مره كنا تونا متعشين وريحك الاكل بالصاله ورحت جبت مبخره وحطيت بخور وشبكتها وحطيتها فوقالطاوله كان وقتها علينا مطر وابو الشباب فاتح الشباب ويقول جو حلو تعالي شوفي وكنت حامل بشهوري الاخيره المهم جا وجلس مانتبه للمبخره وكانت ورا الاب توب حقه يوم شاف دخان البخور يحسبه محترق شي وهو يقمز فوق الكنبه ويقول احترقنا احترقنا 😂😂😂 والله ياجاني ضحك بغيت اولد

فاتح الشباب🙈. اقصد فاتح الشباك

من المواقف اللي تفشل كنا في مصر في منتجع جميل نظيف وهادئ قريب من الاسكندرية معي البنات واحدة 4 سنين ونص والثانية 5 شهور تقريبا المهم صديق زوجي رجل اعمال مصري كان يعرفه ودائما يجي السعودية ويساعده زوجي سواء في عمله او اشياء ثانية هو لما درى اننا في مصر حب يعمل الواجب معنا ويجينا طاق مشوار من القاهرة للاسكندرية بسيارته والا اوديكم مطعم حلو مررة وفيه حديقة حيوانات وزوجي لا يا ابن الحلال مستانسين هنا ما نبي نطلع الا للمطار وهو مصر انا باخذكم وارجعكم ونركب معه في سيارته ومع طول الطريق وشوارع الاسكندرية بصراحة كلها حفر ومطبات بنتي الكبيرة ما تحملت وقبل نوصل بشوي استفرغت في السيارة والله فشيلة :boom: والمشكلة روحتنا كلها مجاملة قعدنا 5 دقايق تفرجنا على المطعم واللوحات وحديقة الحيوانات اللي تشمين ريحتها وانتي في المطعم وطلعنا على طول اول ما وصلنا الاوتيل قال زوجي قايل لك عيالنا رقيقين ما يتحملون واعتذر منه قال المصري انا اللي اسف ما انبسطوش ولا حاجة .. يوم وصلنا الغرفة قلت لزوجي خله يحط سفن اب وبيكربونات عشان الريحة ،، .. عاد ادعوا لهالرجال توفى من سنة وشوي الله يغفر له ويرحمه كان طيب مررة :icon35:

أول أيام الزواج وقت احم احم الشمعه أحرقت شعري وزوجي ينفخ ويطفي وشعري مولع

هههههههههههه ان شاء الله دوم السعادة في مواقف فطستني ضحك