ريم الحائرة :

/ هذي وحده من البنات تزوجت وراحت للخارج مع زوجها بعثه للدراسه له ولها.. .المهم شافت الناس ورومنسيتهم قالت خل اسوي مثلهم . .وخاصة انهم كلهم يدرسون وكل واحد فيهم وقت دراسته تختلف عن الثاني فما فيه وقت للجلسه الهاديه.. فقامت يوم من الايام قبل ماتروح للمعهد قالت خل افتح نفسه شوي لما يرجع تعبان ويبغى ينام شوي ونثرت على السرير ورود والعطورات الفواحه تفوح في الغرفه ومن ذا الحركات. ..قالت إذا رجع وشاف الحركات هذي اكيد بيستانس شوي...المهم يوم رجعت من المعهد شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى وسألته قال الله يصلحك ناثره لي عشب على السرير وشلون انام عليه(الله يقلعه مايميز بين الورود والعشب). ...بالله مو المفروض تنثر على السرير تين شوكي عشان يتأدب

/ هذي وحده من البنات تزوجت وراحت للخارج مع زوجها بعثه للدراسه له ولها.. .المهم شافت الناس...

ذبحني غلاتك :

ياربييييييييييييييييييييييييييييه احنوكي يعوروني من الضحك الله يرج إبليسكن وإبليسي عاد أقولكم موقفي............... بعد أسبوعين من زواجي كل يوم نصحى جميع إلا هااليوم صحيت من النوم قبل زوجي مسويه فيها سنع من أولها وصلحت الفطور <<<<< هههه متعوب عليه وآخر شي حطيت بريق الشاهي وقمقوم القهوه حنا نسميه قمقوم ياطويلات العمر.,.على النار قلت خلني اروح على راحتي اصحيه بهدووؤؤ دام اللي على النار يخلصون وكل دقيقه ادخل غرفة النوم واهمس عند أذنه حبيبي نيوف( اسمه نايف وادلعه) حبيبيي نيوف قوم .,. واطلع من الغرفه وارجع اصحيه واهمس بأذنه حبيبي نيوف ياله قوم.,.رجعت للمطبخ خلصت الشاهي والقهوه لسى يبيلها شوي تغلي قصرت على النار وانا ببالي ماابي القهوه تغلي كثير وتنكب على الفرن وانا أفكر بالقهوه دخلت الغرفه وليتي ماقلت.,., ,.,مسويه دلع ورفعت صوتي أبي أصحيه آخر مره وكنت بعيده عن السرير ماهمست كاالعاده ههههه.,. قلت حبيبي نييييييوم قمقووووووم ياله قوم, انا انهبلت مادري وشي اللي قلت أبي اعدل الكلام,من الربكه عكست قلت قمقوووم نييييوم انا طحت بالارض أشخر من الضحك ومفتشله ابي أعدل أعميته رفعت رآسي لسرير إلا السرير يرافس وأطالع زوجي فاطس ضحك آثاريه يسمعني من يوم صحيت وساكت مستمتع ببراد الغرفه.,.بس الله لايوريكن من الضحك تسمعن شخير خشمي وطول اليوم وهو يعلق علي نيييوم قمقوووم خخخخخ عجيبه.,.

ياربييييييييييييييييييييييييييييه احنوكي يعوروني من الضحك الله يرج إبليسكن وإبليسي عاد أقولكم...

@@معتزة بحجابي@@ :

ياحليلكم مواقفكم تهبل وتموت ضحك وذكرتوني بموقف صار لي قمه في الاحراج كنت هاذاك اليوم لابسه قميص نوم ومتكشخه ومحد قدي وكان هالقميص لونه بني جلد نمر وكان قصير مرره يعني لو اركع صارت علوم وكنت جالسه انتظر عيالي ينامون ولدي في ثاني ابتدائي وبنتي لسا ما دخلت روضه وكان النور طافي بس نور التلفزيون والظاهر ان ابو الشباب تباطاني يعني حس اني تأخرت وطلع علي وجلس جنبي ويتميلح ويترجاني اقوم وانا مسويه فيها ثقيله وهو منا وانا مصره على ثقلي قال تقومين والا اشيلك انا هنا ضحكت في نفسي وفرحت واخيرا بحس اني انثى والفارس بيشيلني قلت بعورك ثقيله مع اني موسمينه جسمي حلو بس اكيد مو زي النحاف ينشالون بخفه قال لا عادي وهو مصر قلت خلاص بشرط شلني على ظهرك اخف لك يعني مثل القرودخخخ وحاطه رجولي على ظهره ويديني على رقبته فهمتوا وكانت البلاوي اللي ورى طالعه ولما وصل السرير بيحطني عليه الا ولدي اللي برابع عند الباب اثاريه شاف المسلسل المكسيكي وانا ما ادري وفجأه تداركت الموقف ورقعت وجاتني ام الفكره وقلت اه يارجولي تعورني مسويه فيها رجولي تعورني وما قدرت امشي وابو الشباب شايلني عشان كذا شالني احلقيها اذا صدق ولما جا اليوم الثاني على الغدا مسويه نفسي رجولي تعورني يعني اني تعبانه واغمز لزوجي رجلي تعورني عشان كذا ابوك شالني وتوبه بلا رومانسيه بلا هم

ياحليلكم مواقفكم تهبل وتموت ضحك وذكرتوني بموقف صار لي قمه في الاحراج كنت هاذاك اليوم لابسه قميص...

مها بنت متعب :

مره من المرات باتروش وزوجي بغرفة النوم جنب الحمام وتركت ولدي مع الشغاله بغرفة المعيشه مقابله لغرفتنا بس فيه باب فاصل دخلت الحمام بأمان الله فصخت الملابس وفتحت الماء الدش وكان حار فأنتظرت متي يفتر يعني يبرد وادخل تحت الما واطلع يعني صار شعري شوي مبلول بس لسه مابعد بديت الا اللي طلع من تحت الكرسي اللي بالحمام صرصور من زود الخرررعه الصرصور مو يمي بيطلع والله ماادري وين بيروح بس مو متجه لي صرخت ذيك الصرخه الفضيعه وطلعت اركض بدون ملابس عند زوجي وولدي والخدامه وارتجف زوجي اتوقع ان السخان انفجر ورجع بسرعه وصحيت يوم شفت ولدي متخرع مني يصيح ماعرفني ماالومه اخررررع بلا شي والشغاله تحسبني انجنيت وارجع للغرفه وشعري ينقط مويه والله أني انرحم ويجي زوجي يسألني وش فيني قلت صرصور وباروح ادله عليه يوم جيت الا أنا قد قتلته ومابقي منه الا ريشه يوم حطيت رجلي بس عتب علي زوجي لانه جدي نوعا ما وبعد كم من الوقت عرفت أني الي الان بدون ملابس رحت ولا تروشت لبست ملابسي وكرهت التروش لا والدش شغال يصبصب ما وذاللحين كل ماشاف زوجي صرصور يقعد يراقب تصرفي وانا والله اكرررررهه طولت عليكم بنات

مره من المرات باتروش وزوجي بغرفة النوم جنب الحمام وتركت ولدي مع الشغاله بغرفة المعيشه مقابله...