وخرعيه قولي باروح ل اهلي واذا قال ليش قولي باروح لهم.وخلاص او قولي باروح زياره وروحي اسهري وانبسطي وبعدين ارجع بيتك

فيه مثال يقول كثر الطق يفك الحديد

استغرب اللي تقول لا تفتشي غفلنا وتجاهلنا وصلنا كلام وما صدقنا والنهايه خيانه وعلاقات واسترحات وشقق مفروشه
الزوج اذا مشى على الدرب اهمل بيته واهمل زوجته لان الخاينه يسمع منها كلام وشوق على باله الشي فاقده عند زوجته

هذي تبي تاخذ منه اللي تبي هداياي سهرات شحن

العجيب إلي يحطون أسباب و تبريرات للخيانه ؟؟
عشانها تركته شهر يكون سبب لإنه يخونها ؟؟
لإنها بدت دراستها من شهرين و أنشغلت يكون سبب أنه يخونها ؟!
الخيانه صعبه و شعورها صعب و أنتي يا أختي فرج الله همك تقولين ماصدر منك ردت فعل
و هالشي نتيجة الصدمه آنتي للآن ما فقتي منها و للآن وكأنك مو مصدقه ألي حصل
لذلك ما طلعت ردت فعلك أنتي الآن كتمتي ردت فعلك و كثير كذا عند المواقف الصعبه
يكتمون لا أرادي ردت فعلهم لإنهم ما زالو بتأثير الصدمه ولأنه تفكيرهم متوجه لإتجاه آخر
و هو كيف بعالج الوضع و أيش آتصرف بهالحاله و كيف برد كرامتي و كيف ببرد حرتي
ذهنك مشغول حبيبتي بأمور آهم من ردت الفعل لذلك ما حصلت و أنكتمت داخلك !!

آحيانا تحصل أمور بحياتنا ما ترضينا و تغثنا و تزعلنا لكن ممكن تكون ربما ضارة نافعه
خيانته لك بالجوال و أكتشافك للموضوع ممكن يغير حياتك للأفضل !
هو الأن بيقتله التفكير بيفكر كيف يخلص نفسه من هالموضوع كيف بيرضيك
بيتمنى هالشي ما حصل و بيعيش بقلق نفسي بيذبحه
و أنتي هنا ألعبي على هالوتر ... لا ترضين بسهوله و هالشي لا بد منه
لا تعطينه وجه هالفتره نهائي و شوفي وش بيطلع منه لإنه صمتك بيعذبه
هو لو أنك مصرخه و معصبه و باكيه و معاتبه أهون عنده من صمتك و غموضك
تصرفك هذا بيلعب بحسبته .. إذا خلصتي أمتحاناتك قولي له ودني لأهلي
بيموت هنا بيعرف هل ناويه تنفصلين أو بتروحين فتره وترجعين وهل بتخبرين آهلك
وهل بينفضح و أمور كثيره بتدور براسه بتخليه يلعن اللحظه ألي فكر فيها يخون !!!
ولا تعطينه وجه و لا علم سنع خليه يحترق مايدري وش براسك
إذا سألك متى جايه قول يصير خير و بسسسسس
و روحي لأهلك و أجلسي عندهم فتره و لا تردين على أتصالاته ألا متى ما كان عندك أستعداد
نفسي للكلام معه بعدها قولي ألي بخاطرك كله طلعيه
قولي طالما بتخون و بتتواصل مع حريم و تتصرف تصرفات مراهقين تتزوجني
ليش ؟ تخلينا ننجب أطفال ليش ؟ ليش ما جلست عزوبي ومارست مراهقتك براحتك
بدون ما تسبب ألم و جرح مايبرى لأنسانه مالها ذنب غير أنها وثقت بأنسان تافه و مايتقي الله
قولي أنت ما أذيتني أنا لحالي أنت حتى بناتي أذيتهم بناتنا ذول بكرا بيجي من يتحرش
فيهم رضيت أم أبيت جزاء لك بالي تسويه بأعراض الناس الغافلين !
قولي أنت على بالك الخيانه سهله و ممكن تتسامح بسهوله الخيانه أمرها عظيم
و لو بتضرك آنت وحدك بالطقاق لكنها بتسبب ألم لعايله كامله يا قليل المروه
كلميه بكلام طالع من القلب يا أختي الكلام يعذب أكثر من الأفعال
و ماتدرين يا أختي يمكن ربي أراد يصير هالشي بينكم لتتغير حياتك معه للأفضل مثل ماقلت
لك قبل كثير بعد أكتشاف خيانتهم رجعو لعايلتهم بأحسن حال و عقلو و ردهم الله
ردا جميلا .. كل إلي تحتاجينه الأن البعد عنه وتأديبه تأديب ما ينساه العمر كله !
كان الله بعونك وفرج الله همك

الاخت اللي تقول لاتفتشي جوال زوجك اعترض عند كلامك











موقف عائشه من رسول يعكسس كلامك ..


.


.


.




وقالت عائشه رضي الله عنها

لما كانت ليلتي التي كان النبي صلى الله عليه وسلم فيها عندي,وظن اني قد رقدت
فخرج...فانطلقت على اثره(وقد ظننت انه ذهب الى احد نسائه فتبعته)حتى جاء البقيع
ثم انحرف فانحرفت فاسرع واسرعت ,وهرول فهرولت فسبقته..
فدخل فقال مالك ياعائش حشيا رابيه؟؟(يخفق صدرك كثيرا)
فاخبرته... فقال :اظننت ان يحيف الله عليك ورسوله؟؟
ويروى عنها رضي الله عنها







وهي امنا عائشه شكت برسول لله اطهر الخلق واعدل الامه وخلقه القران وذهبت تتاكد فمابالك نحن بناتها وازواجنا ما اتو بربع رسول الله

يالله والله كثرت المواضيع الخيانه


سبحان الله بحمده سبحان الله العظيم

استغفرالله