ماعليش ياالجداوية أبغى أسأل البنات
كم راتبهم في الشهر وبكم الأستقدام؟
ماعليش ياالجداوية أبغى أسأل البنات
كم راتبهم في الشهر وبكم الأستقدام؟
نفس السؤال ومتابعه بصمت لاني ابي استفيد.
.
مشكورين يابنات وبالاخص الاخت جدوايه..
.
UP :angry:UP :angry:
السلام عليكم و رحمة الله و بركاته ..
أشكركم حبايبي كلكم وحدة وحدة الله يجزيكم كل خير و يحقق لكم
كل إللي تتمنوه إن شاء الله :26:
بانسبة لأسئلتكم :
والله هي الفيزا بـ2000 ريال و أعتقد إنه السعر واحد لكل الجنسيات ..
و الفيزا ما تاخد وقت و تطلع بسرعة إذا كانت كل الشروط مستوفية ..
و إحنا طلعنا الفيزا و دحين أتورطنا في المكتب !!
ماحنا لاقيين مكتب كويس و ماحنا عارفين لمين نروح ؟!
و كل ما سألنا مكتب قالو الإستقدام 9000 ريال هادا طبعا غير الـ2000 حقت الفيزا :32:
يعني 11000 ريال بس إستقدام هادا لسة غير تمن الإقامة و غير الفحوصات الطبية
و غير كسوتها و غيره و غيره :09:
و الأرخص قالو 8500 ريال يعني ما فرقت كتير !!
والله لو السعر من جد كدة مشكلة و ورطة كبييييييييييرة ما كنا حاسبين حسابها :024:
لأنه لمن سألنا قبل كدة قالو حوالي 8000 - 8500 - 9000 ريال بالفيزا و قلنا الله المستعان
عشان مضطرين و دحين زودو أسعار الإستقدام و أسعارالإقامات و زودو رواتبهم و زودو كل شي
كأننا إحنا جالسين على نهر و بنغرف منه فلوس و ماحنا عارفين أيش نسوي بيها قالو يلا نغلي
عليهم الأسعار و نساعدهم يصرفو فلوسهم الزايدة !!
ما أقول غير حسبي الله و نعم الوكيل !!
و كلهم يقولو تجيكي خلال 6 شهور إلى سنة عشان عندهم مشاكل
في بلدهم وما بيخلصو إجراءاتهم و يطلعوهم من البلد بسرعة !!
و الرواتب أختلفو فيها ناس يقولو 700 و ناس يقولو 800 و ناس يقولو 1000 و ناس يقولو 1500
و ما ندري نصدق مين :confused:
بس الغالب إنها 800 والله أعلم !!
و وحدة أعرفها عندها فلبينية راتبها أظن قالت لي 600 أو 650 ريال !!
و أعتقد راتب المسلمة و المسيحية هو نفسه بالنسبة للفلبينيات ..
و أنا أكره الأندونيسيات مررررة ماااااااااا أطييييقهم :mad:
عشان كدة أبغا أجيب فلبينية ..
بس أنا أبغاها تكون متعلمة و تعرف إنجليزي ما أبغاها تجي زي
الجاوة ما تعرفي تتفاهمي معاها و إن أتكلمت تتكلم عربي مكسر
و تخرب لسان أهل البيت خصوصا الأطفال !!
و عندي مشكلة تانية :
دحين شايفة الأغلب مجمعين عالصغيرة ..
بس أنا أخاف تجيني وحدة صغيرة سواء متجوزة أو لا و بكل صراحة تجيني دمها فاير
و تسوي لي حركات نص كم و لا تروح تدور لها بوي فريند و ماشاء الله الحراس و السواقين
على قفا مين يشيل وأنا بيتي دور أرضي و تسوي لي شي لا عالبال ولا عالخاطر !!
والله العظيم ماحنا ناقصين مصايب :44:
و كنت مصرة أجيب وحدة بين 35 - 45 بس قالولي حتشوفك أصغر منها
و ما حتحترمك و ما حتملي عينها و تتنفخ عليكي و برضو ما تضمني إنها عاقلة و راكزة
يمكن تكون دمها فاير أكتر من الصغيرة !!
طيب أيش أسوي ؟!؟!
و بكل صراحة أنا سألت كتير و سمعت إنه المسيحية أحسن و أنظف من المسلمة
و تجي متعلمة و تعرف إنجليزي عكس المسلمات إللي غالبا يجو من القرى و جهلة !!
و أنا في رأيي المسيحية أهون من البوذية و الهندوسية !!
و الحمدلله بفضل من الله جاتني قبل كدة سيريلانكية هندوسية ضحك علينا فيها
المكتب و قالو لنا مسيحية بس طلعت هندوسية بس الحمدلله أسلمت عندي و كملت مدتها
و سافرت ماشاء الله تبارك الله لا قوة إلا بالله :)
و الحمدلله أنا ماني من النوع الشريرة مع الشغالات عشان كدة أبغا وحد محترمة
و تحترمني و بالمقابل حتلاقي المعاملة الكويسة لأني أتجنن لو شغالة قلت أدبها معايا
أو جلست تتفصحن عليا مررررة ما أتحممممل :angry2:
عشان كدة أنا خايفة تجيني وحدة كبيرة و عينها قوية و لسانها طويل !!
و هدولا فلوسهم مو سهلة وترجيعهم بلدهم مو بالساهل !!
و ما أظن أعطيها جوال أبدا ليش إن شاء الله ؟!
وقت ما تبغا تكلم أهلها أشتري لها بطاقة تليفون و تتكلم بيها و أنتهينا !!
مين تعرف لي مكتب إستقدام في جدة كويس و سعره كويس و ماهو نصاب و مجربته
شخصيا مو سمعت عنه و يجيب الشغالة بسرعة ؟!؟!
ردو عليا و الله إني أحترت و تعبت وماني جايبتها غير مضطرة :icon33:
تحياتي ..
جــــداويـــــــة
الصفحة الأخيرة
كم راتبهم في الشهر وبكم الأستقدام؟