الله يشافيكي حبيبتي موضوع الخدم شاغلني من كم شهر ابغى اجيب ومني عارفه مين واي شروط خاصة اني محتاجتها للاطفال بحكم شغلي
وعارفه الي محيرني اكتر
الخدم موجودين من زمان حتى في زمان الرسول مشغلط ومش عيب وترف بالعكس الحره تلزمها الي تخدمها والاسلام سن بينهم المعروف لانو هي بحاجه وانابحاجه
ليش الموضوع صعب وتعقد الحاجه لهم مستحيل تنعدم حتى الدول الي تنتقدنا بالاستقدام الي مسمينو استعباد عندهم خدم من نفس البلد او شركات تاجير
ماابغى تقولي مين الى داخله ماعندهاسالفه وبعد تتفلسف بس يله موضوعك جاء على الجرح الي شاغلني كتير واعتبريه رفع للموضوع بفضفضه شوي

:32:

والله خرعتونى انا مقدمه على مسيحيه (اهل الكتاب)وناويه ادعيها للاسلام باذن الله وطلبتها بين ال35 وال40 وانتو تقولو الصغيره احسن غريبه اخاف تجينى شعنونه ودلوعه وعينها زايغه الكبيره احس اركد بس فعلا اخاف تكون شخصيتها قويه وانا اخس منها ياعينى وطلبتها دارسه هاى سكول عشان تعلم بناتى انجليزى نبغى راى الجميع بالله

جداوية ..انا مالي خبره بس سمعت انو في ناس يتعاملو مع مكاتب برا برا ماللمكاتب الاستقدام اللي هينا خص..

يعني لو تعرفين خدامه فلبينية تعرف لك وحده من هناك وتخليها تروح تسوي الاجراءات من عندهم من الفلبين راح يكون السعر ارخص
الله يعينك ...وييسر امرك

بس بنات ابسأل سؤال بعد اذنك ياجداوية ..

مو يقولون سن الاربعين هو سن الذروة عند الحريم ..كيف امن واجيب شغاله بهذا السن صح هي كبيرة وافهم من الصغيرة بس راح تكون مشعلله تبي احد يطفيها ؟؟
ترا مالي خبرة بس هذا الكلام اللي اسمعه انتم اش رايكم ..؟؟

وانا كمان كمان ودي في الفليبنية
بس احترت ودي انها تكون مسلمة ماتكون مسيحية عشان اهلي في المدينة واقدر اخذها معاي ولا ايش فايدتها
متابعة معاكم الموضوع