بسم الله الرحمن الرحيم
( اتمنا من الاداره مايحذفون الموضوع تكفون والله تعقدت الموضوع للفرفشه)
أحبابي أعضاء هذا المنتدى الرائع << وش عندها اليوم
جاتني هواجس تالي الليل وقلت لازم أعزمكم عليها ودي تهوجسون معي
كل واحد منا أكيد تعرض لمواقف بايخه من ناس بايخيين ووجوههم كما ذكرت في عنواني مغسولة بمرق حار بعد .. يعني بأختصار ماعندهم ذوق ولا يستحون ..
يمكن انتم مافهمتم قصدي .. أحيانا يجيك شخص يحرجك بكلمة أو ينتقدك بشي هو أصلا يسويه ..
أو يجي شخص عيب فيك وهو العيوب راكبته من راسه لين رجلينه ..
يوووه ياكثر ما أتعرض لهالمواقف من الناس الحقودين واللي مليانين عيوب ...
أتذكر مره من المرات وحده من الحقودات قالت لي بنتك الصغيرة مين تشبه .. وبنتي بسم الله عليها قمر بشهادة كل من شافها ..
المهم قلت لها بنتي تشبه أمي .. قالت وعععع بنتك ماهي حلوة ..
أول شي جاتني زي الصدمة من عدة أسباب .. أولها ان بنتي قمر .. ثانيها كيف تقول لأم وعع بنتك مو حلوة .. ثالثها ليش لما قلت تشبه أمي قالت مو حلوة ...؟؟؟
أما رابعها وهو الأهم ان هذي المرأه بالذات تقول للبشاعة قومي وأنا أقعد مكانك أستغفر الله العظيم ماشمت ريحة الحلا لاهي ولا عيالها ..
حسيت وقتها اني جالسه مع وحده من مغسولين الوجيه بمرق دجاج ولحمه خخخخخخخخخخ ..
بيني وبينكم ماعرفت أرد عليها .. سكتت من هول الصدمة ..
أصلا ما أدري هالأشكال وش لون ينرد عليهم ..
وعندي الكثير الكثير من المواقف اللي من هذه الشاكله ...
لكن أول شي بأنتظر تفاعلكم ومشاركاتكم ومواقفكم المحرجة .. وبعدين أكمل لكم مواقفي اللي مهببه بستين نيله
انا طبعا لاطشه الموضوع خخخخخخخ لعيونكم لانه اعجبني
والان نجي لمواقف اللي شاركو بالموضوع
(
يا كثرهم
المغسول وجههم بمرق
افضل طريقة ومن تجربة تتوقحني عليهم
وحده زوجها يقرب لزوجي اذا بغينا نروح للجماعة في الاستراحه جات معانا ..
ومره ركبت معاهم في سيارتهم قعدت معصبه حتى السلام لما سلمت ماردت علي ..
بعد فترة قالت لي ليش تتدخلين وتركبين في سيارتنا خخخخخخخخخخخخخخخ
من يومها عرفت ان عقلها مايسوى
(
انا بنتي كل من شافها حبها و يوم أروح فيها لأماكن عامه الناس سواء لوحدي او مع زوجي يوقفون عندها و يلعبونها و يسألون عن اسمها و يدعون لها بالحفظ و الصلاح
وحده من سلفاتي كانوا اهل زوجي دايم يقولون لها اطفالك حلوين و انا أيامها ماكان عندي أطفال
يوم جبت بنتي صاروا اهل زوجي طايرين فيها لدرجة يوم اجيبها يتركون كل الأطفال و يلعبونها هي
سلفتي هذي صارت تنقهر و يبين عليها و الكل لاحظ هالشي
و مره و حنا جالسات
قالت / بنتك عاديه يعني وش المميز فيها ؟؟
قلت لها / غرييييبه من جبت بنتي انتي اول وحده تقول هالكلام !!!
قالت / و انتي مااحد يقدر يجاملك على طول تاخذين كل شي جد !!!!
يعني بنتك حلوه ok بس ماأشوف فيها زود
قلت / هذا رايك
و طنشتها مع اني انقهرت منها بس مااقدر أرد عليها و أغلب البنات مايقدرون يردون بحكم انها تقرب لهم و أكبر مني و منهم بكثيييير يعني المناجر وياها مو بصالحنا
كل اللي جالسات قاموا يطالعون ببعض و قاموا يسولفون معي يبون يلطفون الجو
و جت وحده تبي تقهرها بطريقه غير مباشره
قعدت تلعب بنتي و قالت / لمى و ربي لو مكانك غير أحط هالبنوته بمسابقة أجمل طفل و أبصم لك بالعشره انها بتفوز
قلت لها / لو ماأخاف عليها من العين بحطها ( قلت خل أستفز هذيك شوي (: )
قالت / لو ماحطيتيها بحطها انا بس من الحين بيكون لي نصيب من الجائزة
مادرينا الا سلفتي قامت و سحبت بنتها بقوه و طلعت !!!!!!!!!!!!!!
مع العلم انها أكبر مني بـ20 سنه
(اممممممممم انا اتعرض لناس وقحه كثير
اول مادخلت الجامعه بصراحه اكتشفت ان البنات عندهم حس وقااااااااااااااحه ينبض اربع وعشرين ساعه
وبما اني من النوع اللي مايسكت عن حقه خفو البنات عن الوقاحه
اول مادخلت الجامعه و وصلت للمستوى الثاني
كان معنا بنت نموذج للوقاحه يمشي على الارض هع
طلبت مني فستان وعطيتها وقعد عندها شهرين كاملات
بعدها احتجته وكلمتها اساله عنها قالت يووووووووووووه ذكرتيني اني معطته الخياط يفصل مثله من شهرين ولا رحت اشوف عنه ((تخيلو انا مفصله الفستان حول الالفين وخمس وهي تعطيه الخياط يفصل لها مثله 200 ريال وماتدري عنه ولا ستاذنت مني تفصل مثله))
دقت علي بعدها بيوم قالت سالت الخياط وانه يقول تاخرتي يمكن ضاع بس بدوره لك لانه من زمان عندي تخيلو
سكت وصكرت السماعه بعده بثلاث ايام بالضبط كان عندنا اختبار
دقيت عليها وقلت لها ابي كتابك خمس دقايق بصوره وبرجعه لك لان في اشياء ناقصه عندي
قالت اوكي تعالي بس لا تتاخرين قلت اوكي
اخذت الكتاب ورحت للبيت قفلت جوالي وجلست والكتاب بالشنطه احسن عشان مره ثانيه تتادب ولاتضيع اغراض الناس
فستان مفصلته بالفين تضيعه وجع
وقعد الكتاب عندي لين بكرا الامتحان الساعه 9 الصباح وهو عندي من المغرب
دخلت الاختبار يوم طلعت جتني تشوفني بتصفقني
قالت وينك امس
قلت وشو
قالت كتابي ماجبتيه واني جيت ماذكرت ولاعرفت احل
قلت لها يووووووووووووووه نسيت ارسله لك معليش الا ايش صار على فستاني
حبيت ابين لها انو الحركه تراها مردوده بعدها البنت تمشي وتحكي فيني عند البنات
هههههههههههههههههههههههههههههههههههههههههههههههههه ههههههههههههههههههههههههههههههههههههههه
بس اهم شي اخذت حقي وارتحت
(
حاقول لك مواقف حديثة
وحدة قامت عابت بشكلي امام امراة تمدحني وامامي بكل وقاحة رغم انها كانت ميتة ومستميتة تخطبني لولدها وانا بنت وزعلت لما تزوجت زوجي
المراة طبعا بعمر امي
انا وقتها ما حقول لك انصدمت وسكت والثانية سمعت الكلام وكشت ان اش هالكلام مو مدح بروحي لكن انا معروفة وما احتاج شهادة تلك
المهم بيت لها النية وصرت اعيب على عيوب جسمها وامام الاخرين
مثلا اشوفها بالوجه ولا اسلم عليها ويوم عاتبت قلت لها ماعرفتك عجزتي لكن يوم درتي عرفتك من مقفاك
طبعا غير ان اتطنز عليها امام معارفي الي كلهم ذاقوا منها ومن بذائة لسانها
طبعا كرهتني لكن صارت تخاف تتكلم لي
او مثلا بالذات مع اناس معينين منهم حتى زوجي بفترة كان يتجاوز وكنت اول اسكت عنه بعدها طلعت له ساني والحين يقول عني شرية ومن يقدر عليك
لكن شالسواة ان لم تكن ذئب اكلتك الذئاب
مثلا لو انتقد باي شي اقول له اخذتني فشكرت واخذتك فصبرت واحتسبت
او باستخدام الامثال الشعبية بكثير من الاحيان للرد السريع
طبعا الوضع يففرق بين ناس تتصيدين لهم او ناس فاجؤك على خوانة
(
المفروض حبيبتي تقولين للحرمه شوفو مين يتكلم؟
عشان تعرف انها هي المعنيه
والله في ناس ما يستحون ابد والضحيه احنا الناس الطيبه
تخيلي قبل الاختبارات في وحده اخذت اوراق مهمه جداً مني على اساس تصورها
ولا جابتها لي غير يوم الاختبار ونص الاسئله جات منها
بس تتدرين ايش سويت يوم اعطتني اياها
قطعتها ورميتها عليها
وقلتلها للاسف انه في ناس انانيه ..
ولاعاد كلمتها
...
وحده اعرفها قالت اللي مامعاه شهادة الثانوي جاهل>مع العلم ان امها معاها 2 متوسط
وهي عارفه ان ابوي وامي ما وصلو لهالمستوى بس الحمدلله متعلمين وربونا احسن تربيه
عاد قلتلها : يعني امك جاهله؟
وقتها دور وجهها >ههههههههههههههههههههههههه
ومره جاتنا بعد فرح اختي وتكلمنا عن المشغل
قالت ايه ليه مسوين مكياج
الحين الناس معاد تحط مكياج بس كحل وروج حتى مو روج غلوس
قلتلها والله مو من نقص الفلوس الحمدلله
كان تقول انا رحت فرح وما حطيت غير كحل
قلتلها مو من حلاة الملامح عشان بس تحطين كحل>ههههههههههههههـ
...( اما هاذا موقف حصل لرجل مسكين خخخخخخ يقول
المواقف كثير
واحد مايمون علي ابداً طلب سيارتي (طبيعي يوم ويرجعها صح) جلس اربعه ايام مادق ولا شي وانا مسيكين من لموزين للموزين ( سيارته ماعطانياها ) المهم خامس يوم مرسل رسال بالجوال قسم هذا نصها بالظبط ولازدت حرف ولا نقصت حرف ( اخ ..... سيارتك في مواقف الرياض قاليري المفتاح وراء الكفر الخلفي ) المهم رحت لسياره لقيت انه راقي فيها رصيف ومنفقع الكفر ..
سكتت ماقلت له شي هو حتى شكراً ماقالها
اوكي حبايبي الحين ابي مواااااقفكم الحلوووووووه ياحلواات بس عندي طلب صغيرووون ياليت تنفذونه عشان مانكسب ذنب كل وحده تذكر موقفها لاااااا تغتاب يعني تذكر الموقف وبس بدون لا تحش واللي ماعندها موقف ترفع الموضوع بليز
يلا الماااااااااايك لكم ياعسولات
استغفر الله وحده لا شريك له
لااله الا الله
والحمد لله
عروسَة زوجي @aaros_zogy_2
عضوة نشيطة
يلزم عليك تسجيل الدخول أولًا لكتابة تعليق.
أو يجي شخص عيب فيك وهو العيوب راكبته من راسه لين رجلينه دعيت لج من قلب بسبب هالعباره كل وحده تذكر موقفها لاااااا تغتابأو يجي شخص عيب فيك وهو العيوب راكبته من راسه لين رجلينه دعيت لج من قلب بسبب هالعباره كل...
مشكوره حبيبتي الله يوفقك
اتمنى انو تكون عندي الجرأه وارد على هالاشكال اكلها بقلبي وتحرقه وماارد شيء يقهراتمنى انو تكون عندي الجرأه وارد على هالاشكال اكلها بقلبي وتحرقه وماارد شيء يقهر
ايه والله معك حق انا جريئه وعادي عندي ارد بس ماني عارفه شقول عشان افشلها ياما جاتني مواقف
امممممممممممممممممممممم
ماتشوفين انو في فرق كبير بين الجرأه والوقاحه
وإنك وصلتي لدرجة الوقاحه بحجة اخذ حقي !!
ماتشوفين انو في فرق كبير بين الجرأه والوقاحه
وإنك وصلتي لدرجة الوقاحه بحجة اخذ حقي !!
الصفحة الأخيرة
دعيت لج من قلب بسبب هالعباره
كل وحده تذكر موقفها لاااااا تغتاب