي الله يغنينا بحلاله عن حرامه
الحلال بين والحرام بين بس بعض الناس الله يهديهم اذا بغو يسوون الشي يخلونه حلال بالغصب والأخوات اللي يقولون لاتفتين من عندك أقولهم الله ماشفناه بالعقل عرفناه فتحو عقولكم زين وانتو تعرفون الحلال من الحرام