السلام عليكم
لقيت بعض المواضيع و الردود هنا بقسم الأسرة و المجتمع مرة مضرة للي يقرونها،
و التنبيه حولها مهم :
١- التشخيص الطبي /
واحدة تكتب مثلا " أنا بطني جهة اليمين تحت فيه نغزات"
تجي ترد عليها أخرى " احتمال عندك قولون مع زايدة مع مع ربو و روماتيزم بالعضلات و عصب ضرس ملتهب مع خراج و زكام
و شعرك متقصف ، ... لحظة ما خلصت ..
و محسودة ( منضولة ، فيك عين) و عندك مس عاشق،
و مسحورة ، و بس ".
تشوفون هالمثل أعلاه منطقي ؟ لا، طبعا.
بالضبط هذا اللي ينطبق ع المشاكل "النفسية و العقلية "
( بما إنها تندرج تحت مصطلح " طبي" بالعنوان أعلاه ).
و بالتالي ...
٢- العلاج الكيسي /
اشربي شمر مع عنزورت و خواء جواء و مرة مع حليب دافي و حلبه و شوية فحم و تراب مع زيت الخروع، و مرخي فيه وجهك و جسمك و اقعدي تحت الشمس ٣ ساعات بعد الظهر.
و شغلي البقرة ٢٤ ساعة بالبيت بصوت صارخ أعلى شيء بكل مكان حتى تطلع منك العين بغض النظر البيت فيه أطفال و طلاب و عاملين عن بعد و شيبان و عجايز و جيران مب مهم فيه أحد يكره القرآن ؟ أعوذ بالله ،
و انسدحي يا قلبي و احزني و تباكي على حالك و احكمي وسوستك بالظن السيء بالآخرين بالدعاء و العداء لكل من حولك ( و لو كانوا سعاة مجتهدين و منجزين و مشغولين نحو النجاح ما دروا عنك ) ،
و جامعتك و عملك نعم افصلي منها لأنك مسكينة،
و زوجك و عيالك و بيتك أهمليهم فيك نفس،
و لا تتحركين تسعين لأي شيء خلال يومك سواء من ضرورياتك الخمس صحتك و مالك و علمك و تسليتك و هو شيء مهم جدا ما دامت مباحة ! " طيبات الرزق " ،
لإنك مسكينة عاجزة.
و خلي أحد يضربك بالعصا حتى يطلع منك بسم الله الرحمن الرحيم .
--------
طيب ، فوق طرحنا المشكلة : المواضيع و الردود السامة .
الآن، إن شاء الله نطرح الحلول .
-------
١- التشخيص الطبي /
سواء جسدي نفسي عقلي هو :
" من اختصاص الطبيب !" و فقط.
انتهى.
٢- النصايح العلاجية /
" اذهبي إلى الطبيب " و فقط.
انتهى.
طيب، تقولن وشلون أجل نبي نقدم أي شيء جيد لو كلمة طيبة أو سبيل للمنفعة ، الجواب ؟
إذا كان المطروح لك فيه علم موثوق ؟ ابديه.
إذا لا ، اصمتي " فلتقل خيرا أو لتصمت".
مثال على العلم الموثوق :
واحدة تقول أنا سمعت إن " المخدرات" تسبب هلاوس و مشاكل نفسية عقلية كثيرة ،
و أعرف إن الفئات المعرضة لها بشكل شائع هم :
الذكور المراهقين ، المبتعثين و بعض المبتعثات .
لذا ربما كل تفاصيل مشكلتك سببها الأول و الأخير " المخدرات" ،
و حلها القطعي الوحيد هي " مراكز معالجة الإدمان " بعد التشخيص عند الطبيب طبعا .
و هذا الفيديو خير مثال :
بعد الدقيقة ٨:٤٠ تحديدا قالها في الدقيقة ٩:٠٠
قلم يسعى @klm_ysaa
العضوية الراقية
هذا الموضوع مغلق.
&روعة الحياة&
•
ماقريت نصايحك كلها بس هذا منتدى كلن يدلي بدلوه من خبرته فقط يمكن ننبه لشغله يكون الشهص مو منتبه لها وفي النهاية هي مجرد مشورة تاخذ بها او تخليها محد جبر احد بشي معين
N.B.
•
اللي مرت بتجربة وفادتها تذكرها لاخواتها لعل وعسى تنفع غيرها واسال مجرب ولا تسال طبيب وبعدين سورة البقرة قلنا شغلوها ماقلنا لاعلى شيء مو في الكفيهات مشغلين الموسيقى لاعلى شي اشوف محد تكلم
قلم يسعى
•
ماقريت نصايحك كلها بس هذا منتدى كلن يدلي بدلوه من خبرته فقط يمكن ننبه لشغله يكون الشهص مو منتبه لها وفي النهاية هي مجرد مشورة تاخذ بها او تخليها محد جبر احد بشي معينماقريت نصايحك كلها بس هذا منتدى كلن يدلي بدلوه من خبرته فقط يمكن ننبه لشغله يكون الشهص مو منتبه...
شلون
أعقب على تعقيبك و إنتِ " ما قريتِ " ؟
أعقب على تعقيبك و إنتِ " ما قريتِ " ؟
قلم يسعى
•
N.B. :
اللي مرت بتجربة وفادتها تذكرها لاخواتها لعل وعسى تنفع غيرها واسال مجرب ولا تسال طبيب وبعدين سورة البقرة قلنا شغلوها ماقلنا لاعلى شيء مو في الكفيهات مشغلين الموسيقى لاعلى شي اشوف محد تكلماللي مرت بتجربة وفادتها تذكرها لاخواتها لعل وعسى تنفع غيرها واسال مجرب ولا تسال طبيب وبعدين سورة...
أذكر إني مرة قريت رد هنا عن " الازدواجية" بس مدري وين، و لا أدري مين ما حفظت اسمها ،
المهم نعم،
الآن اكتشفت ردها ذاك كان بطل.
بيت = كوفيهات
٢٤ ساعة = ١/٢ ساعة
البيت/ أطفال رضع يخافون، عجايز و شيبان يصدعون،
طلاب يذاكرون، موظفين يشتغلون عن بعد ، ناس نايمة بعد الدوام أو قبله ، ناس تتقهوى و تتفرج على التلفزيون بعد دوام شاق أو قبله تشحن طاقة " طيبات الرزق"
=
المقهى / واحد رايح برجلينه بكامل إرادته قاصد مقهى
من اختياره عارف إن فيه موسيقى و يبي يتقهوى فيه ١/٢ ساعة ( يقدر يختار أي مقهى غيره بدون موسيقى ! و يقدر يتقهوى ببيته أيضا !) .
يرفعون صوت القرآن صارخ = لا يرفعون صوت الموسيقى صارخ .
و الله تصعبون أسهل كلام مستحيل يتصعب ،
شوية تركيز بدون شطحات 🤦🏻♀️.
المهم نعم،
الآن اكتشفت ردها ذاك كان بطل.
بيت = كوفيهات
٢٤ ساعة = ١/٢ ساعة
البيت/ أطفال رضع يخافون، عجايز و شيبان يصدعون،
طلاب يذاكرون، موظفين يشتغلون عن بعد ، ناس نايمة بعد الدوام أو قبله ، ناس تتقهوى و تتفرج على التلفزيون بعد دوام شاق أو قبله تشحن طاقة " طيبات الرزق"
=
المقهى / واحد رايح برجلينه بكامل إرادته قاصد مقهى
من اختياره عارف إن فيه موسيقى و يبي يتقهوى فيه ١/٢ ساعة ( يقدر يختار أي مقهى غيره بدون موسيقى ! و يقدر يتقهوى ببيته أيضا !) .
يرفعون صوت القرآن صارخ = لا يرفعون صوت الموسيقى صارخ .
و الله تصعبون أسهل كلام مستحيل يتصعب ،
شوية تركيز بدون شطحات 🤦🏻♀️.
الصفحة الأخيرة