مواعيد مستشفى فقيه والدكتورة سحر ملودي اللي راجعت عندهم تفيدني

مااعرف
بس حبيت ارفع الموضوع وان شاء الله البنات يساعدونك
الله يتمم امورك على خير ويفرح قلبك بطفلك
وانتي وياه بصحه وعاااافيه



ربي لاتذرني فردا وانت خير الوارثين

أنا زيك في الثامن واراجع في فقيه بس مو عند سحر

وهيا فعلا ماتقبل مواعيد لانو عليها ضغط تجي زي ماقالو ويعطوكي رقم

أما موضوع انها تجي او لا وقت الولادة ماعندي فكرة والله

على فكرة اذا كنتي تأمين تراها تاخد نسبة

انا زيك ابغى الاكيد عن دكتوره سحر بنات يقولو تجي وبنات يقولو اذا خارج دوامها ماتجي
وغير كذا انا ماعندي تأمين وسمعت الولاده عندها تكلف ١٢ الف اذا صح اللي سمعته بشوف غيرها
والله يسهلها لكل الحوامل ويكتبلنا الخيره يااارب

انا حاليا اراجع عند سحر

اول شي بخصوص المراجعه عندها نصيحه لا تروحي الى بداية التاسع لان الزحمه عندها لا تطاااااق
من غير الولادات اللي تجيها الولادات الطبيعيه تروح ٤٥ دقيقه و القيصري ساعتين ولطططعه

اللشي الثاني بخصوص الحجز لا تروحي سبعه لو رحتي ماحتلاقي ولا رقممم انا والله يروح زوجي مع صلاة الفجر لان سبعه تخلص الارقام
بالنسبه لموضوع بعد المستشفى عن بيتك شوفي الايام اللي دوامها فيها من الساعه اربعه العصر
علشان تاخذي رقم الصباح و ترجعي بيتك تنامي و تتغدي و تريحي و صلاة العصر روحي لها

اما سعر الولادة قالت لي ٩٥٠٠ غرفه خاصه و تنويم يومين
و يشمل السعر : خياطة تجميليه ( وطبعا معروفه خياطتها سحر ولا ارووع ) و ابر مهدية وقت الطلق و اكسجين ووقت الولادة كمام وقالت ان شاء الله ماراح تحسي بشي مع الكمام .. و فعلا انا سألت بنت خالتي عن ابرة الظهر لانها تولد هناك دايما و قالت والله الكمام يغنيك حتى خروج الراس ما تحسي ولا شي تقول اخر شي بتحسي فيه انك خلاااااااص تدفي غصب عنك كانك في الحمام و انتو بكرامه قالت و بعدها تدخلين زي الغيبوبه مع الكمام و تصحين و انتي ولدتي و مخيطه و كل شي حولك نظييف وتحسي كل اللي صار زي الحلم و ماتذكري التفاصيل .. و هذي ميزة الولادة في فقيه كمامهم الروووعه

و بالنسبه لحظورها وقت الولاده بنت خالتي ولدة عندها مرتين مره الساعه اثنين الليل و جتها
و مره الفجر و برضو جتها
ووحده تقول والله جت ولدتني بفستان سهره كانت في زواج بس حظرت وقت الولادة

و اهم شي الدعااااء ان ربي يسخر لنا من عبادة الصالحين وييسر امورنا بحول الله

رفع الله قدرك
والله يرزقك اللي تتمنين