من جد تضحكوون مواقف كثيره بس ماتحضرني

لا لا ما اقدر خلاص
كل موقف أحلى من الثاني
زوجي من شوي جى دخل علي الغرفة ويشوفي ميتة ضحك
اكيد يقول في نفسه ويش فيها دي تضحك بروحها ليكون انجنت وانا ما ادري

هذا موقف لاخوي واحنا صغار
ابوي قعدنا علشان نتسحر برمضان واخوي نومه ثقيل ما رضى قام الا بالغصب
يا زعم غسل وجهه وقعد معنا على السحور وعيونه مغمضة
يقول له ابوي تسحر وقوم نام
فتح عيونه واخذ له لقمة ورد غمض وبدل ما يحط اللقمة في فمه خلاها في خده وهو فاتح فمه
كل ما يجي يبي ياكله ما يصير اخرته تركه
ورد عاد نفس القصة لين ما قال له ابوي فتح وانت تاكل
عاد بعد شنو بعد ما تسدحنا عليه كلنا من الضحك

مواقفكم روعه هههههههه

أنا في العادة أسلم على يد عمي أبو زوجي استحي اقرب منه وابوس راسه ولي من تزوجت 8 سنين ابوس يده من بعيد وانا بتقطع من الحيا خخخخخخ

ويوم من ايام رمضان دقيت الفطور مزبوط وطلعت لبيت عمي وانا حاسه ان مخي مقفل وحركتي ثقيلة واحس اني هبله خخخخخخخ
المهم ادخل من الباب وادخل جري في اتجاه عمي المفجوع واسحب فيه
اسحب فيه واسحب
واقول ايش به عمي مايبغاني اسلم علي
واحاول اسحبه وهو يرجع ع ورى ويرجع ظهره ةوراسه وانا مصره اسحبه من يده الي قاعد يمدها لي
ويوم شاف اني مصره استسلم وسلم نفسه للقضاء المستعجل ويوم وفجعه انتبهت ان مكاني غلط واني تقريبا باقي شوي واضمه خخخخخ
ياللهواويل المجتمعه خخخخخخ
بسته على راسه وانا مفجوعه واطالع القى زوجي وخالتي الفنجان واقف في نص الطريق ويطااااااااااااااااااالعو باستغراب
خخخخخخخخخخخ كل مااتخيل شكلي ونا اسحب بعمي وهو يرجع ظهره على ورى اضحك


موقفي الثاني كنا في أبها زماااااان في حديقة الجبل
وكنا جالسين فوق صخره وابوي منسدح فوق صخره مايله على تحت منحدره يعني كأنها سرير بس من فوق مرفوعه ومن تحت نازلة وملساء تماما
المهم مدري ايش كنت ابغى اجيب من الجهة الثانية واضطريت امشي ع الصخرة الملساء فجأة تزحلقت وكنت بطيح مالقيت قدامي شي امسك فيه إلاااااااا سرواااااااااااااااااااااااال ابوي
وانا الي امسك فيه واكمل زحلقة على تحت وينزل معاي خخخخخ
وابوي كان نايم صحي مفجوع ويصرخ انا ماادري عن شي وقتها مع خوفي اني اوقع على تحت بس مااسمع الا ضحك ضحك وانا على حافة البكا ولا احد قام ينقذني
الحمدلله السروال ماكمل مشواره كله ولا كنت رحت في خبر كان
وتصدقو لنا صورة وابوي مسدوح قبل لايصير الموقف وكل ماشفناها فطسنا ضحك

............................

بصراحه فيه مواقف تموت من الضحك

أما موقفي فشيء ثاني

كنت صغيرة ماتعديت العشرين وتوي طالعه من النفاس ولا تعودت على صياح بنتي لأن امي الله يحفظها كانت هي الي تواليها وترضعها صناعي

المهم يوم رحت لبيتي بدت الأحداث الفهاوية تتوالى علي من كل حدب وصوب

واشد هذي الأحداث كنت اذا صاحت بنتي اجيبها واعطيها المصاصه

وبذاك اليوم صاحت بنتي وانا دايخه بشكل فضيييييييع كني لي 10 سنين مانمت

وتقوم عميلتكم الي هي أنا وتاخذ المصاصة وتحاول تدخلها بأثم زوجها وزوجها كان رايح بسابع نومه ( الحمدالله)

يوم انتبهت ومير يرقع قلبي ذيك الرقعه خفت زوجي يقوم ومايردن الا بيت أهلي بقضية محاولة التخريب والتنغيص

واسحب بنتي من سريره واطلع أنا وياه وطار عني النوم


وكنت اقول بخاطري مدري كيف امي خلتي اخذها معي غريبه امي ماعيت علي >> ماقلتلكم كنت بزر