نفيسه خانم
•
الله يسعدكم يا بنات
قوسيه
•
1) لما زوجي الحبيب خطبني ، طبعا لازم الشوفة قبل الملكة ، وكنت شارطة اني ما أدخل مع بابا ( لأني أخجل من بشكل مو طبيعي ) وانهم يضيفوه قبل ما أدخل لأني ماراح أشيل شي معايا ( درءا للإحرج ، وما كنت دارية انه راحتجيني طامة *_* )
فدخلت مع ماماته ( حماتي ) ، جلست الى ان وجهي انطبع على الأرض من كثر اني مكسوووووووووفة .. وهو يسأل وأنا أجاوب الحمد لله ... فالأخير وأنا في نفسي أقل الحمد لله عدت على خير إلا أسمع حماتي العزيزة تقولي يا فلانة .. هذا ولدنا فلان شفتيه عجبك ولا لأ ؟؟ و الله العظيم حسيت كأنه أحد أعطاني كف و ما لحقت أستوعب الموضوع الا الأخ مسوي فيها حركات ويرد على أمه و يقول : يا أمي لا تكسفيها أكيد خجلانة تقول قدامي ... طبعا أنا في دي اللحظة انقطعت عن الدنيا و ما حسيت نفسي الا وأنا واقفة بره الصالون و في يدي خاتم واسورة والكل لولولولولولوي ... طبعا كل ما جا الموضوع أقوله حبكت تعمل حركات في دا الوقت .. آآآه بس ..
و النكتة انه بعد كم سنة أخو زوجي خطب وراح مع أمه وخالته وأخته يوم الشوفة و سلفتي أبوها متوفي فدخلت معاها أمها و يسير فيها نفس الموقف بس من خالة زوجي هي اللي تسألها .. وبعدها بيوم ماما (حماتي ) بتحكيني على اللي صار وتقول لي أختي أم فلان الله يهديها أحرجت العروسة تسألها اذا عجبها فلان ولا لأ !!! طالعت لها من تحت و قلت لها يا ماما يا حبيبتي انت عملتي كدا فيا يوم الشوفة هي انصدمت و تقولي من جد ؟؟ والله مو فاكرة !! ضحكت وقلت لها أنا فاكرة وعمري ما أنسى الموقف الخطير دا ، الظاهر تحبوا تتأكدوا على طول ... و صارت هي تضحك خخخخخخخخ ..
2) هذا الموقف أول مرة يكلمني بعد الملكة كان ثاني يوم وأنا عندي فرح أخت صاحبتي و جالسة أتجهز ومشغولة في غرفة ماما ويدق التلفون وماما تهرج وأنا مو معاها المهم شوي كده تقول لا ما في مشكلة هذه حليلته و تطالع في واتعطيني التلفون و أنا ها ؟؟
بعدين أستوعبت انه عريس الهنا يبغا يكلمني فطبعا كانت المكالمه كلها 5 دقايق و كلها بلاوي أول شي أبغى أسأله عن أخبار أمه وأبوه فقلت له ( كيف حال أبلة فلانة و عمو فلان ) ماما كانت واقفة طاحت من طولها من الضحك ... و في الأخير طلب رقم الجوال فأعطيته واستأذنت اني خارجة وبابا يستناني وقفلت .. وأنا جالسة في السيارة أكتشفت اني أعطيته آخر رقمين في الجوال غلط@_@ ... ( كان الرقم جديد ولسى ما حفظته مزبوط ) و الحمد لله ربي ستر ثاني يوم دق على تلفون البيت مو الجوال و صلحت الغلط .. والين دحين يقول لو اني مادقيت على البيت ودقيت على الجوال وطلعت لي وحدة ثانية كان ..... مشفر خخخخخخخخ ..
3) أول مرة جاء عندي بعد الملكة بعد 10 أيام فاستقبله بابا واخويا .. وكانوا كلهم جالسين في الصالون ، وجات ماما تناديني وقالت لي يالله وانا أقولها كيف أدخل وبابا جوه ؟؟ ما أقدر وبعد المناحلة دخلت واتخيلو بس معايا مزبوط ( العريس جالس على كنبة مقبل بابا وبينهم طاولة كبيرة في النص ) المهم دخلت وهو وقف عشان يسلم وقفت انا قدام بابا يعني بيني وبينه الطاولة ومديت يدي !! صافحت ودرت وجهي بسرعة وألصق في بابا ، وبابا يأشر لي وأنا مو فاهمة شي ، أثري زوجي واقف وماسك في يده هديه - فديت قلبه رومانسي- يبغى يعطيني هي وانا من الخجل ما انتبهت .. والحين كل مانفتكرها يوقولي فشلتيني قدام أبوك خخخخ
طبعا أيام الملكة ما تخلو من المواقف المحرجة ، مثلا نكون في لحظةرومنسية ومسبلين وفجأة تقتحم أختي الصغيرة ( كان عمرها 3 سنوات ) علينا الصالون وتجلس في عبي وتخرب أم الجو ، ومرة أختي اللي في الإبتدائي دخلت الصالون بالغلط كانت رايحة الغرفة اللي جنبها وكان زوجي حاطني في عبه زي الأطفال و يآذيني .. طبعا كلنا انحرجنا !!
فديتك كملي
انبسطت على سوالفك :)
فدخلت مع ماماته ( حماتي ) ، جلست الى ان وجهي انطبع على الأرض من كثر اني مكسوووووووووفة .. وهو يسأل وأنا أجاوب الحمد لله ... فالأخير وأنا في نفسي أقل الحمد لله عدت على خير إلا أسمع حماتي العزيزة تقولي يا فلانة .. هذا ولدنا فلان شفتيه عجبك ولا لأ ؟؟ و الله العظيم حسيت كأنه أحد أعطاني كف و ما لحقت أستوعب الموضوع الا الأخ مسوي فيها حركات ويرد على أمه و يقول : يا أمي لا تكسفيها أكيد خجلانة تقول قدامي ... طبعا أنا في دي اللحظة انقطعت عن الدنيا و ما حسيت نفسي الا وأنا واقفة بره الصالون و في يدي خاتم واسورة والكل لولولولولولوي ... طبعا كل ما جا الموضوع أقوله حبكت تعمل حركات في دا الوقت .. آآآه بس ..
و النكتة انه بعد كم سنة أخو زوجي خطب وراح مع أمه وخالته وأخته يوم الشوفة و سلفتي أبوها متوفي فدخلت معاها أمها و يسير فيها نفس الموقف بس من خالة زوجي هي اللي تسألها .. وبعدها بيوم ماما (حماتي ) بتحكيني على اللي صار وتقول لي أختي أم فلان الله يهديها أحرجت العروسة تسألها اذا عجبها فلان ولا لأ !!! طالعت لها من تحت و قلت لها يا ماما يا حبيبتي انت عملتي كدا فيا يوم الشوفة هي انصدمت و تقولي من جد ؟؟ والله مو فاكرة !! ضحكت وقلت لها أنا فاكرة وعمري ما أنسى الموقف الخطير دا ، الظاهر تحبوا تتأكدوا على طول ... و صارت هي تضحك خخخخخخخخ ..
2) هذا الموقف أول مرة يكلمني بعد الملكة كان ثاني يوم وأنا عندي فرح أخت صاحبتي و جالسة أتجهز ومشغولة في غرفة ماما ويدق التلفون وماما تهرج وأنا مو معاها المهم شوي كده تقول لا ما في مشكلة هذه حليلته و تطالع في واتعطيني التلفون و أنا ها ؟؟
بعدين أستوعبت انه عريس الهنا يبغا يكلمني فطبعا كانت المكالمه كلها 5 دقايق و كلها بلاوي أول شي أبغى أسأله عن أخبار أمه وأبوه فقلت له ( كيف حال أبلة فلانة و عمو فلان ) ماما كانت واقفة طاحت من طولها من الضحك ... و في الأخير طلب رقم الجوال فأعطيته واستأذنت اني خارجة وبابا يستناني وقفلت .. وأنا جالسة في السيارة أكتشفت اني أعطيته آخر رقمين في الجوال غلط@_@ ... ( كان الرقم جديد ولسى ما حفظته مزبوط ) و الحمد لله ربي ستر ثاني يوم دق على تلفون البيت مو الجوال و صلحت الغلط .. والين دحين يقول لو اني مادقيت على البيت ودقيت على الجوال وطلعت لي وحدة ثانية كان ..... مشفر خخخخخخخخ ..
3) أول مرة جاء عندي بعد الملكة بعد 10 أيام فاستقبله بابا واخويا .. وكانوا كلهم جالسين في الصالون ، وجات ماما تناديني وقالت لي يالله وانا أقولها كيف أدخل وبابا جوه ؟؟ ما أقدر وبعد المناحلة دخلت واتخيلو بس معايا مزبوط ( العريس جالس على كنبة مقبل بابا وبينهم طاولة كبيرة في النص ) المهم دخلت وهو وقف عشان يسلم وقفت انا قدام بابا يعني بيني وبينه الطاولة ومديت يدي !! صافحت ودرت وجهي بسرعة وألصق في بابا ، وبابا يأشر لي وأنا مو فاهمة شي ، أثري زوجي واقف وماسك في يده هديه - فديت قلبه رومانسي- يبغى يعطيني هي وانا من الخجل ما انتبهت .. والحين كل مانفتكرها يوقولي فشلتيني قدام أبوك خخخخ
طبعا أيام الملكة ما تخلو من المواقف المحرجة ، مثلا نكون في لحظةرومنسية ومسبلين وفجأة تقتحم أختي الصغيرة ( كان عمرها 3 سنوات ) علينا الصالون وتجلس في عبي وتخرب أم الجو ، ومرة أختي اللي في الإبتدائي دخلت الصالون بالغلط كانت رايحة الغرفة اللي جنبها وكان زوجي حاطني في عبه زي الأطفال و يآذيني .. طبعا كلنا انحرجنا !!
فديتك كملي
انبسطت على سوالفك :)
الصفحة الأخيرة