بنات بتكلم معكم عن شيي مهم مرررررررره والكل غافل عنه ؟؟؟!!!
بنات خلونا نتكلم بالعقل اللحين أكثر ماكثر ربي السوالف والهرج عن اي شي بالدنيا عندكـ الطبخ المنتزهات المواقف اللي تضحكـ الأحاسيس اللي تحسين فيها>>> خخ شوفي التعبير
البرامج اللي شفتيها اي شي اي شي يعني مو لازم لاجينا نهرررج نغتاب صح ولا لا
وخووووذي عاد!!!
شوفي ذي مكياجها بايخ
الحمدلله ع نعمه العقل شوفي وش حاطه بشعرهاا هههههه>>>دامك تحمدين ربك ع نعمه العقل ورا مانكبر عقولنا عن هالسخافات
ذي ياربييه أكرهها ماطيقها
شوفي ذي قصيييييييييره >>>>ليش هي اللي خالقه نفسها
ربي مو عاجز يبتلبنا باي شي نقوله!!مو شرط فيكـ يصير بعيالك يعني مو عشانك طويله تضحكين على القصييييييييره
وبعدين بنات خلو الدين عن جنب ماتحسونه أصلا اسلوب كرريه بغيييييض يعني اللحين قضت السوالف مالقينا نسولف الا بالناس
وقديما قيل "من حش للك حش فيكـ"
يعني اللي قدامك وتحش أدري أنها أم وجهييين
ياااااااالللللللللللللله فيه ناس تموتين ودكـ تجلسين عندهم
يسولفون عن أهلهم مواقفهم يعلقون ع بعض ويضحكوووووون ويستانسووووون وقلوبهم صاااافيه وبدون حشش
اصلا شوفي كلمه حش قد ايش كرررريهه كيف نرضى انا نحش بالناس
سبحان الله بعض الناس اجلس معهم 4 او5 ساعات ولاواستفيد شي الا بعد شلحوووووو كم الحسنه اللي كنت مجمعتهم
وبعض الناس نص ساعه كفيله بانك تعرفين أشياء جديده وتستفدين وتستانسييييييين هذا بعد اذا مازدت كم من حسنه بعد...
انا ماقلت لا تسولفون ألا باشياء مفيده بعض الناس تمل مايحبووون كذا خلاص كيفكم سولفو باي شي تبوووووون بس مثل ماقلنا بدوووون ماتتعرضون للناس
ويمكن اذا مو اكيد بتطيحين بكم سبه بدون ماتحسين عشان كذا محطووطه كفاره المجلس اذا قلت شي وانتي مانتبهت امااااا انا نمسك وحده وعشرين وحده يسبوووون فيها والله لونه يهوووديه اليهود وهم اليهود ماجبنا طاريهم...
ولاتحسبون بنات الغيبه بس الحش والتقطيع لا حتى اذا قلتي غررررريبه فلانه وش عندها اليوم مسويه كذا مايصلح خاصه اذا كان باسلوب استهزاء يمكن هي ماتحب احد يقول عنها كذا
وبعدين وش تبين فيهااا توسعي بأرض الله !!!
ياربي ترحمنا اللحين الغيبه صارت فاكهه المجالس ماتلقين شله يسولفون الا فيه جزء عن الغيبه>>ياليته جزء... هذا اذا مو كله وانا مو قاعده اتكلم عن ناس من الفضاء هذيلا ناس قدامنا ومعنا نختلط فيهم وحبوبييييين وعسولين بس مااستوعبو حررمه الغيبه عشان كذا حبايبي اتركووها واذا سمعتي حد يغتاب نبهيييييه ترى والله الناس طيبه بس لاهيه وغافله وتبي احد يذكرها..
وتذكري" من ذب عن عرض اخيه ذب الله وجهه عن النار يوه القيامه"فيما معنى الحديث
وباي وسيله تقدرين تذبين عنها سواء غيري الموضوع دافعي عنها اذا ضلموها وبيني موقفها او امدحيهاااا عااادي تعتبر طريقه حلوووه عشان تقدرين تنصحين الناس وانتي بينهم مو لازم يكرهوووونكـ عشان نصحتيهم صح ولا لا ...
يله اتكركم تفكررون ع رواقه فكروا بالموضوع بجد بنات ترى السالفه خطييييييره تخيلي يوم القيامه وانتي كل عمرك تجمعين حسنات واخر شي ماتلقين ولا حسنه لا بعد يرمون عليك من سيئاتهم...
يااااااارب رحمتك بس ...
ياااارب يهديني واياكم وجميع المسلمين ..
اللــــــهم بلــــغت اللــــهم فأشـــــهد
ودمتم بود
