كلامج فيه نسبة من الصحة كلنا نحب الجمال
حريم و رجال يقولون الجمال نسبي بس في جمال متكامل لون و شعر و كسم و ملامح ما عليه خلاف محد يقدر ينكره ما شاء الله
و الباقي يتفاوت ع حسب الاذواق و الحمدلله ان الجمال مب كل شي فالدنيا و لا كنوا اغلبية البنات في بيوت اهلهم بدون زواج
و الله اعرف بنات في غاية الجمال و حظهم طايح و فاتهم قطار الزواج الله يعجل بنصيبهم

صح عزيزتي كل وحدة تبغى تكون جميلة بس لازم نعرف أن مفهوم الجمال شي نسبي ويختلف من شخص لآخر وصح الناس تلتفت للميلان بالأول في موضوع الزواج بس في شي اسمه بنت تعرف كيف تبرز جمالها وفي بنت ماتعرف معليش عزيزتي مافي بنت مو حلوة بس الفرق مثل ماقلت بنات تعرف نقاط قوتها وتظهرها وتشتغل على نفسها وبنات ماتبغى تتعب وماتعرفي ايش نقاط القوة والضعف بنفسها وماتهتم وتشتغل
لو الجمال أساس نجاح العلاقة الأسرية كان مالقيتي الممثلات مطلقات وهم جميلات وجيش يهتم فيهم عمر الجمال ماكان أساس العلاقة الزوجية وهو من أسباب نجاحها الزواج له مقومات كثير على شان ينجح
وربنا سبحانه وتعالى قال وخلقناكم في احسن تقويم يعني مافي شي اسمه بنت مو حلوة
اتمنى اكون افدتك

الاهتمام يغير ١٨٠
لو وحده شينه شوية اهتمام وكريم مرطب بودره ومرطب شفايف وكحل وتعدلي خشتك بتطلعين مزه
،،،،

صح عليك من ناحيت الخطاب الي يجونهم يجون كثاار لان يشوفون اشكالهم بس وتعجبهم بس لما يتزوجها يعرف اخلاقها طبع مو الكل البعض ولو كانت اخلاقها شينه طلقها حتی لو ملكت جمال تری الرجال مايبغا الجمال وبس


واعرف كثيررر شينات وازواجهم يموتون فيهم يمكن بلبدايه مايتقبلوهن اذا كانن مرره مو حلوات بس معا الايام ولما يعرفون اخلاقهم معاملاتهم يحبوهم ويملكون قلوبهم


واحد قريبي يتزوج ويطلق يمكن ثلاث او اربع وهو يتزوج ويجلس فتره ويطلقها تزووج وحده تهبببل مرره ماتوقعناه يطلقها جلس فتره وطلقها وسبحان الله الحين معاه وحده عاديه جدآ وماشاءالله صار له عشرة عمر معاها وعيالهم كبار وحبها وحب اخلاقها وعايشين الحمدلله

عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) .
وليس في الحديث أمر أو ترغيب في نكاح المرأة لأجل جمالها أو حسبها أو مالها.
وإنما المعنى : أن هذه مقاصد الناس في الزواج ، فمنهم من يبحث عن ذات الجمال ، ومنهم من يطلب الحسب ، ومنهم من يرغب في المال ، ومنهم من يتزوج المرأة لدينها ، وهو ما رغب فيه النبي صلى الله عليه وسلم بقوله : ( فاظفر بذات الدين تربت يداك ) .
قال النووي رحمه الله في شرح مسلم :
" الصحيح في معنى هذا الحديث أن النبي صلى الله عليه وسلم أخبر بما يفعله الناس في العادة فإنهم يقصدون هذه الخصال الأربع ، وآخرها عندهم ذات الدين ، فاظفر أنت أيها المسترشد بذات الدين ، لا أنه أمر بذلك ... وفي هذا الحديث الحث على مصاحبة أهل الدين في كل شيء لأن صاحبهم يستفيد من أخلاقهم وحسن طرائقهم ويأمن المفسدة من جهتهم " اهـ باختصار