اليوم حبيت ادون لكم مواقف حصلت لي بعد ما اتصدق والله ربي رحم حالنا ودلنا على طرق كثيره تدفع البلاء وتجلب السعاده منها الدعاء قيام الليل الصدقه الاستغفار اه اه ياحبيبي ياربي كم مره حصلي او لاولادي او زوجي مواقف والله اقول ممكن بيصير مصيبه ببيتنا بس الحمد لله حمدا كثيرا طيبا مباركا فيه انه تنكشف الغمه ويزول الهم فالحمد لله
بالنسبه للصدقه المواقف فيها كثيره منها
منها ولدي الكبير تعب علينا فجاه سخونه وارهااااااق شديد مو تدريجيا لاعلى طول طاح الولد وماندري وش فيه ماخلينا ولا مستشفى والكل يقول التهاب بالحلق بس الولد مررررررررهتعبان والتهاب الحق مايطول اسبوعين يابنات وولدي مايتحرك الا بصعوبه واذا جلس يرتكز علي وانا ابكي المهم ضروفنا الماديه صعبه بس زوجي الله يقضي عنه الدين قولو امين تسلف مبلغ وقال هذا خر مبلغ اقدر اوفره ماعندي احد اطلبه خلالالالالالالالالالاص لاننا نوديه مستشفى خاص بعدماعذرنا من الحكوميه الله يعين بس
المهم قلت قول خير وهو مهموم وانا اكثر منه قمت قلت خلنا نتصدق بجزء منه قال بس الابر مكلفه الدكتور كتب لولدي ابر الابره 200ريال غير المحلول والدوى اذا عطاه دوى من عنده يعني 500 ممكن الا شوي قلت لا لازم نتصدق ماننفذ كلامه بالعلاج ونسيب كلام اصدق البشر صلى الله عليه وسلم (داو مرضاكم بالصدقه )سكت وتصدقنا بجزء منها وانا حبيت ازيد طلعت من ملابس ولدي وملابسي وقلت يارب هذا الي اقدر عليه شافيلي ولدي ياحي ياقيوم وانا ابكي والله يابنات اليوم الي بعده ودينا الولد المستشفى قال الدكتور ماشاء الله فيه تحسن كبييير اعطوه بس محلول واللي بعده كتب له علاج وولدي تشافى وتحسنت حالته خلال ثلاث ايام ماشاء الله تبارك الله ومن هذاك اليوم وانا ماسيب الصدقه ولو برياااااااال ولو ماعندي فلوس من اغراضي الشخصيه في ناس في الحي محتاجين ودايما يطلبون ملابس اي شئ اي شئ
وولدي الصغير كان يلعب بالصاله ويجري صدم بقزازه المدخل وماشوف غير الدم من جهة عينه قلنا خلالالاص راحت عين الولد لاسمح الله وجري على المستشفى الاقال الدكتور لا مو في العين العين سليمه وقبلها بيوم تصدقت دفعت بلاء وقلت هذا الشئ بخاطري
واخر موقف ادري طولت عليكم :42:
كنى رايحين لاستراحة اختي عنها عقيقه لبنتها والكل راح قبلنا والطريق مافيه حركه كثير بمانها قريه يوم خرجنا من البيت وركبت السياره قلت لعيالي رددو وراي ودعيت عاء الخروج من المنزل ويتهاوشون قلت خلونا نستغفر والله كني حاسه بيصير شئ المهم وطول الوقت استغفر وادعى الا الكفر يطير وتحوصبنا السياره على الرصيف وبعدين الكفر الي قدام جهت الراكب مدري كيف وقفت زوجي يقول الكفر الي قدام اذا طار تنقلب السياره بس الحمد لله قلت ماشاء الله عليك تصرفت قال والله اني ماسك الدركسون ماسويت شئ من الروعه بس الحافظ الله
فعلا الحافظ الله
والمواقف كثثثثثثثره بس بتركلكم مجال تكتبنون مواقفكم مع الدعاء والصدقه وقيام الليل عشان نشجع بعض ويعمنا الاجر ان شاء الله للي بتستفيد
والله خير حافظ وهو ارحم الراحمين
