شمعةخيال :

هههههههههههه ياحليلهم انا جدتي كبيره مره في السن وشوي مضيعه يعني مرره تنسى وتجيب شئ من الماضي تحس انها عايشته.. ــــــــــــــــــ المهم مره تقولي تعالي بقولك شئ في اذنك يوم قربت لها قالت ابشرك بلغت خخخ بس لاتعلمين اهلي يزوجوني عاد جدي اللي هو زوجها ميت الله يرحمه مره تقول ترى رجلي جابني اسلم وبرجع لبيتي بعد شوي وتقعد تستناه وينه تأخر ونتعب عشان نفهمها .. بس والله دايم نضحك عليها ..

هههههههههههه ياحليلهم انا جدتي كبيره مره في السن وشوي مضيعه يعني مرره تنسى وتجيب شئ من الماضي...

روجي فوشي :

بقولكم موقف لي ههههههه حمستوني مره من المرات سيرنا انا ومي وجدتي واختي على ناس اول مره نروح لهم من ربع جدتي المهم فتحو لنا الباب ودخلنا وسلمنا عليهم من الممر للصاله للمجلس الحريم المهم مشو قدامي وانا طلعت اخر وحده وراهم يعني فجاءه مسكتني عجوزهم وتخمني وتحببني وشلونك ياحصه وشلونك يابنيتي وانا توهقت ابي انحاش منها ماقدرت قويه عجوزهم ماشاء الله وتخمني مره ثانيه على صدرها عجزت انحاش منها حاولت انحاش واتبع اهلي تمسكني وتشدني بقوه والله يابنات بقوه وانا صغيره بالمتوسط تخيلو اهلي جلسو بالمجلس والحرمه جابت لهم القهوه ومااحد درى عني بعدين امي قالت للحرمه هذولا بناتي هذي فلانه وجت تقول وهذي فلانه مالقتني معهم وانهبلت امي الا الحرمه تقول يمكنها بالمدخل الا جت لقتني خامتني عجوزهم وانا خلاص انتهيت خانقتني العبره وطلعتني من العجوز وهي تضحك وقالت لاهلي السالفه وماتو ضحك آثاري العجوز مخرفه وتحسبني بنتها حصه موقف آخر مع عجوز مخرفه ايضاً كنت عند ناس بقريه بعيده عن الرياض المهم كانت جدتهم مخرفه وانا سبحان الله اتحاشاهم اخاف يصيرلي موقف معهم لان لي سوابق معهم ومايطيحون الا علي ماني عارفه ليش المهم قالت امي الله يرحمها يلاه نمشي ابوكم عند الباب لبسو عباياتهم ومشو وانا مادري وين راحت عباتي الا عجوزهم ماخذتها قالت هذي عباتي واقول لاياخاله هذي عباتي وانا منهاره ابوي عند الباب بيعصب علي عالتأخير وتجي مرة ولدها وتقولها ياخاله هذي مهوب عباتك عباة البنت ويجيبون عبايتها ويعطونها تقول تلعبون علي هذي عباتي الزينه تجيبون لي عبايه مهوب زينه الا هذي عباتي عرفتها وجدال وياها وانا توهقت اهلي ركبو وابوي بيعصب علي وجدتهم خذت عباتي وين اروح توهقت شوي واصيح من القهر ويتحايلون عليها بس ماش متمسكه بعباتي وحاولو ماقصرو ويسووون خطط لها وهي ماسكتها بقوه موراضيه تتركها في الاخير حطت عبايتي تحتها وشالو العجوز ومسكو يدينها وسحبو العبايه بالقوه وعصبت العجوز وقامت تسب وتهاوش وجابت عصى بتلحقني والبس عباتي بحوشهم وانا اركض ركض والسالفه صارت نص ساعه وابوي ينتظر الله يرحمه

بقولكم موقف لي ههههههه حمستوني مره من المرات سيرنا انا ومي وجدتي واختي على ناس اول مره نروح لهم...

ashawag zezo :

عاد انا بقولكم عن جدتي الله يحفظها وهي برمضان سافروا مكه هي واتنين من خوالي ولما جاء العصر ارسلتهم يجيبوا لها فطور وقشطه طبعا راحوا ولكن نسيوا جوالاتهم في الشقه عندها وهي مو داريه -- ولما قرب اذان المغرب قامت تدق على جوالاتهم وهم مايردون وجوالاتهم عندها والمشكله انها قاعده تسمع صوت جوالاتهم وتركض لها وتروح ترد عليها وتقول يووووووه وش في ذولا مايتكلمون وتزعل وتسب وتدق على التاني ونفس الطريقه وياليل ماطولك وتنتظرهم حتى جو وتقولهم والله ياعيالي اني ادق عليكم وماتردون ومدري من الي يدق على جوالاتكم وما يتكلم ,,,, وهم ماتوا ضحك عليها وقعدوا يفهموها ________________________________ ولا مره ثانيه جات تبي تتسحر قبل الاذان وجالسه على السرير تتسحر المهم شوي الا وراسها تحت ورجولها فوووووق طاحت يعني وانكسر السرير فيها ولما جاو العيال الا وهي منتكسه وعصير بيد وخبز بيد ثانيه وقررررررررر ضحك مو طبيعي ولاتحركت مثل ماهي الان شالوها ________________________________ ومره وحده من عجايزنا كانت تصلي وجت بنتها تسالها من القهوه فهي قامت تحرك يدينها وتسوي بها يمين ويسار بعدين اتأشر عليها ويالله نفس الطريقه ولما خلصت من الصلاه قالت البنت يمه وش تقولين بيدينك قالت اني اقولك الله يلعنك وجه وقفا وحن طحنا ضحكككككككك عليها _________________________________ وحده ثانيه بعد كانت تصلي ولما يجي التشهد الاخير تسوي باصبعها السبابه وتحركه يمين ويسار بعدين تلفها بعدين تنطبها كانهم ترمي حاجه بها ولما سألنها بعد ماخلصت وش ذا الحركه قالت لالا بس قاعده الف بالشيطان الف بالشيطان وارميه ونحنا كككككككككككككك عليها ______________________________ وبس واذ ا فيه شي رجعت لكم

عاد انا بقولكم عن جدتي الله يحفظها وهي برمضان سافروا مكه هي واتنين من خوالي ولما جاء العصر...