مواعيد مدينة الملك فهدالطبية ..؟؟؟

up

هلا يالغاليه ... انا ارجع عند مدينة الملك فهد ..
الموعد الي بالكرت مايلتزمون فيه ابد يعني من سبق لبق .. عشان كذا دايم اروح الساعه 8 حتى لو موعدي 10 او 11
والصيام مايحتاج ابد الى اذا طلب منك الدكتور بس عموما من اول زياره لا ..
وبالنسبه للدكتور انتي وحظك لانهم يوزعون الملفات على الدكاتره وانتي ونصيبك عرفتي
بقولك الخطوات المتبعه <<< متعوب عليها

اول شي اذا دخلتي مع باب الطوارئ يجيك اجباري يمين او يسار .. انتي روحي يمين بعدين على طول يسار
راح تجيك الصيديله اتركيها بعدين روحي يسار بعدين يمين .. راح تحصلين غرفه لقياس الضغط والحراره حلو ..
خوذي من عندهم عينه عشا البول وانتي بكرامه سويها (( يعني وانتي رايحه لهم كثري ماء ))
بعدين ارجعي لغرفة الضغط وعطيهم العينه مع موعدك .. الحين هم راح ياخذون وزنك وضغطك والحراره بعدين راح يعطونك
ورقة الموعد ..

اطلعي من عندهم وعلى طول روحي يسار .. راح يجيك تقاطع هههههههههه
يمينك الصيدليه وقدامك انتظار النساء بالسيب .. روحي يسار بعدين راح يجيك باب على يسارك للمواعيد روحي وعطيهم الموعد عشان يختمونه لك .. حلو

بعدين اطلعي من عندهم وروحي كمااااااااااااااااان يسار بعدين راح يجيك باب فيه انتظار نساء ادخلي معاه راح يكون على يدك اليسار
كاونتر فيه موظفه عطيها الموعد وبكذا خلاص روحي للكراسي وانتظري دورك وانا افضل الكراسي الي عند العياده عشان تسمعين اسمك
زين ..

طبعا يالغلا اذا احتجتي تحاليل او اي شي موقعهم نفس غرفة الانتظار حقت النساء بس بدال ملتروحين يسار للكاونتر روحي يمين هناك
التحاليل ..

واذا خلصتي من الدكتور لاتنسين روحي لغرفة المواعيد الي ختمتي فيها ورقتك عشام يعطونك موعد طيب والى ترى بيروح عليك
واذا طلب منك اشاعه الدكتور للموعد الجاي ..روحي لقسم الاشعه عشان يدخلون لك موعد قبل موعدك بيوم والى ترى تروح عليك
انا قد صارت لي ..
والاشعه موقعهم سهل اول ماتدخلين من باب الطوارئ روحي يسار ...

اتمنى اني افدتك وصار كل شي واضح لك ... ادعيلي ان الله يتمم علي حملي ويسهله ويسخر زوجي لي

الشعنونة
كفيتي ووفيتي الله يسهل لك حملك ويسخرلك زوجك ويوفقك وين ماكنتي ..

زي ماقالت الاخت شعنونه بالضبط

جاية متحمسة بأوضح لك و خصوصا أنه عندي موعد بكرة الله يعيني ..

بس ماقصرت أختي الشعنونة ..
بس فيه طريقة أسهل إلي هو تدخلي مع الباب الخلفي لمستشفى الولادة ،، تلقين عنده لوحة مكتوبة العيادات الخارجة ،، طبعا تدخلين راح ينفتح لك باب زجاج ،، يمينك راح يكون انتظار رجال ،، أدخلي مع الباب الزجاج الثاني و راح يجي على يمينك غرفة تسجيل المواعيد ،، طبعا أنا أختم الورقة عندهم أول ثمن أروح لغرفة الفحص ،،
تختمين ورقتك ورواح تقولك روحي لغرفة الفحص ..
غرفة الفحص إذا خرجتي من الغرفة هذي تروحين يمين و مرة ثانية يمين آخر السيب تلقين الغرفة ..

و الباقي مثل ماوصفت لك الشعنونة ..
لأني صراحة أول موعد معاهم ضيعت الطريق ماعرفت صرت أمشي ورى حرمة و هي ماتدري عني إلين وصلت للمكان اللي أبيه ..

و بالنسبة للموعد ،، أنا أجي أجي قبل الموعد بنصف ساعة تقريبا و الحمدلله انتظار ساعة أو ساعة و نصف بالكثير و يدخلوني ..
و الطبعا على حسب الطبيبة الموجودة أو الطبيب يعني تقريبا لي حتى الآن ثلاث زيارات و بكرة الرابعة و الثلاث كلها دكتورات يختلفون .. و بكرة أنا و حظي بيدخلوني على مين ..

و التحاليل هم راح يعلموك بالتفاصيل إن كان تحليل سكر راح يقولون لك تصومين و إن كان تحليل عادي تفطرين عادي ..


أحس أنك دختي و احترتي بين وصفي ووصف الشعنونة ..
بس أنا أحب أدخل مع البوابة الخلفية لأنها أسهل صراحة و أسرع ...

و الله يهون علي و عليك و على كل حامل يارب ,,