...........مهنى نعومه الله يخلف.....................

السلام عليكم .............
حيا الله خواتي بخش سيده واقول الموضوع الي عندي ..........................
ياطويلات العمر محدثتكم ماله دخل في النعومه والرومنسيه ومرفقاتها عجزت بحاول اصير ناعمه رومنسيه ماقدرت احسني استهبل لو صرت ناعمه حتى مره قريت في المنتدى عن اشياء رومنسيه تسوينها لزوجك ويستانس حاولت اسوي بعضها بس هو شك في صحتي يوم شافني هاجده ومسويه نعومه ماش موب لايق (ياشين السرج على البقر) احسني دايم مخروشه مطفوقه فاهيه مدري وشلون مدري متى بتسنع واصير حرمة جذابه رومنسيه دلوعه يالله من فضلك بس ما دليت الطريق .....................

(مقتطفات).....

1- مره في ايام الملكه كلمني رجلي وكان توه مستاجر الشقه الي بنسكن فيها وقاعد يوصفها لي ويقول اننا انشالله بنستانس وبدى يتغزل فيني جيت من ثوارتي قلتله الله يعيني على التنظيف هو انصدم هذا وقته قال لا تخافين انا بساعدك جيت قاطعته اقول انت لا تحوس وما نبي منك مساعده....

2-فيوم الدخله اول ما وصلنا الشقه وغيرت ملابسي دخلت دورة المياه ولقيت العمه وانتم بكرامه مشرفه وطلعت بكل فهاوه وعربجه قلتلها ترى الدوره جتني ابي فوط هو انصدم وطبعآ ما علق...

3-دايم رجلي يحب اول ما يدخل مكان اكون فيه يجي يحضني عاد انا انواع اروعاة واقلبها نكد روعتني يا الي فيك الي ما فيك......

4-مره زوجي كان جاي وجايبلي معه ساعه مفاجئه قالي غمضي عاد انا قلت ليش بتعطيني كف ....

5- عاد خلاص احسني شرشحت نفسي يكفي>>>>>وش الي حادك


دبروني ياوخياتي ابي حل لفهاوتي وعربجتي وطفاقتي ............