مواجهه الزوج المتغير

اول حاجة ذا اول موضوع اكتبو وهوا غريب شويتين لكن لأهمية الموضوع اصريييت اكتب،،،
وحده تحكيلي قصتها بكل اسف وقهر وللامانه ضروري تعرفوه
وحده تقول،،،
انا متزوجه من 8 سنوات وممكن اكثر وممكن كملنا عشر سنوات
من بداية زواجنا كنت فرحانه بلطافة ورحمه زوجي فيني وكل حاجة فيه جميللة وكان وسيم جدا وكنت كل يوم اشكر ربي رزقني ذا الزوج ،،، ماكنت عارفه شراح يصير بعدين 💔
القصة بدأت من قبل سنتين،،، انا بيضاء جميلة وهو يردد دايمن يمدح البنت السمراء وما كان يهمني مدحه لهن حتى لو كنت مقهوره من داخلي لكن المدح مايعني يتركني فكنت عادي صابره وساكته وكان دايمن يقول اشياء عن البنت السمراء زي مثلا السمراء بتقوي الظهر والسمراء من جواتها حرارة (يقصد المكان الخاص اعتذر😭) ويقول انو البيضاء باردة والزوج مايحس معاها وان البيضاء مو متفاعلة زي السمراء
وكان يقولي محظوظ اللي يتزوج سمراء مستحيل يطلقها ،،،كان يقتلني بذا الكلام لكن كنت اصبر وبالعه موس لانه يظل زوجي وراح اكون معاه
واخر سنة كنت معاه اضطرينا نجيب شغالة وكانت الايام الاولى من الفكرة ذي تسببي هوس كنت انام واصحى وانا افكر يارب ماتكون سمراء مابغا اشوف الضيم ببيتي،،، ولما جات كانت سمراء غامقة وكانت مو جميلة ومو قبيحة لكن اللي خلاني اسكت هو انو زوجي ما لفتت انتباهه وما كان يقرب منها ولا شي ،،… في الشهور الاولى كان زوجي يدخل البيت ويتغدا ويجلس معانا وكان نفس الروتين ماتغير اي حاجة
لين صار الموضوع فيلو راتب الشغالة وذي الحاجات وصار زوجي يتكلم مع الشغالة بخصوص راتبها وانا كنت اوقف معاه وما لاحظت عليه اي شي غريب،،، لكن الشهور الاخيرة قبل الصدمة اللي عذبتني كثير
لاحظت زوجي واحنا نتغدا يسأل على الشغالة تغدت ولالا،،، واحيانا اذا الشغالة راحت تجيب الاغراض من برا هو اللي يطلع ركض عشان يساعدها ولما اسأله ليش تسوي كذا يتحجج بالشغالة ضعيفة ولازم يساعدها وللأسف كنت اسكت لان الهواش كان يتعبني😔!!! وزاد الموضوع اكثر صار لو جا متأخر يدخل غرفة الشغالة ومعاه عشا زايد من عنده ويسويلها الصحن وكل شي والله يابنات كنت استناه يطلع من البيت عشان ابكي وكرهت الشغالة كره العمى مع انها كانت ماتسوي شي وما كانت هي السبب،،، وطلعنا انا وزوجي السوق ونشتري اغراض زي كل مرة لكن المرة ذي اشترى عطر نسائي ولما جيت اختار على ذوقي قالي انا بشتريه بذوقي اول مرة يشتري عطر نسائي على ذوقه والطاااااامة اول ماوصلنا البيت اكتشفت انو العطر كان هدية للشغالة مو لي ،،،وضحكت له وعيوني كلها دموع
وكنت ما ابين اي شي،،، يفرح بالسوق لما نروح يشتري اي حاجة نسائية يشوفها جميلة ويرجع يقول للشغالة ذي هدية،،، ماني عارفة من متى يعرف الهدايا💔
و والله يابنات ماصار يقولي ذاك الكلام الحلو ولو قالي كلام حلو كان يقوله كلمة وحدة وخلاص وربي اللي خلقني عرفت اصلا ان حبه لي صار قليل،،، ودايمن يمدح السمرا وكنت اقول بنفسي زوجي اتجنن وممكن ذا هوس وكلام ناس يسمعوه عن السمرا اللي ماني مقتنعة فيه،،،
لكن اليوم اللي سود لي حياتي جا بعد ما كنت طالعه للجيران واول مرة اتأخر ودخلت البيت ورحت للغرفة وانسدحت شويتين سمعت صوت خطوات وراح الصوت!!! وضليت منسدحة ثم تذكرت الشغالة وقمت من السرير وطلعت للغرفة وفتحت الباب بكل سرعتي وشفت شي ماكنت اتخيل اشوفه طول عممري ،،،الشغالة بحضن زوجي والله يابنات من قوة الصدمة اغمى علي وطحت بالارض وصحيت الساعة 3 الفجر وانا بالصالة ومالقيت زوجي ولا الشغالة بالبيت،،، وجالي بعد الفجر وانا ابكي واخذ يهديني ويحلفلي انه سفر الشغالة برا وصار يحلف ويترجاني اسامحه ياناس كنت والله اتمنى المووووتتتت وما شفت اللي شفته
والان انا عند اهلي وكل يوم قبل النوم ادعي على الشغالة وادعي عليه وارتجف من الحرة والقهر وسكوتي عليه من البداية💔💔💔