NASEM AL SBAH :

الله يسعدكم مواقف روعة انا تزوجت قبل 6سنوات وكان التصوير مومنتشر مرة واتكلت على ابو الشباب يكون عنده كاميرا ونتصور لكن للاسف ماتصورت في ليلة عرسي وكانت عقدة في حياتي ليش مااملك صورة لذكرى حلوة في حياتي المهم راح زوجي انتداب لمدينة ثانية وكنت نفاس بولدي الثاني ورجع زوجي وانا مخلصة النفاس قلت لاازم اصلح له حفلة ماينساها بحياته فكرت وقررت البس فستان عرس ابيض واصلح مكياج وتسريحة واطلع له كأني عروس وطبعا كان في بالي اترك عيالي عند اهلي مع ان ولدي الثاني مايرضع الا مني لكن قلت امي بتصرف وانا بعدبن باخذه وكنت جاهزة وعلى سنقة عشرة وطبعا زوجي مايدري وش كنت مسوية له ويتصل علي ويقول وينك قلت له انا رايحة البيت الحين قال المهم العيال جبيهم معك انا مشتاق لهم قلت بتشوفهم اخر الليل قال لا لا جبيهم معك انا ارتفع ضغطي وجبتهم معي لكن امحق عروس بس طول الليل اركض ورى ولدي الاول من مكان الى مكان بذيل طويل كنس كل البيت والا كل شوي وانا فاتحة السحاب وارضع ولدي الثاني عاد ذي عروس زوجي قال لوكنت ادري انك عروس ماقلت جبيهم لكن يالله توووووبة مااصلح نفسي عروس مرة ثانية ******* وفي اول سنة زواج قلت باحتفل بذكرى زواجنا وزوجي طبعا مايدري قلت باصلحها مفاجئة في بالي ان زوجي يعرف ان فيه ناس يحتفلون بذكرى زواجهم المهم رحت مع اخوي السوق وجهزت كل شي واشتريت لزوجي هدية جوال واغلفه وازبط المكان اللي بنجلس فيه واتصل على زوجي واقول له لاتتاخر بعد المغرب وانت عندي قال خلاص طبعا كنت ناوية نشرب عصير وناكل قاتوه واعطيه هديته وبعدها نروح المطعم نتعشى جاء زوجي وانذهل من اللي شاف ونشرب العصير واعطيه الهدية وهو على طول فتحها وشافه جوال وانبسط مرة وخلص العصير بسرعة وقال عن اذنك قلت على وين ؟؟؟؟قال باروح محل الجوالات انا فرحت على بالي بشتري لي هدية قلت ببرأة ليش قال ابيع جوالي القديم .وش اصلح بجوالين عاد انا انهبلت ومعاد دريت وش اقول وهو راح ولاعلى باله وادق على امي واقول وين رايحين قالت السوق قلت مروني جايه معكم امي وين الحفلة قلت واوه من الصباح وحنا محتفلين هههههههه ************* وفي شهر العسل كنت اتمشى انا وزوجي في مول ونطلع السلم الكهربائي واطيح فيه قدام الله وخلقه بعدها جلست سنتين مااطلع سلم كهربائي طولت عليكم لكن حياتي مليئة بالمواقف واذا تذكرت شي رجعت وسدحته هنااااااا استغفر الله العظيم

الله يسعدكم مواقف روعة انا تزوجت قبل 6سنوات وكان التصوير مومنتشر مرة واتكلت على ابو الشباب يكون...