مهم وايد....وللمساعدة..

شووفي ياعمري
في ادراج بلاستك لها عجلات تمشي معك (( تسحبينها وين ما تبين))
حطي درج للمكياج.
درج لفرش الشعر وادوات المكياج.
درج للشباصات والماشات.

وفيه صناديق تنباع شكلها حلوو ومرتب للساعات والمجوهرات الي تلبسينها تقريبت بشكل شبه يومي
ماله داعي تفتحين كل العطور الي تشترينا لم يخلص عطر افتحي غيره والكريمات حطيها بالادراج الي قلت لك عنها اول شي بس كريم الليل خليها يم راسك قبل لا تنامين تدهنين ويهك

وبعد شنو مضايقك قولي بس تدللي:26:

كل الاشياء هاذي يبيلها ادراج .. وان ما عندك ادراج حاولي تشتري دولاب صغير يكون كله ادراج يكون مناسب لي لون غرفتك ووزعي اغراضك فيه .. انا مشتريه زي السله كذا صغيره وفخمه وحاطتها .. ممكن توزعين اغراظك فيها ..زمان كنت عامله برواز معلقته جنب التسريحه ومعلقه فيه حلقاني وسلاسلى طبعا يكون شكله حلو ومن جوا تحطين كرتون نوعا ما هش عشان تقدرين تحطين مسمار حق الوحات الي راح تعلقي عليه الاكسسوارات ..وبالنسبه للاساور جيبي ورق مقوا او اي شي ممكن ينلف وغلفيه بقماش مخمل ؤزينيه بشريط ذهبي او على ذوقك على ان يكون شكله النهائي زي قاروره المويه ممكن تنحط وهي واقفه ولفي ساعاتك او اساورك عليها .. يا راب اكون افدتك وتكوني فهمتي على .. :)

أنا كانت عندي نفس مشكلتج...في بيتي القديم كنت أستعمل دولاب كامل فيه خرابيطي إلي ما أبا زوجي يشوفهم لأني مالي مزاج أعدلهم دوم...وحاطه على التسريحه الأشياء الحلوه المرتبه ومعطيه ألأولويه لأشياءه علشان أحسسه بأهميته وبأن الغرفه تعكس شخصيته....والحين بعد مامن الله علي ببيتي(عقبالكم) عندي غرفه فاظيه مقابل غرفه النوم ناويه أسويها مثل الأجانب يعني خرابطه وخرابيطي مع بعض لأنه هو بعد عنده خرابيط ...ما أريد أن أفصل أغراضه عني علشان يحس بوجودي دايما...حركات يعني...
فكرة الأدراج حربتها تجنن لأني يوم ما اباهم أسحبها في غرفه الملابس الوالحمام او حتى بره الغرفه أي مكان...

الله يعين الفوضى بكل مكان مو عندك بس خخخخخخ

هلا حبيبتي
اقولك انا كيف مرتبه التسريحه طبعا في درج كامل للاكسسوارات ودرج كمان للمكياج ومعاه الكريمات اللي مو ديما استعملها
على التسريحه مشتريه سبت حلو حاطه فيه الكريمات اللي استخدمها دايما وحاطه جوة السبت بين الكريمات ورد مجفف وحاطه مثل الزبديه الصغيره في وسط التسريحه وحاطه في وسطها كمان ورد مجفف وشموع صغيره واحط بين الفتره والتانيه من عطر الفواحه تخلي ريحة الغرفه تجنن ومشتريه صندوق جلد صغير حاطه فيه البكلات واشياء الشعر وفي نهاية التسريحه حاطه تبسي باللون العودي والذهبي روعه وراصه فيه العطور وحاطه شموع ضغيره وناثره ورد في التبسي وعلى المفرش كمان وموزعه شموع في كل ارجاء التسريحه عشان تسريحتي مره كبيره وفي فكره كمان العطور حقتك زينيها بشرايط ستان تجي روعه