اناقة حرف ،،. والله حتى أنا ماايد السفر مع الأهل بالذات اذا كانوا فيه اطفااااااال ، الناس تبغى تروق وانا اسحب البزارين معي !! ولا يمكن يتغير عليهم الجوووووو ووقتها ودهم يخنقوني ،وأحس أني ثقييييييييله 😱 ،

هلا سوكرة ، ، هو مو على الطيش ! بس تحسيها صعبه تروحي وتخليه لحاله وهو عنده دوام ، خصوصا انه مايسحب عليك ويسافر ويخليك

الموضوع الاول: موضوع السفر مع الأهل وترك الزوج يطيش لوحده كم يوم


مستحيل اخليه يسافر لوحده الا اذا سفره عمل هذا شئ ثاني
من حقي كزوجه اغير جو واتمتع بحياتي معه ..!!
وليش اسافر مع اهلي وزوجي موجود !!!؟ مو حلوه مره بحقي
كل اخواني مثلا معاهم زوجاتهم وانا واولادي عاله على اهلي حتى لو بفلوسي .. االاطفال لابد لهم رعايه واهتمام ..




، @ الموضوع الثاني: السفر على حساب الزوجه اذا كان الزوج مايسفر أهله بدون سبب معلوم ومقنع.
ماعندي مشكله اسافر من فلوسي لو مقتدره مادياااااا
ب النهايه لمين اجمعها الفلوس ؟؟؟؟
يمكن ربي اخذ امانته ليش اخليه يتهنى بفلوسي وانا بقبري ؟؟
اهني عمري فيهن واسافر واصرف ماعلي منه ..
هو محرم لي ومتعه ب نفس الوقت مو طبينه هذا زوجي
الغلط اني اصرف البيت والعيال وهو موجود ومقتدر هذا الغلط
ماعطيه قرش احمر من راتبي ..ف البيت
بس شئ فيه مصلحتي اشتريه بفلوسي واسافر ..
والوحده مو كل يوووم تسافر ب السنه مره شهر
ليششش ابخل براتب شهرين تمشيه لي من فلوسي ؟؟






@الموضوع الثالث: كيف تفهمي زوجك بانه له دور في تربية ابناءه وبناته عشان ماتاثر على شخصياتهم وخصوصا اذا كانوا بنات ، كيف تقنعه وتفهمه يقوي علاقته في بناته عشان يرتاحوا له ويفضفضوله ومايخافوا منه لو طاحوا في مشكله.


مايحتاج افهمه ..
انا افهم اطفالي واربيهم على الي ابيه ..
أي شئ يسألوني عنه او يبونه ... اقول روحي لبابا اسأليه
أي شئ خربان او محتاج تصليح .. انا ارسلهم لبوهم روحو قولو له ..
ب العربي اتركي حكايه ولدك يبي بنتك تبي فلان يبي لالالا هذاااا اكبر غلط
انا بنفسي اقولهم روح لبوك وقله الي تبي ..
يبي فلوس روح لبوك واطلب
خلاص شوي شوي هم يتعودون كل شئئئئئ يروحون لبوهم وابوهم يسمع لهم ويهتم لهم
عندها مشكله في المدرسه البنت وقالت لي .. اقول خلاص حبيبتي الحين يجي ابوك وعلميه
مو حلوه ان الام تكون السان الناطق لعيالها عند ابووهم ...
من يجي ابوهم ويدخل
اقولهم سلمو على بابا حبو راسه ..
يعني لازززم هيبه الاب في البيت وبنفس الوقت اخلي لكل واحد لسان ناطق عن نفسه بدون تتدخل الام ..








@الموضوع الرابع : فوضوية الزوج وإهماله لنظافته ونظافة المكان اللي هو فيه كيف تتعاملي معاها






عاد هاذي مشكله رجال وش كبره ويرمي فصم في الارض ..
والله احرجه وهو ماشي اقوله اصبر اصبر فيك فصم لاصق بثوبك
واقوله هذا يومك تمشي وترمي ب الارض شوفه لاصق فيك ههههههه
احرجيه حبيبتي وفشليه .. وجيبي له صحن كبيرررررر يرمي فيه
بصراحه ماخلا شئ للاطفال هههههه

وعليكم السلام والرحمه
الموضوع الاول /
موضوع السفر مع الاهل وترك الزوج يطيش لوحده ؟
بالنسبه لي اذا اهلي بيسافروا وانا مشتهيه هالسفره بسافر معهم واونس عمري وزوجي مو طفل عشان اخاف
عليه عادي يدبر عمره كم يوم ومنها نشتاق لبعض ومافهمت معناة كلمة يطيش لو تقصدي ممكن يغازل
فاللي بقلبه شي بيسويه وانا عنده هالاشياء ماعلق سعادتي عليها ابدا

الموضوع الثاني/
موضوع السفر على حساب الزوجه اذا كان الزوج مايسفر اهله بدون سبب معلوم ومقنع؟
اذا كان الزوج مقتدر ماليا وموظف انا مراح اسافر على حسابي لكن اقنعه ان السفره تكون بالنص بينا وهذا
شي مو عيب ولاحرام بالنهايه انا المستفيده اما اذا كان ماعنده وظيفه او ماديته ضعيفه بسافر على حسابي وانا مغمضه شي يريحني ويسعدني الفلوس مو خساره ليش اتحسف السعاده على نفسي واخرتها اموت ويورثني

الموضوع الثالث/
موضوع كيف تفهمي زوجك بأنه له دور في تربية ابناءه عشان ماتأثر على شخصياتهم وخصوصا اذا كانوا بنات كيف تقنعه وتفهمه يقوي العلاقه في بناته عشان يرتاحوا له ويفضفضوا له ومايخافوا منه لو طاحوا في مشكله؟
هذا اهم سؤال سألتيه والدور الاكبر على الام احنا بمجتمع الولد تربيته مختلفه بالخليج فأغلب الرجال يكبروا فاقدين الحنان وصعب فاقد الشي يعطيه لازم الزوجه تفهم زوجها ان الوضع اختلف والان مو زي زمان
بالنسبه لي دايما اناقش زوجي بهالموضوع وانا كثير متعلقه بوالدي ودايما يستغرب اقوله لاتستغرب انا لوصار لي شي اول من الجأ له ابوي حتى قبل اتزوج جاني ازعاج من رقم على طول اعطيته ابوي لاني ماخاف منه
والحمدلله هو يثق فيني وعارف ان مالي ذنب وهالاشياء تصير بينما اغلب صاحباتي يخافوا من ابوهم
ودايما اضرب امثله لزوجي على بنتنا اقوله لو لاسمح الله بنتنا كبرت وبفترة المراهقه حصلناها تكلم شاب
وش بتسوي كان يقول اذبحها ومره يقول اسوي وافعل والله كنت اضحك يقول ليش بارده قلت هذي مو تربيه
اذا تبي بنتك تحبك ودايما تتكلم عنك مثل ماتكلم عن ابوي صير لبنتك اب وام يعني خلك حنون الحين حتى افكاره تغيرت من كثر ماتكلم معاه بهالخصوص انا حريصه على بنتي كثير واخاف لاسمح الله يجي يوم وتغلط محد معصوم
بس انا زوجي بالمجمل جدا حنون وهي كثير متعلقه فيه

الموضوع الرابع/
موضوع فوضوية الزوج واهماله لنظافته ونظافة المكان اللي هو فيه ؟
الحمدلله مااعاني من هذا الشي عشان كذا ماعندي جواب زوجي جدا مرتب ولاعمره يحوس بالعكس يحب يرتب
المكان اللي هو فيه ونظافته الشخصيه محافظ عليها

1_انا مااحب نسافر الا سوا
2_ليش يسافر على حسابي بس اذا كان عنده وبيسفرني بس انا اشارك اذا قصرت الفلوس عايدي اذا احنا متفاهمين
3_على التربيه والله المفروض يحبهم يلاعبهم يسولف معهم ويقعد معاهم على اساس انه صديق ماهو يقعد معاهم برسميه ويخافون منه
4_اما الفوضويه هذي مالها حل والله يازوجي لو يقعد لبسه سنه مرمي عند رجوله مايشيله بس يفسخ ويرمي ولايهتم ولايشيل شي